HOSIA 10:5 - Khasi CL Bible (BSI)

⁵ Ki briew kiba shong ha ka nongbah jong ka Samaria kin sheptieng bad ïam sngewsih namar ka jingduh noh ïa u masi ksiar ha Bethel. Ma ki bad kita ki lyngdoh kiba shakri ïa u bleithaw kin ïam sngewsih namar jong u. Kin sa ïam pangnud haba yn law lyngkhuit ïa ka jingthaba rong ksiar jong u.

KA BAIBL

⁵ Kiba shong ha ka Samaria kin sheptieng namar ki khun masi ka Beth-aben: namar u paidlang jong u un ïam bynñiaw halor jong u, ki lyngdoh jong u ruh kiba la shadkmen halor jong u, na ka bynta ka burom jong u, namar ka la leit noh na u.

HOSIA 10:5 ပူးပေါင်းရင်းမြစ်များ

2 SYIEM 10:29

Hynrei u pyrthuh bud ïa ka pop jong u syiem Jeroboam, uba la ïalam ïa ki Israel ban leh pop ha kaba mane ïa ki khun masi ksiar kiba u la pynïeng ha Bethel bad ha Dan.

2 SYIEM 17:16

Ki pynkheiñ ïa baroh ki hukum U Trai U Blei jong ki bad ki thaw ar tylli ki khun masi da ka nar ban mane; ki thaw ruh ïa ka durblei jong ka blei Asherah, ki mane ïa ki khlur, bad ki shakri ïa u blei Baal.

2 SYIEM 23:5

U weng noh na ka kam ïa ki lyngdoh kiba ki syiem Judah ki la pynkyntang ban ai jingkñia halor ki duwan ba-thala ha ki nongbah ka Judah bad ha ki jaka hajan Jerusalem ― ïa baroh ki lyngdoh kiba ai jingkñia sha u Baal, sha ka sngi, u bnai, ki metbneng, bad ki khlur.

2 KHRONIKL 11:15

U Jeroboam u thung la ki jong ki lyngdoh ban shakri ha ki jaka mane blei thala bad ban mane ïa ki ksuid bad u thaw ïa ki bleithaw ha ki dur jong ki khun masi.

2 KHRONIKL 13:8

Mynta phi thmu ban ïaleh pyrshah ïa ka iktiar syiem kaba U Blei u la ai ha ki khun ki ksiew u Dabid. Phi don ka kynhun shipai kaba khraw bad phi don ki khun masi ksiar kiba u Jeroboam u la shna ba kin long ki blei jong phi.

ISAÏAH 46:2

Ki bleithaw kim lah ban pynim ïa lade; ïa ki la kurup bad la rah noh bak. Kane ka dei kaba kut jong ki blei ka Babilon!

HOSIA 13:2

Kin nang ïai leh pop shuh shuh da kaba saiñ ïa ki durblei ban mane — ki bleithaw kiba da ka rupa, kiba la saiñdur da ka jingpyrkhat briew, ba la shna da ki kti briew. Bad nangta ki ong, “Ai ki jingkñia sha ki!” Kumno ki briew kin doh ïa kito ki bleithaw — ki bleithaw ha ka dur ki masi kyrtong!

HOSIA 4:15

“Wat lada phi ki briew ka Israel phim ïaineh ha nga, ai ba ki Judah kin ym ngop ha kijuh ki jingleh pop. Wat leit mane sha Gilgal lane sha Bethaben, lane pynlong ki jingïateh kular ha ka kyrteng U Trai uba im.

HOSIA 5:8

To put ïa ki turoi thma ha Gibeah! Pynsawa ïa ka jingkyrsiew ha Ramah! Pyrta jam shaphang ka thma ha Bethaben! Tur sha ka thma, ko ki rangbah Benjamin!

HOSIA 9:1

Ko ki paid Israel, sangeh noh kaba rakhe ïa ki Jingkhawai Niam kum ki riewthala. Phi la phai lyndet na la U Blei bad phi la long ki bymïaineh ha u. Ha baroh kawei ka ri phi la die ïa lade kum ki nuti ha u blei Baal bad phi la ieit ïa u kew uba phi pyrkhat ba u la siew na ka bynta jong phi!

HOSIA 9:11

Ka jingkhraw ki Israel kan her noh kum ka sim, bad yn ym don shuh ki khun ban kha na ki, yn ym don shuh ki kynthei ki ban armet, yn ym don jingpunkhun shuh.

AMOS 3:14

“Ha ka sngi ba nga pynshitom ïa ki paid Israel na ka bynta ki pop jong ki, ngan pynjot ïa ki duwan ka Bethel. Ïa ki dong jong kawei pa kawei ka duwan yn pom noh bad kin hap ha madan.

SEPHANAÏAH 1:4

“Ngan pynshitom ïa ki briew jong ka Jerusalem bad ka Judah baroh. Ngan pynjot ïa ka dien bakhatduh ka jingmane ïa u Baal hangta, bad ym don mano mano ban kynmaw wat ïa ki lyngdoh blei nongwei kiba shakri ïa u.

KI KAM 19:27

Ka don ka jingma, te, ba kane ka kam jong ngi kan budnam. Ym tang kata, hynrei ka don ruh ka jingma ba ka templ jong ka blei Artemis kan ym don jingmut ei ei shuh bad ba ïa ka jingkhraw jong ka yn pynduh — ka blei ba la mane da uwei pa uwei ha Asia bad ha ka pyrthei baroh!”

JOSHUA 7:2

U Joshua u phah katto katne ngut ki rangbah na Jerikho sha Ai, ka nongbah sha ka phang mihngi na Bethel, hajan ka Bethaben, lem bad ki hukum ïa ki bad swar ïa ka jaka. Haba ki la dep leh kumta,

NONGBISHAR 18:24

U Mikah u jubab, “Phi mut aïu, ‘kaei kaba la jia?’ Phi la shim ïa u lyngdoh bad ki bleithaw ba nga la thaw, bad phi shu phet! Kaei kaba sah bad nga?”