HEBRU 9:2 - Khasi CL Bible (BSI)

² Ïa ka Ïingjaiñ la pynïeng, ka bynta kaba ha khmat, ïa kaba la khot ka Jaka Bakyntang. Ha ka la buh ïa u diengpynïeng sharak bad ka miej lem bad u kpu ïa uba la ainguh sha U Blei.

KA BAIBL

² Namar la pynlong ïa Ka Tabernakl, kata ka banyngkong, ha kaba la don kata ka dieng pynïeng sharak, bad kata ka miej, bad kita ki 'pu pyni; ïa kaba la khot “ka Jaka kyntang.”

HEBRU 9:2 ပူးပေါင်းရင်းမြစ်များ

EKSODOS 25:23

“Thaw ïa ka miej da ka dieng akasia, kaba phraphew phra sentimitar ka lynter, sawphew saw sentimitar ka pyngkiang, bad hynriewphew hynriew sentimitar ka jingjrong.

EKSODOS 25:30

Ïa ka miej dei ban buh ha khmat ka Synduk ka Jutang, bad u kpu ainguh uba kyntang u dei ban don halor jong ka borabor.

EKSODOS 25:31

“Thaw ïa uwei u diengpynïeng sharak da ka ksiar nylla. Shna ïa ka trai bad ka met jong u da ka ksiar ba la shu shoh. Ki syntiew ba la oh-shrong jong u kiba kynthup ïa ki shylluit bad ki sla syntiew jong ki, kin ïasoh lang kawei bad u.

EKSODOS 26:1

“Thaw ïa kaba shapoh jong ka Ïingjaiñ bakyntang, ka Ïingjaiñ jong ka Jingdon Ryngkat jong nga na ki shiphew tylli ki lyngkhot jaiñ kiba da ka linen kaba ni, ba la thain da u 'saiwul uba jngum, uba sawbthuh, bad uba rong saw. Suh pynpur itynnat ha ki ïa ka dur ki kherub.

EKSODOS 26:33

Wah ïa kata ka pyrda na ki jingpyndait kiba don hapoh tnum Ïingjaiñ, bad ïa ka Synduk ka Jutang kaba don ar tylli ki mawlyngkniap buh ïa ka sha lyndet ka pyrda. Kata ka pyrda kan pynïakhlad ïa ka Jaka Kyntang na ka Jaka Kaba Kyntang Tam.

EKSODOS 26:35

Habar jong ka Jaka kaba Kyntang Tam buh ïa kata ka miej ha ka liang kaba shaphang shatei jong ka Ïingjaiñ, bad ïa u diengpynïeng sharak ha ka liang kaba shaphang shathie.

EKSODOS 29:1

“Kane ka long kaba me dei ban leh ïa u Aaron bad ki khun shynrang jong u ban pynkyntang ïa ki kum ki lyngdoh ki ban shakri ïa nga. Shim uwei u masi lyngraw bad ar tylli ki langbrot shynrang ki bym don jingduna.

EKSODOS 29:35

“Leh ïa ki jinglehniam ka jingpynkyntang ïa u Aaron bad ki khun shynrang jong u hynñiew sngi lynter kumba nga la hukum ïa me.

EKSODOS 40:2

“Ha ka sngi kaba nyngkong jong u bnai uba nyngkong pynïeng ïa ka Ïingjaiñ ka Jingdon Ryngkat U Trai.

EKSODOS 40:4

Wanrah ïa ka miej bad buh ryntih ïa ki tiar jong ka ha ka. Wanrah ruh ïa u diengpynïeng sharak bad buh hangta ïa ki sharak jong u.

MATHAÏOS 12:4

U la leit rung shapoh ka Templ, bad ma u lem bad ki rangbah jong u ki la ïabam ïa u kpu uba la ainguh sha U Blei, wat la ka la long pyrshah ïa Ka Aiñ ïa ki ban bam ïa uta — tang ïa ki lyngdoh la shah ba kin bam ïa uta u kpu.

MATHAÏOS 5:15

Ym don uno uno uba thang ïa ka sharak bad buh ïa ka hapoh ka shang; hynrei u buh ïa ka halor u diengpynïeng sharak, na kaba ka ai jingshai ïa baroh kiba hapoh ka ïing.

HEBRU 9:25

U rangbah lyngdoh jong ki Jiw u leit rung shapoh ka Jaka kaba Kyntang Tam man ka snem ryngkat bad ka snam ki mrad. Hynrei U Khrist um shym la rung shapoh ban kñia ainguh ïa lade bunsien.