HEBRU 9:4 - Khasi CL Bible (BSI)

⁴ Ha ka la buh ïa ka duwan ksiar na ka bynta ban thang ïa ki jingiwbih bad ïa ka Synduk ka Jutang ïa kaba la sop ksiar bad la don u khiew ksiar lem bad ka manna ha u, u diengduh jong u Aaron uba la mih sla, bad ki ar tylli ki mawlyngkniap ha kiba la thoh ïa ki hukum.

KA BAIBL

⁴ kaba don ka pliang ksiar bathang iwbih, bad ka synduk ka jutang ïa kaba la suit baroh sawdong da ka ksiar, ha kaba la don u khiew ksiar uba don kata ka manna, bad uta u diengduh u Aaron uba la phuh, bad kita ki maw lyngkniap jong ka jutang;

HEBRU 9:4 ပူးပေါင်းရင်းမြစ်များ

1 SYIEM 7:50

ki khuri, ki jingpynlip sharak, ki pliang, ki pliang jingiwbih, bad ki khiew ba pyndonkam ban rah ïa ki rnga barhem; bad ki kopja ïa ki jingkhang ïa jingkhang jong ka Jaka Kaba Kyntang bad ïa ki jingkhang bashabar jong ka Templ. Ïa baroh kine ki tiar ki tar la thaw da ka ksiar.

1 SYIEM 8:21

Nga la pynkhreh ruh ka jaka ha ka Templ ïa ka Synduk ka Jutang ha kaba don ki mawlyngkniap jong ka jutang ha kaba U Trai u la pynlong bad ki kpa tymmen jong ngi mynba u wan ïalam ïa ki na ka ri Ijipt.”

1 SYIEM 8:9

Ym don ei ei ruh hapoh ka Synduk ka Jutang lait tang ki ar tylli ki mawlyngkniap ïa kiba u Moses u la buh hangta ha u Lum Sinai, mynba U Trai u pynlong ka jutang bad ki paid Israel katba ki dang wan mihnoh na ri Ijipt.

2 KHRONIKL 5:10

Ym don ei ei ruh hapoh ka Synduk ka Jutang lait tang ki ar tylli ki mawlyngkniap kiba u Moses u la buh hangta ha u Lum Sinai, mynba U Trai u pynlong ka jutang bad ki paid Israel katba ki dang wan mihnoh na Ijipt.

EKSODOS 26:33

Wah ïa kata ka pyrda na ki jingpyndait kiba don hapoh tnum Ïingjaiñ, bad ïa ka Synduk ka Jutang kaba don ar tylli ki mawlyngkniap buh ïa ka sha lyndet ka pyrda. Kata ka pyrda kan pynïakhlad ïa ka Jaka Kyntang na ka Jaka Kaba Kyntang Tam.

EKSODOS 31:18

Haba U Blei u la dep kren ha u Moses ha u Lum Sinai, u ai ha u ïa ki ar tylli ki mawlyngkniap ha kiba U Blei da lade hi u la thoh ïa ki hukum.

EKSODOS 32:15

U Moses u la leit hiar na uta u lum, u da rah ïa kita ki ar tylli ki mawlyngkniap ha kiba la thoh ïa ki hukum ha baroh arliang.

EKSODOS 34:29

Mynba u Moses u wan hiar na u Lum Sinai, u da rah ïa kita ki ar tylli ki mawlyngkniap ha kiba la thoh ïa ki Shiphew Hukum, ka khmat jong u ka tyngshaiñ namar ba u la ïakren bad U Trai; hynrei um tip satia ïa kata.

EKSODOS 37:25

U shna ïa ka duwan da ka dieng akasia, na ka bynta ban thang jingiwbih. Ka long kaba sawdong, ka don sawphew san sentimitar ka lynter bad sawphew san sentimitar ka jingïar bad khyndaiphew sentimitar ka jingjrong. Ki reng jong ka ha ki saw tylli ki dong ki ïadait lang kawei bad ka.

EKSODOS 39:35

ïa ka Synduk ka Jutang ha kaba don ki mawlyngkniap, ïa ki jingbah bad ïa ka jingtap jong ka;

EKSODOS 40:3

Buh hangta ïa ka Synduk ka Jutang ha kaba don ki Shiphew Hukum, bad kah ïa ka da ka pyrda.

LEBITIKOS 16:12

un shim ïa u khiew thang jingiwbih ba la pyndap da u rnga ding barhem na ka duwan bad ar kham ka jingiwbih, bad un wanrah ïa ki sha ka Jaka Kaba Khuid Tam.

JINGKHEIÑ 17:10

U Trai u ong ha u Moses, “Buh biang ïa u diengduh jong u Aaron ha khmat ka Synduk ka Jutang. Dei ban buh ïa u kum ka jingmaham ïa ki Israel kiba ïaleh pyrshah ba kin ïap lymda ki sangeh noh ïa ki jingkren khñium jong ki.”

JINGKHEIÑ 17:5

Te u diengduh jong uta u briew ïa uba nga la jied un khie lung. Da kumta ngan pynsngap jar ïa ki jingïaikren khñium jong kine ki Israel pyrshah ïa me.”

JINGKHEIÑ 17:8

Ha ka sngi kaba bud, haba u Moses u leit shapoh ka Ïingjaiñ, u la ïohi ba u diengduh jong u Aaron, uba ïeng na ka bynta ka jait Lebi, u la khie lung. U la shylluit, phuh syntiew, bad sei ki soh almond kiba ih!

DEUTERONOMI 9:11

Ho-oid, hadien kita ki sawphew sngi bad sawphew miet, U Trai u la ai ha nga ïa kita ki ar tylli ki mawlyngkniap ha kiba u la thoh ïa kata ka jutang.

DEUTERONOMI 9:9

Nga kiew ïa uta u lum ban pdiang ïa ki mawlyngkniap ha kiba la thoh ïa ka jutang ba U Trai u la pynlong bad phi. Nga sah hangta sawphew sngi bad sawphew miet, bad ngam shym la bam ne dih ei ei.

JINGPYNPAW 11:19

Ïa ka Templ U Blei ha bneng la plie, bad ïa ka Synduk ka Jutang la ïohi hangta. Nangta la don ki jingthaba leilieh, ki jingkyrhuh bad ki jingsawa u pyrthat, ka jingkhynñiuh jumai bad ka jinghap phria kaba jur.

JINGPYNPAW 8:3

Uwei pat u angel, uba bat ïa ka pliang thang jingiwbih kaba da ka ksiar, u la wan bad u la ïeng ha ka duwan. La ai ha u shikatdei ka jingiwbih ryngkat bad ki jingduwai jong ki briew jong U Blei baroh bad ban ai ïa ka halor ka duwan ksiar kaba ïeng ha khmat kata ka khet.