HOSIA 11:12 - Khasi CL Bible (BSI)

¹² U Trai u ong, “Ki paid Israel ki la ker sawdong ïa nga da ki jinglamler bad jingshukor, bad ki paid Judah ki dang ïai ïaleh pyrshah ïa nga, U Blei baïaineh bad uba khuid.

KA BAIBL

¹² “U Ephraim u ker tawiar ïa nga da ka jinglamler, ka ïing Israel ruh da ka jingshukor: hynrei, u Judah u dang synshar bad U Blei, bad u dang ïaineh bad U Bakhuid.”

HOSIA 11:12 ပူးပေါင်းရင်းမြစ်များ

JENESIS 2:11

Ka wah kaba nyngkong ka dei ka Pishon; ka tuid sawdong ka ri Habilah.

JENESIS 32:28

Uta u briew u ong, “Ka kyrteng jong me kam long shuh u Jakob. Me la ïaleh bad U Blei bad ki briew, bad me la jop ruh; kumta ka kyrteng jong me kan long noh u Israel.”

SALM 78:36

Hynrei ki kyntien jong ki, ki long baroh kiba lamler; ym don kano kano kaba ki kren kaba long kaba sngur.

ISAÏAH 29:13

U Trai u la ong, “Kine ki briew ki ong ba ki mane ïa nga, hynrei ki ktien jong ki kim don jingmut ei ei, bad ki dohnud jong ki, ki long shawei pat. Ka niam jong ki kam long ei ei, hynrei ka long tang ki aiñ bad ki rukom briew, kiba ki shu spel lyndet.

ISAÏAH 44:20

Ka long ka jingsngewthuh kumba bam dpei. Ki jingmut ba-bieit jong u ki la ïalam bakla ïa u ha kaba u don sha lyndet ka jingïarap. Un ym pdiang ha lade ba ka bleithaw ba u bat ha ka kti jong u kam long satia ka blei.

HOSIA 10:13

Hynrei pynban phi la bet ïa kaba sniew bad ïoh ot ïa ka jingot jong ka. Phi la bam ïa ki soh ba la pynmih da ka jingshukor jong phi. “Namar ba phi shaniah ha ki kali thma jong phi bad ha ka jingbun paid ki shipai jong phi,

HOSIA 12:1

Kaei kaei baroh ba ki paid Israel ki leh naduh mynstep haduh da miet ka long ka bymmyntoi bad kaba pynjot. Ka jingshetkylla bad ki jingleh jubor ki nang jyllei hapdeng jong ki. Ki ïateh jutang bad ka Assyria, bad ki ïakhaïi bad ka Ijipt.”

HOSIA 12:7

U Trai u ong, “Ki paid Israel ki long bymhok kum ki nong Kanaan; ki sngewtynnat ban shukor ïa ki nongthied da ki tarajur bymhok.

HOSIA 4:15

“Wat lada phi ki briew ka Israel phim ïaineh ha nga, ai ba ki Judah kin ym ngop ha kijuh ki jingleh pop. Wat leit mane sha Gilgal lane sha Bethaben, lane pynlong ki jingïateh kular ha ka kyrteng U Trai uba im.

HOSIA 4:2

Ki ïateh kular bad ki pynkheiñ ïa ki, ki lamler, ki pynïap briew, ki tuh, bad ki klim. Ki kam sniew ki nang jyllei, bad ka don ka jingïa-pynïap briew kawei hadien kawei pat.

HOSIA 7:16

Ki ïai phai lyndet na nga sha u blei u bymdonbor ei ei ruh em. Ki long ki bym lah ban shaniah kum ka ryntieh kaba kynriang. Namar ki nongïalam jong ki, ki kren meng, kin ïap ha ka jingïap bashyrkhei, bad ki nong Ijipt kin sa ïa-rkhie.”

HOSIA 7:3

U Trai u ong, “Ki briew ki shukor ïa u syiem bad ki rangbah synshar jong u da ki buit bymman jong ki.

MIKAH 6:12

Ki briew bariewspah jong phi ki kjit na kiba duk, bad baroh ki long ki nongshukor.

1 KORINTH 6:2

Hato phim tip ba ki briew U Blei kin sa bishar ïa ka pyrthei? Te, namarkata, lada phi long ki ban bishar ïa ka pyrthei, hato phim long kiba lah ban bishar ïa kiei kiei kiba rit?

JINGPYNPAW 1:6

bad pynlong ïa ngi ka hima jong ki lyngdoh ban shakri ïa U Blei bad U Kpa jong u. Ha U Jisu Khrist, to long ka burom bad ka bor junom la junom! Amen.

JINGPYNPAW 3:21

Ha kito kiba ïoh ïa ka jingjop ngan ai ïa ka hok ban shong ha syndah jong nga ha ka khet jong nga, kumba nga ruh nga la jop bad mynta nga shong ha syndah U Kpa jong nga ha ka khet jong u.

JINGPYNPAW 5:10

Me la pynlong ïa ki, ka hima ki lyngdoh ban shakri ïa U Blei jong ngi, bad kin synshar ha ka pyrthei.”