HOSIA 10:1 - Khasi CL Bible (BSI)

¹ Ki paid Israel ki la long kum u dieng sohwaiñ uba dap da ki sohwaiñ. Katba ki nang manbha, katta ki nang tei kham bun ki duwan. Katba ka ri jong ki ka nang pahuh, katta ruh ki nang pynitynnat ïa ki rishot maw bakyntang ba ki mane.

KA BAIBL

¹ “U Israel u long u dieng Waiñ uba dap, uba ju sei ïa la u soh: katba kum ka jingbun u soh jong u, u la pynroi ïa la ki duwan; katba kum ka jingbha ka ri jong u ki la pynlong ki mawblei kiba itynnad.

HOSIA 10:1 ပူးပေါင်းရင်းမြစ်များ

1 SYIEM 14:23

Ki tei ki jaka mane ïa ki blei thala, bad ki pynïeng ïa ki maw mot bad ki durblei Asherah ban mane ha ki jaka lum bad hapoh syrngiew ki dieng.

JEREMAÏAH 11:13

Ki briew jong ka Judah ki la don shibun bah ki blei kumba ki la don ki nongbah, bad ki nongshong shnong jong ka Jerusalem ki la pynïeng katta tylli ki duwan na ka bynta ki jingkñia sha uta u blei Baal ba-ijli kat ka jingdon ki lynti hapoh ka nongbah.

JEREMAÏAH 11:17

“Ma nga, U Trai Badonbor Baroh, nga la thung ïa ka Israel bad ka Judah; hynrei mynta nga byrngem ïa ki da ka jingpynjot. Ki la wallam ïa kane halor jong ki hi namar ba ki la leh bakla; ki la pynbitar ïa nga da kaba ai ki jingkñia ha u Baal.”

JEREMAÏAH 2:28

“Hangno ki blei kiba phi la thaw na ka bynta ïa lade? Haba phi don ha ka jingjynjar, ai ba ma ki kin pynim ïa phi — lada ki lah! Ko Judah pha la don shibun ki blei kumba pha don ki nongbah.

HOSIA 12:11

La katta ruh ki dang mane ïa ki bleithaw ha Gilead, bad kito kiba mane ïa ki kin ïap. Ha Gilgal ki kñia ïa ki masi kyrtong, bad ki duwan hangta kin kylla long kum ki kynton maw ha ki pyntha bym don jingkah.”

HOSIA 12:8

‘Ngi long kiba riewspah’ ki ong. ‘Ngi lah lum kyrhai ka spah. Bad ym don uwei ruh ban mudui ïa ngi ba ngi ïoh spah da ka lynti bymhok.’

HOSIA 13:15

Wat lada ki paid Israel ki roi kum ki ñiut, ngan phah ïa ka lyer khluit na mihngi kaba na ri shyiap, bad kan pyntyrkhong ïa ki umpohliew bad ki pung-um jong ki. Kan rong noh ïa kano kano kaba kordor.

HOSIA 13:2

Kin nang ïai leh pop shuh shuh da kaba saiñ ïa ki durblei ban mane — ki bleithaw kiba da ka rupa, kiba la saiñdur da ka jingpyrkhat briew, ba la shna da ki kti briew. Bad nangta ki ong, “Ai ki jingkñia sha ki!” Kumno ki briew kin doh ïa kito ki bleithaw — ki bleithaw ha ka dur ki masi kyrtong!

HOSIA 13:6

Hynrei haba phi la rung sha ka ri kaba bha, phi la kdang bad sngewhun, bad nangta phi la sngewsarong bad klet noh ïa nga.

HOSIA 2:10

Ngan law lyngkhuit ïa ka ha khmat kiba ieit jong ka, bad yn ym don uno uno ruh uba lah ban pyllait ïa ka na ka bor jong nga.

HOSIA 2:8

Kan ym tip ba dei ma nga uba la ai ïa ka u kew, ka waiñ, ka umphniang Olib, bad baroh ka rupa bad ka ksiar ba ka ju pyndonkam ha kaba mane ïa u Baal.

HOSIA 3:4

Ha kane kajuh ka rukom ki briew ka Israel kin hap ban ap slem khlem ki syiem ne ki nongïalam, khlem jingkñia lane rishot mawkyntang, khlem bleithaw lane dur ban pyndonkam ha kaba khan blei.

HOSIA 4:7

“Katba phi ki lyngdoh phi nang ïabun, katta phi nang leh pop pyrshah ïa nga; bad kumta ngan pynkylla ïa ka burom jong phi sha ka jingjahburom.

HOSIA 8:11

“Katba nang bun ki duwan ba ki paid Israel ki thaw ban pynkhuid ïa ki pop, katta nang bun ki jaka ba ki ïoh ban leh pop.

HOSIA 8:4

“Ki briew jong nga ki la jied ïa ki syiem. Hynrei ki la leh ïa kata ha la ka jong ka lynti. Ki thung ïa ki nongïalam, hynrei khlem ka jingpynskhem jong nga. Ki shim ïa ka rupa bad ka ksiar jong ki bad ki thaw ïa ki bleithaw — na ka bynta ka jingjot jong ki hi.

LEBITIKOS 26:1

U Trai u ong, “Wat thaw ki bleithaw lane pynïeng durblei, ki païa maw, lane ohdur ha ki maw ban mane ïa ki. Nga long U Trai U Blei jong phi.

NAHUM 2:2

(U Trai u la sdang artat ban pynïoh pat ïa ka burom jong ka Israel, kumba ka la long ha khmat ki nongshun kiba la lute ïa ka.)

2 KORINTH 5:16

Namarkata, ngam bishar shuh ïano ïano da ka rukom briew. Wat la shisien ngi la bishar ïa U Khrist kat kum ka rukom briew, ngim leh shuh kumta.

PHILIPPI 2:21

Uwei pa uwei u sngewkhia tang ïa la ki jong ki kam, ym ïa kiei kiei ki jong U Jisu Khrist.