HOSIA 10:4 - Khasi CL Bible (BSI)

⁴ Ki kren ki ktien bym don jingmut bad pynlong ki jingkular lamler bad ki jingïateh kular bymlarkam. Ka hok ka kylla long bymhok, ka nang san kum ki ñiut ba long bih ha ka lyngkha ba la dep lur.

KA BAIBL

⁴ Ki kren ki ktien thala, ki da smai lamler ha kaba pynlong jutang: ka jingbishar ruh ka mih kum u ñiut rosh ha ki nur ka lyngkha.

HOSIA 10:4 ပူးပေါင်းရင်းမြစ်များ

ISAÏAH 5:7

Ka Israel ka dei ka bri sohwaiñ jong U Trai Badonbor Baroh; ki briew ka Judah ki dei ki dieng sohwaiñ kiba u la thung. U la khmih lynti ba kin leh ïa kaei kaba bha, hynrei pynban ki la pynïap briew. U la khmih lynti ba kin leh ïa kaba dei, hynrei kiba shah lanot jong ki, ki kyang ïa ka jingbishar hok.

HOSIA 4:2

Ki ïateh kular bad ki pynkheiñ ïa ki, ki lamler, ki pynïap briew, ki tuh, bad ki klim. Ki kam sniew ki nang jyllei, bad ka don ka jingïa-pynïap briew kawei hadien kawei pat.

HOSIA 6:7

“Hynrei ki tang mar ïarung ïa ka ri ha Adam, ki la pynkheiñ ïa ka jutang kaba nga la ïateh bad ki.

AMOS 5:7

Phi long kiba la tim, phi kiba pynkyllaiñ ïa ka jingbishar hok bad kiba shukor ïa ki briew ban pynduh ïa ki hok jong ki!

AMOS 6:12

Hato ki kulai ki ju mareh halor ki mawsiang? Hato ki briew ki ju lur ïa ka duriaw da ki masi dab? Pynban phi la pynkylla ïa ka jingbishar hok sha ka bih, bad ïa kaba dei sha ka bymdei.

KI KAM 8:23

Naba nga ïohi ba me dap da ka jingbishni bajur bad me long u koidi jong ka pop.”

Ka Shithi U Paul Sha Ki Nong Rom 1:31

kim don ka jingïatiplem; kim bat ïa la ki kular, bad kim pyn-i jingsbun lane jingisynei ïa kiwei pat.

DEUTERONOMI 29:18

Pynthikna ba yn ym don napdeng jong phi u shynrang, lane ka kynthei, lane ka longïing, lane ka jait, ki ban phai noh na U Trai U Blei jong phi ban mane ïa ki blei jong kiwei pat ki jaitbynriew. Kum uta, un long kum u thied uba pynmih u soh uba kthang bad uba don bih.

DEUTERONOMI 31:16

U Trai u ong ha u Moses, “Shen men sa ïap noh, bad ynda me ïap u paidbah un sa phai noh na nga bad pynkheiñ ïa ka jutang kaba nga la pynlong bad ki. Kin kyntait ïa nga bad mane ïa ki blei thala jong kata ka ri sha kaba kin sa leit rung.

DEUTERONOMI 31:17

Te ngan bitar lep ïa ki; ngan kyntait bad pynjot thiaw ïa ki. Shibun ki jingjynjar kiba sngewshyrkhei kin wan ngat ha ki, ba kumta kin sa sngewthuh ba kita kiei kiei ki wan jia ha ki namar ba nga, U Blei jong ki, ngan ym don ryngkat shuh bad ki.

2 TIMOTHI 3:3

kin long ki bym lehsbun, ki bym ïamap, kiba kren sniew, kiba thala, bad kiba runar; kin isih ïa kaba bha,

HEBRU 12:15

To sumar ban ym phai dien noh na ka jingaiei U Blei. Wat ai ba uno uno un long kum u jingthung uba kthang, uba san bad uba pynjynjar da ka bih jong u.