HEBRU 9:5 - Khasi CL Bible (BSI)

⁵ Haneng ka Synduk la don ki kherub kiba long ka dak ka jingdon ryngkat jong U Blei, bad ki thapniang jong ki, ki pyiar halor ka jaka ha kaba la ju map ïa ki pop. Hynrei mynta kam dei ka por ban batai bniah nadong shadong.

KA BAIBL

⁵ bad halor jong ka, ki Kherub ka burom ki kah ïa ka jingtap-isynei; shaphang kita ngim lah mynta ban kren ha la ka bynta bynta.

HEBRU 9:5 ပူးပေါင်းရင်းမြစ်များ

2 SYIEM 19:15

bad u duwai, “A Trai, U Blei jong ki Israel, uba don ha ka khet halor ki Kherub, me hi me long U Blei, uba synshar halor ki hima baroh jong ka pyrthei. me la thaw ïa ka pyrthei bad ïa ka suiñbneng.

1 KHRONIKL 28:11

U Dabid u ai ha u Solomon ïa ka dur pynkhreh jong ka jingtei baroh jong ka Templ, bad ïa ki kamra buh tiar jong ka bad ïa kiwei pat ki kamra bad ïa ka jaka kaba kyntang tam, ha kaba la map ïa ki pop.

SALM 80:1

To shahshkor ïa ngi, ko Nongap langbrot ka Israel; to sngew ïa ngi, ko nongïalam jong ka kynhun langbrot jong me. Me uba la shong halor ka khet halor jong ki kherub,

SALM 99:1

U Trai u long u syiem, bad ki briew kin khynñiuh. U shong ha ka khet halor ki kherub, bad ka pyrthei kan khynñiuh.

LEBITIKOS 16:13

Hangta ha khmat U Trai un thang ïa kata ka jingiwbih, halor ka ding bad ka tdem jong kata ka jingiwbih kan kah ïa ka jingtap ka Synduk ka Jutang khnang ba un ym ïohi ïa ka bad u ïap.

LEBITIKOS 16:2

U ong, “Ïathuh ha u hynmen jong me u Aaron ba dei tang ha ka por kaba dei ba un leit shadien ka jingkah jong ka jaka kaba khuid tam, namar ba dei hangta ba nga mihpaw ha u lyoh halor ka jingtap ka Synduk ka Jutang. Lada um kohnguh, un shah pynïap.

JINGKHEIÑ 7:89

Haba u Moses u leit rung shapoh ka Ïingjaiñ ban ïakren bad U Trai, u la ïohsngew ba U Trai u kren ïa u najrong ka jingtap ha ka Synduk ka Jutang, napdeng ki ar tylli ki kherub.

Ka Shithi U Paul Sha Ki Nong Rom 9:4

Ki long ki briew jong U Blei; u la pynlong ki khun jong u ïa ki bad u la pynpaw ïa ka burom jong u ha ki; u la pynlong ki jutang bad ki bad u la ai ïa ki ka Hukum; ki don ka jingmane bashisha; ki la ïoh ïa ki jingkular U Blei;

EPHESOS 3:10

khnang ba ha ka por ba mynta lyngba ka Balang, ki angel nongsynshar bad ki bor ha ka pyrthei ba kynja bneng ki lah ban tip ïa ka jingstad jong u ha baroh ki rukom ba-ïapher jong ki.

HEBRU 4:16

To ngin sngewskhem, te, bad leit sha ka khet U Blei, ha kaba don ka jingaiei. Hangta ngin ïohpdiang ïa ka jingisynei bad ngin shem ïa ka jingaiei ka ban ïarap ïa ngi ha ka por ba ngi donkam ïa ka.

1 PETROS 1:12

U Blei u la pynpaw ha kine ki nongïathuhlypa ba ka jingtrei jong ki kam shym la long na ka bynta ka jingmyntoi jong ki hi, hynrei na ka bynta jong phi, katba ki dang lah kren shaphang kito kiei kiei ïa kiba phi la ïohsngew mynta na ki nonglamktien kiba la pynbna ïa ka Khubor Babha da ka bor U Mynsiem Bakhuid ba la phah na bneng. Kine ki long kiei kiei kiba wat ki angel ki thrang ban shemphang.

1 SAMUEL 4:4

Kumta ki phah nonglamktien sha Shiloh bad ki wanrah ïa ka Synduk ka Jutang U Trai Badonbor Baroh, uba shongkhet halor ki Kherub. Bad ki ar ngut ki khun shynrang u Eli, u Hophni bad u Phinehas, ki wan ryngkat hangta bad ka Synduk ka Jutang.