HOSIA 1:7 - Khasi CL Bible (BSI)

⁷ Hynrei ngan pyn-i jingieit ïa ki briew ka Judah. Ma nga U Trai U Blei jong ki ngan pyllait im ïa ki; hynrei ngan ym leh ïa kata da ka thma — da ki waitlam lane ki ryntieh, bad ki khnam lane ki kulai bad ki shipai shong kulai.”

KA BAIBL

⁷ Hynrei, ngan isynei ïa ka ïing Judah, bad ngan pynim ïa ki da U Trai U Blei jong ki, te ngan ym pynim ïa ki da ka ryntieh, lymne da ka waitlam, lymne da ka thma, da ki kulai, lymne da ki nongshong kulai.”

HOSIA 1:7 ပူးပေါင်းရင်းမြစ်များ

2 SYIEM 19:29

Nangta u Isaïah u ong ïa u syiem Hesekaïah, “Kane ka long ka dak ïa kaei ka ban sa jia. Mynta ka snem bad ha ka snem ka ban wan, men ïoh tang ïa ki kew khlaw ban bam, hynrei ha ka snem kaba bud men lah ban bet ïa u kew bad ot ïa u, bad ban thung ïa ki dieng sohwaiñ bad bam ïa ki sohwaiñ.

2 SYIEM 19:34

Ngan ïeng namar kane ka nongbah bad ngan ïada ïa ka, na ka bynta ka burom ka jong nga hi bad namar ka kular kaba nga la ai ha u Dabid u shakri jong nga.’”

2 SYIEM 19:35

Ha kata ka miet u angel jong U Trai u leit sha ka jaka sher dara ki Assyria bad u pynïap shi lakh phraphew san hajar ki shipai. Dang step phyrngab ha ka sngi kaba bud, hangta ki la thiah lyngktar, baroh kiba la ïap!

2 SYIEM 6:18

Haba ki Syria ki wan tur ïaleh, u Elisha u la duwai, “Ko Trai, to pynmatlah ïa kine ki briew.” U Trai u la jubab ïa ka jingduwai jong u bad shoh pynmatlah ïa ki.

SALM 33:16

U syiem um shym jop namar ka kynhun shipai badonbor jong u; u shipai um shym jop namar ka jingkhlaiñ jong u.

SALM 44:7

hynrei me la pynim ïa ngi na ki nongshun jong ngi bad me la jop ïa kito kiba shun ïa ngi.

EKSODOS 14:13

U Moses u la jubab, “Wat sheptieng! Ïeng skhem, bad phin sa ïohi aïu U Trai un leh mynta ka sngi ban pyllait im ïa phi; lano lano ruh phin ym ïohi shuh ïa kine ki nong Ijipt.

EKSODOS 14:30

Ha kata ka sngi U Trai u pyllait im ïa ki Israel na ki Ijipt, bad ki Israel ki ïohi ïa ki ba ki thiah ïap harud duriaw.

ISAÏAH 12:2

U Blei u long u nongpynim jong nga; ngan shaniah ïa u bad ngan ym sheptieng. U Trai u ai ha nga ka bor bad ka jingkhlaiñ, u long u nongpynim jong nga.

ISAÏAH 30:18

Pynban U Trai u ap ban leh-isynei ïa phi. U kloi ban sngewlem ïa phi namar u long borabor uba leh ïa kaba dei. Suk kito kiba buh ïa ka jingshaniah jong ki ha U Trai.

ISAÏAH 49:6

U Trai u la ong ha nga, “Nga don ka kam kaba kham khraw ïa me, ko shakri jong nga. Ym tang ba men rah pat sha ka jingkhraw ïa ki paid Israel kiba la lait im, hynrei ngan pynlong ruh ïa me ka jingshai sha ki jaitbynriew — khnang ba ka pyrthei baroh kan ïohlait im.”

ISAÏAH 7:14

Te kumta, U Trai un ai hi ka dak ha phi: Ka theisotti kaba punkhun kan kha u khun bad kan khot kyrteng ïa u, ‘U Immanuel.’

JEREMAÏAH 25:5

Ki la ïa-ong ïa phi ban phai noh na ka lynti ka jingim bymman jong phi bad na kiei kiei kiba sniew ba phi leh, khnang ba phi lah ban leit ban ïoh shong ha kata ka ri ba U Trai u la ai ha phi bad ha ki kpa tymmen jong phi kum ka jingïohkynti baneh.

JEREMAÏAH 25:6

Ki ong ïa phi ban ym mane bad shakri ïa kiwei pat ki blei bad ban ym pynlong ïa U Trai ban bitar da kaba mane ïa ki bleithaw kiba phi la thaw. Lada phi la kohnguh ïa U Trai, te un ym pynshitom ïa phi.

JEREMAÏAH 33:26

Bad kumba, shisha, nga la leh ïa kane, kumta ngan pynneh ïa la ka jutang bad ki khun ki ksiew u Jakob bad u shakri jong nga u Dabid. Ngan jied ïa uwei na ki nonghiarpateng u Dabid ban synshar halor ki khun ki ksiew u Abraham, u Isaak, bad u Jakob. Ngan isynei ïa ki briew jong nga bad pynlong ïa ki ban roi kyrhai pat.”

HOSIA 1:8

Hadien ba ka Gomer ka la pyniehnoh buiñ ïa la ka khun, ka la punkhun biang bad ka kha sa uwei u khun;

HOSIA 11:12

U Trai u ong, “Ki paid Israel ki la ker sawdong ïa nga da ki jinglamler bad jingshukor, bad ki paid Judah ki dang ïai ïaleh pyrshah ïa nga, U Blei baïaineh bad uba khuid.

SEKHARAÏAH 4:6

U angel u la bthah ïa nga ban ai ha u Serubbabel ïa kane ka khubor na U Trai: “Men jop, ym da ka bor shipai lymne da ka bor ka jingkhlaiñ jong me, hynrei da U Mynsiem jong nga.

1 SAMUEL 17:47

Te ka pyrthei baroh kawei kan tip ba ki Israel ki don U Blei, bad ba uwei pa uwei hangne un ïohi ba U Trai um donkam ïa ki waitlam ne ki sum ban pyllait im ïa la ki briew. U long u nongjop ha ka thma, naba ka thma ka long ka jong U Trai, bad un buh ïa phi baroh hapoh ka bor jong ngi.”