HOSIA 1:10 - Khasi CL Bible (BSI)

¹⁰ Ki briew ka Israel kin sa bun kum u shyiap ka duriaw, kin bun haduh bym lah shuh ban ñiew lane ban thew. Mynta U Blei u ong ïa ki, “Phim dei ki briew jong nga,” hynrei ka sngi kan poi ha kaba un ong ha ki, “Phi dei ki khun jong U Blei uba im.”

KA BAIBL

¹⁰ Pynban, ka jingkheiñ ki khun Israel kan long kum u shyiap ka duriaw, u bym lah ban thew lymne ñiew; kan long ruh, ba ha ka jaka ha kaba la ong ha ki, “Phi phim long u paidlang jong nga”, yn ong ha ki, “Phi long ki khun shynrang U Blei u ba-im”.

HOSIA 1:10 ပူးပေါင်းရင်းမြစ်များ

JENESIS 13:16

Ngan ai ha me bun ki khun ki ksiew ba yn ym don mano mano ba lah ban ñiew ïa ki baroh; kan kham jem ban ñiew ïa ki phngit pui pui ha ka khyndew!

JENESIS 22:17

nga kular ba ngan ai ha me ïa ki khun ki ksiew kat ki khlur ka sahit bneng, lane kat ki symboh shyiap harud ka duriaw. Ki khun ki ksiew jong me kin jop ïa ki nongshun jong ki.

JENESIS 32:12

Kynmaw ba me la kular ban pynbiang ba kiei kiei kin ïaid beit bad nga bad ban ai ha nga kham bun ki khun ki ksiew, kiba bun kat u shyiap harud duriaw.”

2 SAMUEL 7:24

Me la pynlong ïa ki Israel, ki briew jong me hi junom, bad me, A Trai, me la long U Blei jong ki.

ISAÏAH 43:6

Ngan ïathuh ïa ka shatei ban shah ïa ki ban leit bad ïa ka shathie ban ym bat noh ïa ki. Ai ba ki briew jong nga ki wan phai na ki ri bajngai, na man la ki bynta baroh jong ka pyrthei.

ISAÏAH 48:19

Ki khun ki ksiew jong phi kin roi kum ki symboh shyiap, bad ngan jin da la pynthikna ba yn ym pynjot ïa ki da lei lei.”

ISAÏAH 63:16

Me long u kpa jong ngi. U Abraham bad u Jakob, ki kpa tymmen jong ngi, kim pdiang ïa ngi, hynrei ma me, ko Trai, me long u kpa jong ngi, uta uba pyllait im ïa ngi borabor.

ISAÏAH 64:8

Hynrei, A Trai, me long u Kpa jong ngi. Ngi long kum ka dewbyrtha, bad me long kum u nongthaw khiew.

ISAÏAH 65:1

U Trai u ong, “Nga la kloi ban jubab ïa ki jingduwai ki briew jong nga, hynrei kim shym la duwai. Nga la ap ïa ki ban shem ïa nga, hynrei kim shym la pyrshang. Ka jaitbynriew kam shym la khot kyrpad ïa nga, wat lada nga long la kloi ban jubab, ‘Hangne nga don; ngan ïarap ïa phi.’

ISAÏAH 66:20

Kin wallam pat ïa baroh ki para kur ki para jait jong phi na ki jaitbynriew baroh kum ka jingai sngewbha ïa nga. Kin wallam ïa ki sha u lum bakyntang jong nga ha Jerusalem ha ki kulai, ki khashor bad ha ki ut, bad ha ki kali ïapom bad ki kali kit jingkit, kumba ki Israel ki wanrah ïa ki jingainguh bam sha ka Templ ha ki khiew lehniam kiba khuid.

JEREMAÏAH 33:22

Ngan pynroi ïa ki nonghiarpateng jong u shakri jong nga u Dabid bad ïa ka jingdon ki lyngdoh na ka jait Lebi, ba kumta yn ym lah ban ñiew ïa ki kumba long ki khlur ha sahit bneng lane u shyiap harud duriaw.”

DANIEL 6:26

Nga hukum ba ha kylleng ka hima jong nga uwei pa uwei u dei ban sheptieng bad burom ïa U Blei jong u Daniel. “U long U Blei uba im bad un synshar junom. Ïa ka hima jong u yn ym pynjot lano lano ruh, bad ka bor jong u kan ym poi lano lano ruh sha ka jingkut.

HOSIA 1:9

U Trai u la ong ha u Hosia, “Pynkyrteng ïa u, ‘u Lo-ammi,’ namar ki briew ka Israel kim dei ki briew jong nga, bad ngam long U Blei jong ki.”

HOSIA 2:23

Ngan pynlong skhem ïa ki briew jong nga ha ka ri bad ngan pynmanbha ïa ki. Ngan pyn-i jingieit ïa kito kiba la ju khot “Lo-Ruhamah,” bad ïa kito kiba la ju khot “Lo-ammi” ngan sa ong, “Phi long ki briew jong nga,” bad kin jubab, “Me long U Blei jong ngi.”

ÏOANNIS 1:12

Katto katne pat, ki la pdiang ïa u bad ki la ngeit ha u; kumta u la ai bor ha ki, ban long ki khun U Blei.

Ka Shithi U Paul Sha Ki Nong Rom 8:19

Ki jingthaw baroh ki ap da ka jingthrang hir hir ba U Blei un pynpaw ïa ki khun jong u.

2 KORINTH 6:18

Ngan long U Kpa jong phi, bad phin long ki khun shynrang bad ki khun kynthei jong nga, ong U Trai Badonbor Baroh.”

HEBRU 11:12

La u Abraham u la ïap shisha, na une uwei u briew, la mih bun kiba hiarpateng kat ki khlur ha ka sahit bneng, kat u shyiap bymlah ñiew shuh harud duriaw.