HOSIA 10:11 - Khasi CL Bible (BSI)

¹¹ “Ka Israel ka la long shisien kum ka masi lud kaba la ïoh jinghikai bha, kaba la kloi bad mon ban shoh kew. Hynrei nga la rai ban buh ïa ka lyngkor ha ka ryndang ba-itynnat jong ka bad ban pyndait lyngkor ïa ka na ka bynta ka kam kaba kham eh. Ngan pynlong ïa u Judah ba un lur, bad u Israel un pynlwet khyndew.

KA BAIBL

¹¹ “Te u Ephraim u long ka masi lud ba la hikai, kaba ieit ban ïuh kba; hynrei, nga la ryngkang ha ka ryndang ba-itynnad jong ka: ngan buh ïa u nongshong halor u Ephraim; u Judah un lur, u Jakob un shaiñ la ki 'dewtylli.

HOSIA 10:11 ပူးပေါင်းရင်းမြစ်များ

ISAÏAH 28:24

Ym don u nongrep uba lur sah ïa ki lyngkha jong u bad uba pynkhreh ïa ki na ka bynta ka jingbet.

JEREMAÏAH 28:14

U Trai Badonbor Baroh, U Blei ki Israel, u la ong ba un buh ka lyngkor nar halor kine ki jaitbynriew baroh bad ba kin shakri ïa u syiem Nebukhadnessar jong ka Babilonia. U Trai u la ong ba un pynlong wat ïa ki mradkhlaw ban shakri ïa u Nebukhadnessar.”

JEREMAÏAH 46:20

Ka Ijipt ka long kum ka masi baphylla, ba la tur ïaleh da u skain ba kynthah na shatei.

JEREMAÏAH 50:11

U Trai u ong, “Ko ki paid ka Babilonia, phi la lute ïa ka jaitbynriew jong nga. Phi kmen bad phi sngewbha, phi da leh kum ka masi ba ïaid haba shoh kba ne kum u kulai uba pah,

HOSIA 11:4

Nga la ring ïa ki sha nga da ka jingsngewieit bad ka jingieit. Nga la rah ïa ki bad pyndei ïa ki ha ka ngab jong nga. Nga la dem sha ki bad nga la bsa ïa ki.

HOSIA 2:5

Ma ka hi ka la ong, “Ngan leit sha kiba ieit ki jong nga — ki pynbiang ïa nga ka jingbam bad ka um, u 'saiwul bad ka jaiñ linen, ka umphniang Olib bad ka waiñ.”

HOSIA 3:1

U Trai u la ong ha nga, “Khie leit biang bad leh-ieit ïa ka briew kaba dang ïaleh nuti bad uba ieit jong ka. Me dei ban ieit ïa ka kumba nga ruh nga dang ieit ïa ki paid Israel, wat la ki phai sha kiwei pat ki blei bad ki ieit ban ainguh ha ki bleithaw da ki soh kismis.”

HOSIA 4:16

Ki paid Israel ki long mutlop kum ki khashor. Kumno ngan bsa ïa ki kum ïa ki langbrot ha ki pyntha phlang?

HOSIA 9:1

Ko ki paid Israel, sangeh noh kaba rakhe ïa ki Jingkhawai Niam kum ki riewthala. Phi la phai lyndet na la U Blei bad phi la long ki bymïaineh ha u. Ha baroh kawei ka ri phi la die ïa lade kum ki nuti ha u blei Baal bad phi la ieit ïa u kew uba phi pyrkhat ba u la siew na ka bynta jong phi!

MIKAH 4:13

U Trai u ong, “Ko ki briew ka Jerusalem, to leit bad pynshitom ïa ki nongshun jong phi! Ngan pynlong ïa phi kiba khlaiñ kum u masi kyrtong uba don ki reng nar bad ki kjat rnong. Phin pynlwet ïa ki jaitbynriew ba bun, bad ïa ka spah kaba ki la ïoh da ka jingleh jubor phin ai sngewbha ïa nga, U Trai jong ka pyrthei baroh kawei.”

Ka Shithi U Paul Sha Ki Nong Rom 16:18

Naba kito kiba leh kum ïa kita kiei kiei kim shakri ïa U Khrist uba U Trai jong ngi, hynrei ïa ki jingkwah jong ki hi. Da ki ktien jali ja-um bad ka jingkren pynroh, ki shukor ïa ki briew kiba lui lui.

DEUTERONOMI 25:4

“Wat khum ïa ka shyntur u masi dab haba phi pyndonkam ïa u ha kaba shoh kew.