HEBRU 9:7 - Khasi CL Bible (BSI)

⁷ hynrei tang u rangbah lyngdoh uba rung sha ka bynta kaba shapoh jong ka Ïingjaiñ, bad u leh kumta tang shisien shisnem. U rah bad u ïa ka snam ïa kaba u ainguh ha U Blei na ka bynta ïa lade bad na ka bynta ki pop ba ki briew ki leh khlem sngewthuh ba ki la leh pop.

KA BAIBL

⁷ Hynrei, sha kata ka ba-ar, tang u rangbah lyngdoh hi shi sien shi snem, ym khlem ka snam, ïa kaba u ainguh na ka bynta ïa lade, bad na ka bynta ka lait ka let jong u paidlang;

HEBRU 9:7 ပူးပေါင်းရင်းမြစ်များ

2 SAMUEL 6:7

Hangta hi U Trai u la bitar lep ïa u Ussah bad u la pynïap ïa u namar ka jingbymburom jong u. U Ussah u la ïap hangta hajan ka Synduk ka Jutang,

2 KHRONIKL 33:9

U Manasseh u ïalam ïa ki paid Judah ban leh ïa ki pop kiba kham khraw ban ïa kito kiba ki jaitbynriew kiba U Trai u la beh noh na ka ri katba ki briew jong u ki dang tur shaphrang.

SALM 19:12

Ym don uno uno uba lah ban ïohi ïa ki jingbakla la jong; to pyllait ïa nga, A Trai, na ki jingbakla barieh!

SALM 95:10

Jin haduh sawphew snem nga la ijli ïa kito ki briew. Nga la ong, ‘Haduh katno ki long kiba shetkylla! Ki kyntait ban kohnguh ïa ki hukum jong nga.’

EKSODOS 30:10

Shisien shisnem, u Aaron un pyndep ïa ka jinglehniam ban pynkhuid ïa ka duwan da kaba buh ha ki reng jong ka baroh saw tylli ïa ka snam jong ka jingkñia na ka bynta ka pop. Dei ban leh ïa kane man ka snem ha ki por baroh ki ban wan. Kane ka duwan ka dei ban long kaba khuid, kaba la pynkyntang sha nga, U Trai.”

ISAÏAH 28:7

Wat ki nongïathuhlypa bad ki lyngdoh ki buaid bha bad ki ïaid sheng sheng. Ki la dih waiñ bad dih kyiad haduh katta katta haduh ba ki jynthut kulmar. Ki nongïathuhlypa ki ïabuaid haduh katta katta ba kim sngewthuh shuh ïa ki jingïohipaw ba U Blei u phah, bad ki lyngdoh ki buaid haduh ba kim lah shuh ban ai jingrai ïa ki kam ba la wanrah ha ki.

ISAÏAH 29:14

Kumta ngan sa pynkyndit ïa ki da kawei hadien kawei pat ka jingtied kaba kim poi pyrkhat. Kito kiba stad kin kylla long ki bieit, bad baroh ka jingsian jong ki kan long lehnoh-ei.”

ISAÏAH 3:12

Ki nongai pisa kylliang ki banbeiñ ïa ki briew jong nga, bad ki nongai ram jong ki, ki thok ïa ki. Ko paidlang jong nga, ki nongïalam jong phi ki ïalam bakla ïa phi, khnang ba phin ym tip kano ka lynti ban phai pat.

ISAÏAH 9:16

Kito kiba ïalam ïa kine ki briew ki la ïalam bakla ïa ki bad pynshaïong jingmut lut ïa ki.

HOSIA 4:12

Ki pan ïa ki jingpynpaw na u lyngkhot dieng! u diengduh u batai ïa ki kaei ba ki kwah ban tip! Ki la iehnoh ïa nga. Kum ka briew kaba la kylla nuti, ki la aiti ïa lade ha kiwei pat ki blei.

LEBITIKOS 16:34

Kine ki long ki jingbuhbeit ryntih kiba dei ban rakhe pateng la pateng. Ïa kane ka rukom lehniam dei ban leh shisien shisnem ban pynkhuid ïa ki Israel na ki pop jong ki. Kumta u Moses u leh, kumba U Trai u la hukum ïa u.

LEBITIKOS 5:18

U dei ban wanlam sha u lyngdoh kum ïa ka jingkñia namar ka jingleh palat da u langbrot ne u 'langsohmoh u bym don kano kano ka jingduna. Ka jingpynshong dor ïa u kan long kat kum ba la buh. U lyngdoh un ai ïa ka jingkñia namar ka pop jong uta u briew bad yn map ïa u.

AMOS 2:14

Wat ki nongmareh stet kin ym lait im, ki rangbah kiba khlaiñ kin duh ïa la ka bor, bad ki shipai kin ym lah wat ban pyllait ïa la ka jong ka jingim.

JINGKHEIÑ 15:25

U lyngdoh un pyndep ïa ka jinglehniam ka jingpynkhuid ïa ka kynhun, bad yn sa map ïa ki, namar ka jingbakla ka long kaba khlem da mut khnang bad ba ki la wallam ruh ïa ka jingkñia namar ka pop kum ka jingainguh bam sha U Trai.

EPHESOS 4:18

Kim don bynta ha ka jingim kaba U Blei u ai, naba ki long kiba bieit tasam bad kiba eh dohnud.

HEBRU 10:3

Kumba ka long, namarkata, ki jingkñia ainguh ki don na kawei ka snem sha kawei pat ka snem ban pynkynmaw ïa ki briew shaphang ki pop jong ki.

HEBRU 6:19

Ngi don kane ka jingkyrmen kum u angkor ïa ki jingim jong ngi. Ka long kaba skhem bad kaba thikna, bad ka ïaid lyngba ka jingkah jong ka Templ ba kynja bneng shaduh ka kamra kaba kham shapoh.

HEBRU 7:27

Um long kum kiwei pat ki rangbah lyngdoh; um da donkam ban da ai jingkñia man ka sngi na ka bynta ki pop jong u hi nyngkong ïa lade bad nangta na ka bynta ki pop jong ki briew. U ai kawei ka jingkñia, tang shisien hi, haba u la kñia noh ïa lade.

HEBRU 9:3

Ha lyndet ka jingkah kaba ar la don ka Ïingjaiñ ïa kaba la khot ka Jaka kaba Kyntang Tam.