HOSIA 10:2 - Khasi CL Bible (BSI)

² Ki briew kiba ki dohnud jong ki, ki long kiba shukor, mynta ki dei ban shahshitom namar ki pop jong ki. U Blei un pynpra ïa ki duwan jong ki, bad un pynjot ïa ki rishot kyntang jong ki.

KA BAIBL

² Ka dohnud jong ki ka la ar liang: mynta yn pynrem ïa ki: un pynkyllon ïa ki duwan jong ki, un lute ïa ki mawblei jong ki.

HOSIA 10:2 ပူးပေါင်းရင်းမြစ်များ

1 SYIEM 18:21

U Elijah u leit sha u paidbah bad ong, “Sa katno slem ba phin pynbeit ïa ki jingmut jong phi? Lada U Trai u dei U Blei, mane ïa u; hynrei lada u Baal u dei U Blei, mane ïa u!” Hynrei u paidbah u la shu sngap jar.

EKSODOS 23:24

Wat nguh wat dem ha ki blei jong ki, lane mane ïa ki, bad wat bud ïa ki rukom lehniam jong ki. Pynjot ïa ki blei jong ki, bad pynpra lyngkhot lyngkhai ïa ki païa mawkyntang jong ki.

PROBERB 11:18

Ki briew kiba bymman da shisha kim ïohnong ei ei, hynrei lada phi leh ïa kaei kaba dei, ka pynthikna ba phin ïoh ïa ka bainong.

ISAÏAH 44:18

Kum kita ki briew ki long kiba bieit eh ban tip ïa kaei kaba ki leh. Ki khapbrip ïa la ki khmat bad ïa la ki jingmut na ka jingshisha.

JEREMAÏAH 43:13

Un pynjot ïa ki maw jingteinam bakyntang ha Heliopolis kaba ha Ijipt bad un thang ïa ki templ jong ki blei ki nong Ijipt.”

ESEKIEL 14:5

Kito ki bleithaw baroh ki la pynphai noh ïa ki Israel na nga, hynrei da ka jubab jong nga, nga kyrmen ban ïoh pat ïa ka jingshaniah jong ki.

HOSIA 12:11

La katta ruh ki dang mane ïa ki bleithaw ha Gilead, bad kito kiba mane ïa ki kin ïap. Ha Gilgal ki kñia ïa ki masi kyrtong, bad ki duwan hangta kin kylla long kum ki kynton maw ha ki pyntha bym don jingkah.”

HOSIA 13:16

Ïa ka Samaria yn pynshitom namar ka ïaleh pyrshah ïa nga. Ki briew jong ka kin ïap ha ka thma; ïa ki khunlung yn bret sha madan, ïa ki kynthei kiba punkhun yn patar.”

HOSIA 3:4

Ha kane kajuh ka rukom ki briew ka Israel kin hap ban ap slem khlem ki syiem ne ki nongïalam, khlem jingkñia lane rishot mawkyntang, khlem bleithaw lane dur ban pyndonkam ha kaba khan blei.

HOSIA 7:8

U Trai u ong, “Ki paid Israel ki long kum u kpu bym pat ih bha.

LEBITIKOS 26:30

Ngan pynjot ïa ki jaka mane blei jong phi kiba ha ki lum, ngan pynpra ïa ki duwan thang jingiwbih jong phi, bad ngan bret ïa ki metïap jong phi halor ki bleithaw jong phi kiba la kyllon.

MIKAH 5:13

Ngan pynjot ïa ki bleithaw bad ki rishot maw bakyntang jong phi; phin ym mane shuh ïa kiei kiei kiba phi hi phi la thaw.

SEPHANAÏAH 1:5

Ngan pynjot ïa uno uno uba leit kiew sha tnum ïing bad mane ïa ka sngi, u bnai, bad ïa ki khlur. Nga pynjot ruh ïa kito kiba mane ïa nga bad kiba smai ban ïaineh ha nga, hynrei pynban ki shim smai ha ka kyrteng jong u blei Molekh.

SEKHARAÏAH 13:2

Ha kata ka por ngan weng noh ïa ki kyrteng jong ki bleithaw na ka ri, bad ym don mano mano ban kynmaw shuh ïa ki. Ngan weng noh ïa uno uno uba kam ba u long u nongïathuhlypa bad ngan shim noh ïa ka jingkwah ban mane ïa ki bleithaw.

MATHAÏOS 6:24

“Ym don uba lah ban long u mraw jong ar ngut ki kynrad; un isih ïa uwei bad ieit ïa uwei pat; un long uba kohnguh ïa uwei bad ñiewbeiñ ïa uwei pat. Phim lah ban shakri ïa baroh ar, ïa U Blei bad ïa ka pisa.

LOUKAS 16:13

“Ym don u shakri uba lah ban long u mraw jong ki ar ngut ki kynrad; un isih ïa uwei bad un ieit ïa uwei pat; un kohnguh ïa uwei bad un ñiewbeiñ ïa uwei pat. Phim lah ban shakri ïa U Blei bad ïa ka spah.”

JAKOB 4:4

Ko phi ki briew bym lah shaniah! Hato phim tip ba ka jingïalang lok bad ka pyrthei ka long ka nongshun jong U Blei? Uno uno uba kwah ban pynlong lok bad ka pyrthei u pynlong ïa lade u nongshun jong U Blei.

1 ÏOANNIS 2:15

To wat ieit ïa ka pyrthei, lymne ïa kaei kaei kaba dei jong ka pyrthei. Lada phi ieit ïa ka pyrthei, kata ka long ba phim ieit ïa U Kpa.

1 SAMUEL 5:4

Kum la shai dang step phyrngab ki ïohi ba u mot u la kyllon biang ha khmat ka Synduk ka Jutang. Ha kane ka sien ka khlieh bad ki kti jong u baroh ar tylli ki la dkut bad ki don hamar ka jingkhang; sah sa tang ka met.