HOSIA 10:8 - Khasi CL Bible (BSI)

⁸ Ïa ki jaka mane blei ha kliar lum Aben, ha kiba ki paid Israel ki mane ïa ki bleithaw, yn pynjot noh. Ki shiah bad ki ñiut kin san ha ki duwan jong ki; ki briew kin sa pyrta ha ki lumbah, “To buhrieh ïa ngi!” bad ha ki lumrit, “To tap ïa ngi.”

KA BAIBL

⁸ Ki jaka bajrong ka Aben ruh, ka pop u Israel, yn pynjot noh: u shiah bad u shiah buid kin mih ha ki duwan jong ki; te kin ong ha ki lum bah, ‘To tap ïa ngi’; bad ha ki lum rit, ‘To hap ha ngi’.

HOSIA 10:8 ပူးပေါင်းရင်းမြစ်များ

JENESIS 3:8

Ha kata ka janmiet, ki ïohsngew ïa U Trai U Blei ba u ïaid ha kper; bad ki la rieh na u hapdeng ki dieng.

1 SYIEM 13:2

Ha kaba bud ïa ka hukum jong U Trai, u nongïathuhlypa u kren pynrem ïa ka duwan: “Ko duwan, duwan! Kane ka long kaba U Trai u ong, ‘U khunlung ïa uba yn khot kyrteng u Josaïah, yn sa kha ha ka longïing jong u Dabid. Un sa pynïap ha pha ïa ki lyngdoh kiba shakri ha ki jaka mane blei thala, bad un thang ïa ki shyieng briew halor jong pha.’ ”

1 SYIEM 13:34

Kane ka pop kaba u la leh ka wanrah ïa ka jingpynjot bad jingduh jingdam noh ka longïing syiem jong u.

1 SYIEM 14:16

U Trai un iehnoh ïa ki Israel namar ba u Jeroboam u la leh pop bad u la ïalam ïa ki paid Israel ban leh pop.”

2 SYIEM 23:15

U Josaïah u la pyntwa ruh ïa ka jaka mane ha Bethel kaba la tei da u syiem Jeroboam u khun jong u Nebat, uba la ïalam ïa ki Israel ban leh pop. U Josaïah u la pyntwa ruh ïa ka duwan, u pynpait lyngkhot lyngkhai ïa ki maw jong ka, bad u pynlwet phum ïa ki; u la thang ruh ïa ka dur jong ka Asherah.

2 KHRONIKL 31:1

Hadien ba ka Jingkhawai Niam ka la kut, baroh ki paid Israel ki leit sha kawei pa kawei ka nongbah ha Judah bad ki pynpra ïa ki rishot maw, ki pyndkut ïa ki dur ka blei Asherah, bad ki pynjot ïa ki duwan bad ki jaka mane blei thala. Ki leh ïa kajuh ha baroh ki bynta basah jong ka Judah, bad ïa ki ri jong ki Benjamin, Ephraim bad Manasseh; nangta baroh na ki, ki leit phai sha ïing.

ISAÏAH 2:19

Ki briew kin rieh ha ki krem ha mawsiang lum lane tih thliew ha khyndew ban pyrshang ban lait na ka jingbitar jong U Trai bad ban rieh na ka bor bad ka burom jong u, haba u wan ban pynkhynñiuh ïa ka pyrthei.

ISAÏAH 2:21

Haba U Trai u wan ban pynkhynñiuh ïa ka pyrthei, ki briew kin rieh ha ki thliew bad ki krem ha ki mawsiang lum ban pyrshang ban lait na ka jingbitar jong u bad ban rieh na ka bor bad ka burom jong u.

ISAÏAH 32:13

bad ki bniap shiah bad ki shynraiñ ki mih ha ka ri ki briew jong nga. To ïam na ka bynta ki ïing baroh ha kaba ki briew ki la ju long kiba kmen bad ka nongbah kaba la ju dap da ka jingim.

ISAÏAH 34:13

Ki shiah bad shiah buid kin mih ha baroh ki ïingsyiem bad ki shnong ba la ker kynroh, bad ki myrsiang bad ki dkhoh kin shong ha ki.

HOSIA 10:2

Ki briew kiba ki dohnud jong ki, ki long kiba shukor, mynta ki dei ban shahshitom namar ki pop jong ki. U Blei un pynpra ïa ki duwan jong ki, bad un pynjot ïa ki rishot kyntang jong ki.

HOSIA 10:5

Ki briew kiba shong ha ka nongbah jong ka Samaria kin sheptieng bad ïam sngewsih namar ka jingduh noh ïa u masi ksiar ha Bethel. Ma ki bad kita ki lyngdoh kiba shakri ïa u bleithaw kin ïam sngewsih namar jong u. Kin sa ïam pangnud haba yn law lyngkhuit ïa ka jingthaba rong ksiar jong u.

HOSIA 10:9

U Trai u ong, “Ki paid Israel kim shym la sangeh ban leh pop pyrshah ïa nga naduh ka por ba ki leh pop ha Gibeah. Kumta ha Gibeah ka thma kan lap ïa ki.

HOSIA 2:6

Kumta ngan kerkut ïa ka da ki bniap shiah, bad ngan tei da ka kynroh ban khang ïa ka lynti jong ka.

HOSIA 4:13

Ha ki jaka kyntang ha kliar ki lumbah ki kñia ainguh, bad ha ki lumrit ki thang jingiwbih hapoh ki dieng kiba jrong bad kiba ïar namar ka jingkahtngen jong ki ka long kaba sngewtynnat! “Kaba mih nangta, ki khun kynthei jong phi ki ïaleh nuti, bad ki pyrsa kurim kynthei jong phi ki ïaklim.

HOSIA 4:15

“Wat lada phi ki briew ka Israel phim ïaineh ha nga, ai ba ki Judah kin ym ngop ha kijuh ki jingleh pop. Wat leit mane sha Gilgal lane sha Bethaben, lane pynlong ki jingïateh kular ha ka kyrteng U Trai uba im.

HOSIA 5:8

To put ïa ki turoi thma ha Gibeah! Pynsawa ïa ka jingkyrsiew ha Ramah! Pyrta jam shaphang ka thma ha Bethaben! Tur sha ka thma, ko ki rangbah Benjamin!

HOSIA 8:5

Nga isih ïa u masi ksiar ba mane da ki briew jong ka nongbah Samaria. Nga bitar lep ïa ki. Sa katno kan shim por shuwa ba kin sangeh noh na kaba mane bleithaw?

HOSIA 9:6

Haba ka jingjot ka wan bad ïa ki briew la pynsakma, ki nong Ijipt kin lumlang ïa ki — kin lumlang ïa ki ban tep hangta ha Memphis! Ki jingdon jingem jong ki kum ka rupa bad ki jaka ha kaba ki ïing jong ki shisien ki la ïeng yn tap da ki ñiut bad ki bniap shiah.

AMOS 1:5

Ngan pynkheiñ ïa ki khyrdop nongbah ka Damaskos, bad ngan weng ïa ki nongshong shnong jong ka Them Aben, bad ïa u nongsynshar ka Betheden. Ki briew ka Syria kin shah ring kum ki koidi sha ri Kir.”

AMOS 3:14

“Ha ka sngi ba nga pynshitom ïa ki paid Israel na ka bynta ki pop jong ki, ngan pynjot ïa ki duwan ka Bethel. Ïa ki dong jong kawei pa kawei ka duwan yn pom noh bad kin hap ha madan.

AMOS 7:9

Ïa ki jaka ha kiba ki khun ki ksiew u Isaak ki mane Blei yn sa pynjot noh. Ïa ki jaka kyntang jong ki Israel yn sa iehnoh ha ki jingjot. Ngan wallam ïa ka longïing syiem jong u syiem Jeroboam sha ka jingkut.”

AMOS 8:14

Kito kiba smai ha ki bleithaw jong ka Samaria, kiba ong, ‘Da u blei jong ki Dan,’ lane, ‘Da u blei jong ki Beersheba,’ — kito ki briew kin kyllon, bad kin ym khie pat.”

MIKAH 1:13

Phi kiba shong ha Lakhish, teh ïa ki kali ïapom ha ki kulai. Phi pynbud ïa ki pop jong ki Israel bad kumta ka pynlong ïa ka Jerusalem ban leh pop.

MIKAH 1:5

Kane baroh kan jia namar ba ki paid Israel ki la leh pop bad ïaleh pyrshah ïa U Blei. Ïano yn kynnoh na ka bynta ka jingïaleh pyrshah ki Israel? Ka Samaria hi, ka nongbah! Mano ba shah kynnoh ïa ka jingmane bleithaw ha Judah? Ka Jerusalem hi!

NAHUM 3:11

Ko Ninebeh, pha ruh phan hap ha ka jingbuaid bymtip briew! Pha ruh phan pyrshang ban lait phet na ki nongshun jong pha.

LOUKAS 23:30

Kata kan long ka por ha kaba ki briew kin ong ha ki lumbah, ‘To hap halor jong ngi!’ bad ha ki lumrit, ‘To buhrieh ïa ngi!’

DEUTERONOMI 9:21

Nga shim ïa kata kaei kaei kaba long hi ka pop — kata ka dur khun masi keiñ kaba phi la thaw bad nga bret ïa ka ha ka ding. Nangta nga pynpait pharia ïa ka, nga tylliat ni ïa ka haduh ba kan da long kum u pui pui, bad nga bret ïa kata ha ka wah kaba tuid na uta u lum.

JINGPYNPAW 6:16

Ki la pyrta ha ki lumbah bad ha ki mawsiang, “To tap halor jong ngi bad to buhrieh noh ïa ngi na ki khmat jong uta uba shong halor ka khet bad na ka jingbitar U Khunlangbrot!

JINGPYNPAW 9:6

Ha kine ki san bnai kin wad ïa ka jingïap, hynrei kin ym shem ïa ka; kin kwah ban ïap noh, hynrei ka jingïap kan phet na ki.