HOSIA 10:12 - Khasi CL Bible (BSI)

¹² Nga la ong, ‘Lur ïa ka khyndew thymmai na ka bynta ïa lade, bet ïa ka jinglehhok, bad ot ïa ka jingkyrkhu ba ka jingmane ïa nga kan pynmih. Ka la dei ka por ïa phi ban phai sha nga, U Trai jong phi, bad ngan sa wan bad theh ki jingkyrkhu halor jong phi.’

KA BAIBL

¹² Bet ha lade hi ïa ka hok, ot katba kum ka jingisynei; to puh ïa ka khyndew shrah jong phi: naba ka long ka por ban wad ïa U Trai, tad ynda u wan ban pynhap slap da ka hok ha phi.

HOSIA 10:12 ပူးပေါင်းရင်းမြစ်များ

SALM 105:4

To leit sha U Trai ban ïoh jingïarap; bad to mane ïa u borabor.

SALM 72:6

Ai ba u syiem un long kum u slap ha ki lyngkha, kum u 'lap praw uba hap halor ka khyndew.

PROBERB 11:18

Ki briew kiba bymman da shisha kim ïohnong ei ei, hynrei lada phi leh ïa kaei kaba dei, ka pynthikna ba phin ïoh ïa ka bainong.

PROBERB 18:21

Kaei kaba phi ong ka lah ban ri ïa ka jingim lane pynjot ïa ka; te phi dei ban pdiang ïa ki soh kiba mih na ki ktien jong hi.

EKLESIASTIS 11:6

Thung ïa ki jingthung jong phi mynstep bad janmiet ruh. Da lei lei phin ym tip la baroh kin san bha lane la kawei ka rukom thung kan kham bha ban ïa kawei pat.

ISAÏAH 30:23

Man ba phi bet ïa ki symbai jong phi, U Trai un phah slap ban pynlong ïa ki ban san bad ai ïa phi ka jingot kaba bun, bad ki jingri jong phi kin don shibun ki jaka bam phlang.

ISAÏAH 31:1

Kito kiba leit sha Ijipt ban ïoh jingïarap kin jot! Ki shaniah ha ka bor shipai bakhraw jong ka Ijipt — ki kulai, ki kali ïapom, bad ki shipai. Hynrei kim tip ban shaniah ha U Trai, U Blei Bakhuid ki Israel, lane pan na u ïa ka jingïarap.

ISAÏAH 32:20

Katno kan long kaba kmen haba uwei pa uwei un ïoh kyrhai ka um na ka bynta ki jingthung bad ki jaka pynbamphlang bashngain ha kylleng na ka bynta ki kada bad ki masi.

ISAÏAH 44:3

“Ngan ai um ïa ka ri basliang bad pynlong ïa ki wahduid ban tuid ha ka khyndew ba-tyrkhong. Ngan theh noh ïa U Mynsiem jong nga ha ki khun jong phi bad ka jingkyrkhu jong nga ha ki khun ki ksiew jong phi.

ISAÏAH 45:8

Ngan phah ïa ka jingjop na sahit bneng kum u slap; ka khyndew kan ang ban pdiang ïa u bad kan phuh da ka jinglaitluid bad ka jingbishar hok. Nga, U Trai, ngan pynlong ïa kane ban jia.”

ISAÏAH 48:18

“Tang lada phi la sngap ïa ki hukum jong nga! Te ki jingkyrkhu kin jin da la tuid ha phi kum ka wahduid ka bym ju rngad! Ka jingjop kan jin da la wan ha phi kum ki jingat phyllung kiba phaloh ha ka rud duriaw.

ISAÏAH 5:6

Ngan shah ïa ka ba kan dap da ki ñiut suda. Ngan ym khap ïa ki thning lane kara ïa ka khyndew, hynrei ngan shah ïa ki dieng shynraiñ bad ki shiah ba kin tap ïa ka. Ngan khang wat ïa ki lyoh ban pynhap slap ha ka.”

ISAÏAH 54:14

Ka jingbishar hok bad ka hok tynrai kin pynkhlaiñ ïa pha. Phan lait na ka jingshah banbeiñ bad ka jingtriem.

ISAÏAH 55:6

To phai sha U Trai bad duwai ha u, mynta ba u don hajan.

JEREMAÏAH 50:4

U Trai u ong, “Haba ka por ka poi, ki paid Israel bad Judah kin wan ïa-ïam, kin wad ïa nga, U Blei jong ki.

ESEKIEL 34:26

“Ngan kyrkhu ïa ki bad ngan shah ïa ki ban shong ban sah ha sawdong u lum bakyntang jong nga. Hangta ngan kyrkhu ïa ki da kaba pynhap ïa u 'lap praw haba ki donkam ïa u.

HOSIA 12:6

Kumta mynta, ko ki khun ki ksiew u Jakob, shaniah ha U Blei jong phi bad wan phai pat sha u. Long kiba ïaineh bad kiba lehhok, bad ap da kaba ïaishah ïa U Blei jong phi ban leh.

HOSIA 14:1

To wan phai noh sha U Trai U Blei jong phi, ko paid Israel. Ka pop jong phi ka la pynlong ïa phi ban jynthut bad kyllon.

HOSIA 6:3

To ngin ïai pyrshang ban tip ïa U Trai. Da shisha un sa wan sha ngi kum ka step phyrngab, shisha kum u slap pyrem uba ai um ïa ka khyndew.”

HOSIA 8:7

Haba ki bet ïa ka lyer, kin ïoh ot ïa ka 'erlangthari! U kew baroh shi pynthor u bym pat ih un ym lah ban pynmih kpu. Hynrei wat lada u pynmih ruh, ki nongwei kin bam ei ïa u.

AMOS 5:15

Isih ïa kaei kaba sniew, ieit ïa kaei kaba bha, bad peit ba ka jingbishar hok ka ïeng ha ki ïingbishar. Lehse U Trai, un isynei ïa ki briew jong kane ka hima kiba dang pynsah ban im.

AMOS 5:4

U Trai u ong kumne ha ki paid Israel, “Wan sha nga, bad phin ïoh im.

AMOS 5:6

Phet sha U Trai, bad phin ïoh im. Lada phim leit, un bam duh kum ka ding ha ki paid Israel. Ka ding kan thang duh ïa ki briew ka Bethel, bad yn ym don mano mano ban pynlip ïa ka.

AMOS 5:8

U Trai u la thaw ïa ki khlur, ki Pleïades bad Orion, u pynkylla ïa ka jingdum sha ka jingshai mynsngi, bad ïa ka sngi sha ka miet. U khot na ka bynta ki um jong ka duriaw bad theh ïa ki ha sla khyndew. Ka kyrteng jong u ka dei U Trai.

LOUKAS 13:24

U Jisu u la jubab ïa ki, “Leh ïa kaba bha tam ban rung lyngba ka khyrdop kaba khim; namar bun ki briew da kaba thikna kin pyrshang ban phrung lyngba jong ka hynrei kin ym lah.

KI KAM 2:18

Ho-oid, wat ha ki shakri jong nga, baroh shynrang bad kynthei, ngan theh ïa U Mynsiem jong nga ha kita ki sngi, bad kin pynbna ïa ka khubor jong nga.

2 KORINTH 9:10

Bad U Blei, uba ai ïa u symbai ban bet bad ïa u kpu ban bam, un pynbiang ïa phi da u symbai baroh ba phi donkam bad un pynlong ïa u ban san bad un pynmih ïa ka jingot kaba khraw na kata ka jinglehsbun jong phi.

JAKOB 3:18

Bad ka jingbha ka long ka jingmih ba la pynmih na ki symbai kiba ki nongpynïasuk ki la bet ha ka jingsuk.