HEBRU 9:6 - Khasi CL Bible (BSI)

⁶ Kane ka long kumno la buh ryntih ïa kita kiei kiei. Ki lyngdoh ki rung shapoh ka bynta kaba ha khmat jong ka Ïingjaiñ man ka sngi ban pyndep ïa ki kamram jong ki,

KA BAIBL

⁶ Te haba la pynlong ïa kine kiei kiei ruh kumta, kita ki lyngdoh ki ju leit bsut ha la ka sngi sha kata Ka Tabernakl ka banyngkong, haba ki ïa-pyndep ïa ki niam ki rukom.

HEBRU 9:6 ပူးပေါင်းရင်းမြစ်များ

EKSODOS 27:21

U Aaron bad ki khun shynrang jong u ki dei ban pynïeng ïa ka sharak hapoh ka Ïingjaiñ ka Jingdon Ryngkat jong nga shabar jong ka pyrda kaba don ha khmat jong ka Synduk ka Jutang. Hangta ha ka jingdon ryngkat jong nga dei ban pynmeh ïa ka naduh janmiet haduh mynstep. Ïa kane ka hukum dei ban sumar junom da ki Israel bad ki khun ki ksiew jong ki.

DANIEL 8:11

Ka la kyntait ban kohnguh wat ïa U Khun syiem jong ka kynhun shipai ba kynja bneng, ka la pynsangeh ïa ki jingkñia ba man ka sngi ba la ai sha u, bad ka la pyntngit ïa ka Templ.

JINGKHEIÑ 18:2

Wan ïalam ïa la ki ba-ha-ïing ha-sem, kiba na ka jait Lebi, ban ïatreilang bad ïarap ïa me katba me bad ki khun shynrang jong me phi dang ïashakri ha ka Ïingjaiñ.

JINGKHEIÑ 28:3

Kine ki long ki jingainguh bam kiba dei ban wanrah sha U Trai: na ka bynta ka jingainguh thang kaba man ka sngi, ar tylli ki khunlangbrot shynrang kiba shisnem ka rta ki bym don kano kano ka jingduna.

Ka Shithi U Paul Sha Ki Nong Rom 9:4

Ki long ki briew jong U Blei; u la pynlong ki khun jong u ïa ki bad u la pynpaw ïa ka burom jong u ha ki; u la pynlong ki jutang bad ki bad u la ai ïa ki ka Hukum; ki don ka jingmane bashisha; ki la ïoh ïa ki jingkular U Blei;

HEBRU 7:11

Dei ha ka nongrim jong ka jinglong lyngdoh ki Lebi ba la ai ïa ka Hukum ha ki paid Israel. Mynta, lada ka kam lyngdoh jong ki Lebi ka la long kaba janai, yn ym donkam shuh ïa uwei pat u lyngdoh ban mih, uwei uba na ka jinglong lyngdoh u Melkhisedek, ym jong u Aaron.