HOSIA 11:10 - Khasi CL Bible (BSI)

¹⁰ “Ki briew jong nga kin sa wan bud ïa nga haba nga kyrhuh kum u sing ïa ki nongshun jong ki. Kin wan kyrkieh sha nga na sha sepngi.

KA BAIBL

¹⁰ “Kin bud ïa U Trai, u ban kyrhuh kum u sing: namar u hi un kyrhuh, te ki khun kin wan da kaba khynñiuh na sepngi.

HOSIA 11:10 ပူးပေါင်းရင်းမြစ်များ

Ka Kitab U Job 37:1

Ka 'erïong, ka pynlong ïa ka dohnud jong nga ban kyndeh stet.

SALM 119:120

Namar jong me nga sheptieng; la pyndap ïa nga da ka jingtieng namar ki jingbishar jong me.

SALM 2:11

Shakri ïa U Trai da ka jingsheptieng;

ISAÏAH 11:11

Haba kata ka sngi ka wan, U Trai sa shisien pat un pyndonkam ïa ka bor jong u bad un wallam pat sha ïing ïa kito kiba na ki briew jong u kiba la shah iehnoh ha Assyria bad Ijipt, ha ki ri jong ka Pathros, ka Sudan, ka Elam, ka Babilonia bad ka Hamath, bad ha ki rud duriaw bad halor ki dewlynnong jong ki duriaw.

ISAÏAH 2:5

Mynta, ko ki khun ki ksiew jong u Jakob, to ngin ïaid ha ka jingshai kaba U Trai u ai ha ngi!

ISAÏAH 31:4

U Trai u la ong ha nga, “Kam pher kumno ki nongaplangbrot ki kynhied bad ki pyrta, kim lah ban pyntieng ïa u sing ba un phet na ka jingri ba u la pynïap; ha kajuh ka rukom, ym don kano kano kaba lah ban khang ïa nga, U Trai Badonbor Baroh na kaba ïada ïa u Lum Seïon.

ISAÏAH 42:13

U Trai u leit mih ban ïaleh kum u riewkieng atiar; u long uba la kloi bad kwah eh ban ïaleh thma, u kyang-thma, u pyrta ban ïaleh thma; u pyn-i ïa la ka bor pyrshah ïa la ki nongshun.

ISAÏAH 49:10

Kin ym shahthngan lane sliang shuh. Ka jingshit jong ka sngi bad ka ri shyiap kin ym pynjynjar ïa ki, namar yn ïalam ïa ki da uta uba ieit ïa ki. Un ïalam ïa ki sha ki umpohliew.

ISAÏAH 64:2

Kin khynñiuh kum ka um ba dang shet halor ka ding kaba khluit. Ale bad pynpaw ïa ka bor jong me ha ki nongshun jong me, bad pynlong ïa ki jaitbynriew ban khynñiuh ha khmat jong me!

ISAÏAH 66:2

Ma nga hi nga la thaw ïa ka pyrthei baroh kawei! Nga shem sngewbha bad kito kiba sngewrit bad kiba kylla-kaba-mut, kiba sheptieng ïa nga bad kiba kohnguh ïa nga.

ISAÏAH 66:5

To sngap ïa kaei kaba U Trai u kren, phi kiba sheptieng bad kohnguh ïa u: “Namar phi long kiba ïaineh ha nga, katto katne na ki briew jong phi hi ki shun ïa phi bad kin ym don ïadon bynta ei ei bad phi. Ki rkhiebeiñ ïa phi bad ong, ‘Ai ba U Trai un pyn-i ïa ka jingkhraw jong u bad pynim ïa phi, kumta ba ngin ïohi ïa phi ba phi shadkmen.’ Hynrei dei ma ki hi, ki ban jahburom!

JEREMAÏAH 2:2

ban pynbna ïa kane ka khubor ha uwei pa uwei ha Jerusalem, “Nga kynmaw kumno phi la long kiba ïaineh mynba phi dang khynnah, kumno phi la ieit ïa nga mynba ngi dang shongkurim nyngkong; phi la bud ïa nga lyngba ka ri shyiap, lyngba ka ri ka bym pat shym la thung jingthung.

JEREMAÏAH 25:30

“Ma me, ko Jeremaïah, me dei ban pynbna ïa baroh kaba nga la ong. Me dei ban ïathuh ha kine ki briew, “ ‘U Trai un kyrhuh na bneng, bad un kyrhuh pyrthat na ki bynta bajrong ka bneng; un sa kyrhuh pyrshah ïa la ki briew; un kyang kum u briew uba ïuh ïa ki sohwaiñ. Uwei pa uwei ha ka pyrthei un ïohsngew ïa u, bad ka jingsawa kan sawa shaduh kiba kut ka pyrthei.

JEREMAÏAH 31:9

Ki briew jong nga kin wan phai da kaba ïam, da kaba duwai katba nga ïalam ban wan phai pat. Ngan ïalam ïa ki sha ki wahduid, ha ka lynti kaba beit ha kaba kin ym jynthut. Nga long kum u kpa ïa ki Israel, bad u Ephraim u long u khun banyngkong eh jong nga.”

JEREMAÏAH 33:9

Ka Jerusalem kan long ka thymmei jong ka jingkmen, ka burom bad ka jingsngew sarong ïa nga; bad ki jaitbynriew baroh ha ka pyrthei kin sheptieng bad khynñiuh haba kin ïohsngew ïa kiei kiei kiba bha kiba nga leh ïa ki briew ka Jerusalem bad shaphang ka jingroi jingpar kaba nga wallam ha ka nongbah.”

JEREMAÏAH 5:22

Nga long U Trai; balei phim sheptieng ïa nga? Balei phim khynñiuh ha khmat jong nga? Nga la buh ïa u shyiap kum u pud jong ka duriaw, u pud uba neh ba kam lah ban jam palat. Ka duriaw ka lah ban kynting, hynrei kam lah ban leit palat ïa u; ki jingat phyllung ki lah ban kyrhuh, hynrei kim lah ban ksam lyngba.

JEREMAÏAH 50:4

U Trai u ong, “Haba ka por ka poi, ki paid Israel bad Judah kin wan ïa-ïam, kin wad ïa nga, U Blei jong ki.

JEREMAÏAH 7:6

Sangeh ban shim kabu ïa ki nongwei, ki khunswet, bad ïa ki riewkynthei. Sangeh ban pynïap ïa ki briew balui lui hapoh kane ka ri. Sangeh ban mane ïa kiwei pat ki blei, namar kata kan pynjot ïa phi.

JEREMAÏAH 7:9

Phi tuh, pynïap briew, klim, ïathuh lamler hapoh ka jingsmai, ai jingainguh ha u Baal, bad mane ïa ki blei kiba phim pat ju tip mynshuwa.

ESEKIEL 26:16

Baroh ki syiem jong ki hima ba don hajan ka duriaw kin wan hiar na ki khet jong ki. Kin law noh ïa ki jaiñkup bad ki jaiñ ba-itynnat jong ki bad kin shong kyiuh ha ka khyndew. Kin sngewtriem haduh katta katta ha ka kupar jong pha kat haduh ba kim lah ban sangeh na jingkyiuh.

HOSIA 3:5

Hynrei ka por kan poi haba ki paid Israel sa shisien pat kin phai sha U Trai U Blei jong ki; bad sha uba hiarpateng na u Dabid u syiem jong ki. Nangta kin sheptieng ïa U Trai bad kin sa ïohpdiang ïa ki jingai babha ki jong u.

JOEL 3:16

U Trai u kyrhuh na u lum Seïon; ka sur jong u ka byrthen na Jerusalem; ka khyndew bad ka suiñbneng ki khynñiuh. Hynrei un ïada ïa la ki briew.

AMOS 1:2

U Amos u ong, “U Trai u kyrhuh na u lum Seïon; Ka sur jong u ka tied kum u pyrthat na Jerusalem. Ki jaka phlang ki tyrkhong, bad u phlang ha Lum Karmel u ïapstai.”

AMOS 3:4

Hato u sing u ju kyrhuh ha khlaw lymda u la lap ei ei ban kynrup? Hato u sing samla u ju byrngem ha la krem lymda u la ïohkem ei ei?

AMOS 3:8

Haba u sing u kyrhuh, uei uba lah ban lait na ka jingtieng? Haba U Trai Nongsynshar u kren, uei uba lah ban lait khlem pynbna ïa ka khubor jong u?

MIKAH 4:5

Kawei pa kawei ka jaitbynriew ka mane bad kohnguh ïa la u jong u blei, hynrei ngi ngin mane bad kohnguh ïa U Trai U Blei jong ngi junom la junom.

HABAKKUK 3:16

Nga ïohsngew ïa kane baroh, bad nga kyiuh; ki rmiang shyntur jong nga ki khih da ka jingsheptieng. Ka met jong nga ka jem lwep, bad ki kjat jong nga ki jynthut hapoh jong nga. Ngan ap jar jar ïa ka por ka ban wan haba U Blei un pynshitom ïa kito kiba tur ïaleh ïa ngi.

SEKHARAÏAH 10:10

Na Ijipt bad na Assyria ngan wallam ïa ki sha ïing bad ngan pynshongduh ïa ki ha ka ri jong ki hi. Ngan pynshongduh ïa ki ha Gilead bad ha Lebanon kumjuh; ka ri baroh kawei kan dap da ki briew.

SEKHARAÏAH 10:12

Ngan pynkhlaiñ ïa ki briew jong nga; kin ïamane bad kohnguh ïa nga.” U Trai u la kren.

SEKHARAÏAH 8:7

Ngan pyllait im ïa ki briew jong nga na ki ri sha kiba la shim noh ïa ki,

ÏOANNIS 8:12

U Jisu u la kren biang ha ki Pharisi. “Nga long ka Jingshai jong ka Pyrthei,” u la ong. “Uno uno uba bud ïa nga un ïoh ïa ka jingshai jong ka jingim bad da lei lei un ym ïaid ha ka jingdum.”

KI KAM 24:25

Hynrei katba u Paul u dang batai shaphang ka jingbha, ka bor halor lade, bad ka Sngi ka Jingbishar ka ban sa wan, u Pheliks u la sheptieng bad u la ong, “Mynta me lah ban leit noh shuwa. Ngan sa phah khot pat haba nga ïohlad.”

Ka Shithi U Paul Sha Ki Nong Rom 8:1

Ym don jingpynrem shuh mynta na ka bynta kito kiba im ha U Khrist Jisu.

2 PETROS 2:10

Kine ki nonghikai balamler ki long kiba shlur bad kiba kyr-eit, bad kim pyn-i jingñiewburom ïa ki jingthaw ba kynja bneng; pynban ki krenbeiñ ïa ki.

JINGPYNPAW 10:3

bad u la pyrta da ka sur kaba jam kaba sawa kum ka jingkyrhuh ki sing. Hadien ba u la pyrta jam, ki hynñiew tylli ki pyrthat ki la jubab da ka jingkyrhuh.