HEBRU 8:9 - Khasi CL Bible (BSI)

⁹ Kan ym long kum ka jutang ïa kaba nga la pynlong bad ki kpa tymmen jong ki ha kata ka sngi ha kaba nga la btin ïa ki bad la ïalam noh ïa ki na ka ri Ijipt. Kim shym ïaineh ha kata ka jutang kaba nga la pynlong bad ki, bad kumta ngam shym shahshkor shuh ïa ki.

KA BAIBL

⁹ ym katba kum kata ka jutang ïa kaba nga la pynlong bad ki kpa jong ki, ha kata ka sngi ba nga la btin na ka kti ïa ki ïa ka ban ïalam noh ïa ki na ka ri Ijipt; naba kim shym ïaineh ha kata ka jutang jong nga, nga te nga la leh lyndet ïa ki,” ong U Trai.

HEBRU 8:9 ပူးပေါင်းရင်းမြစ်များ

JENESIS 19:16

U Lot u leh tud pynban. Hynrei U Trai u la leh-isynei ïa u; kumta kita ki rangbah ki shim ïa u, ïa ka tnga jong u, bad ïa ki ar ngut ki khun kynthei jong u na ka kti bad ki la ïalam noh ïa ki shabar kata ka nongbah.

Ka Kitab U Job 8:20

“Hynrei U Blei un ym iehnoh ïa kiba shaniah ha u ne um ju ai jingïarap ïa ki riewbymman.

SALM 105:43

Kumta u ïalam noh ïa ki briew ba la jied jong u, bad ki rwai bad pyrta da ka jingkmen.

SALM 77:20

Me la ïalam ïa la ki briew kum u nongap langbrot, ha ka jingkhmih u Moses bad u Aaron.

SALM 78:57

hynrei ki la ïeng ïaleh pyrshah bad kim kohnguh kum ki kpa tymmen jong ki, ki bym lah ban shaniah kum u khnam uba la kdor.

EKSODOS 32:8

Ki la da ïaid sakma noh na kata ka lynti ha kaba nga la hukum ïa ki ban ïaid; ki la thaw ïa lade u khun masi ba la saiñ da ka ksiar bad ki la ïamane ïa u, bad ki la ai jingkñia ha u. Ki ïa-ong ba une u long u blei jong ki, uba la ïalam noh ïa ki na ka ri Ijipt!

EKSODOS 34:10

Te U Trai u ong ha u Moses, “Mynta nga pynlong ka jutang bad ki paid Israel. Ha khmat jong ki ngan leh ïa kiei kiei kiba khraw, ïa kiba ym pat ju leh mynno mynno ha ka pyrthei hapdeng kano kano ka jaitbynriew. Baroh ki jaitbynriew kin ïohi ïa ki kam kiba khraw kiba ma nga, U Trai nga lah ban leh, namar ngan leh ïa kaei kaei kaba khraw na ka bynta jong phi.

JINGRWAI SOLOMON 8:5

Kaei kane kaba wan na ka ri shyiap, kaba ïasnohkti bad uba ieit jong ka? Hapoh u dieng apple nga la kyrsiew ïa phi, hapoh ka jaka ha kaba la kha ïa phi.

ISAÏAH 40:11

Un sumar ïa ka kynhun jong u kum u nongaplangbrot; un lumlang ïa ki khunlangbrot bad un rah ïa ki ha ki ksang'ti jong u; un ïalam jai jai ïa ki kmie jong ki.

ISAÏAH 41:13

Nga long U Trai U Blei jong me; nga pynkhlaiñ ïa me bad nga ong, ‘wat sheptieng; ngan ïarap ïa me.’ ”

ISAÏAH 51:18

Ym don mano mano ban ïalam ïa pha, ym don uno uno napdeng ki briew jong pha ban btin ïa pha da ka kti.

ISAÏAH 63:9

Ym dei u angel, hynrei dei U Trai hi uba pyllait im ïa ki. Ha ka jingieit bad ka jingisynei jong u, u la pyllait ïa ki. U la ju sumar ïa ki borabor ha ki por kiba mynshuwa,

JEREMAÏAH 31:32

Kan ym long kum ka jutang barim kaba nga la pynlong bad ki kpa tymmen jong ki mynba nga la shim ïa ki da la ka kti bad ïalam ïa ki na ka ri Ijipt. Wat la nga la long kum u tnga ïa ki, kim shym la bat ïa kata ka jutang.

SNGEWSYNEI 4:16

U Trai um shym la don shuh ka jingsngewkhia na ka bynta jong ki; u la pynsakma ïa ki da lade hi. Um shym pyn-i jingñiewkor ei ei ïa ki lyngdoh bad ki nongïalam jong ngi.

ESEKIEL 16:59

U Trai Nongsynshar u ong, “Ngan leh ïa pha ha ka rukom kaba pha dei hok ban ïoh, namar pha la leh bymsalia ïa ki jingkular jong pha bad pynkheiñ ïa ka jutang.

ESEKIEL 16:8

“Katba nga dang ïaid lyngba biang, nga la ïohi ba ka por ka la poi ïa pha ban shoh jingieit. Nga la tap ïa ka jinglyngkhuit jong pha da ka jaiñ jynsur jong nga bad nga la kular ban ieit ïa pha. Ho-oid nga la pynlong ka jutang shongkurim bad pha, bad pha long ka jong nga.” Kane ka dei kaei kaba U Trai Nongsynshar u ong.

AMOS 5:22

Haba phi wallam sha nga ïa ki jingainguh thang bad ki jingainguh bam jong phi, ngan ym pdiang ïa ki; ngan ym pdiang ïa ki jingri ba phi la pynsngaid ban wallam sha nga kum ki jingainguh.

MALAKHI 2:13

Kane ka long kawei pat kaba phi leh. Phi pynjhieh ïa ka duwan U Trai da ki ummat, da kaba ïam bad kyang namar um shym pdiang shuh ïa ki jingainguh kiba phi wanrah sha u.

MARKOS 8:23

U Jisu u la shim ïa uta u briew uba matlah na ka kti bad ïalam ïa u shabar ka nongrit. Hadien ba u la bynthiew ha ki khmat jong uta u briew, U Jisu u la buh ïa la ki kti halor jong u bad kylli ïa u, “Me lah ban ïohi ei ei?”

KI KAM 13:11

Ka kti U Trai kan sa wan ha me mynta; men sa matlah bad men ym ïohi ïa ka jingshai jong ka sngi shipor.” Mar kumta hi u Elumas u la sngew ba u lyoh khyndew uba ïong u la tap ïa ki khmat jong u, bad u la ïaid kylleng da kaba pyrshang ban wad ïano ïano ban ïalam ïa u na ka kti.

KI KAM 7:36

U la ïalam ïa ki briew na ka ri Ijipt, u da leh ki kambah bad ki kamphylla ha ka ri Ijipt bad ha ka Duriaw Basaw bad haduh sawphew snem ha ka ri shyiap.

KI KAM 9:8

U Saul u la khie joit na madan bad u la peit, hynrei um lah ban ïohi ei ei. Kumta ki la shim ïa u na ka kti bad ki la ïalam ïa u sha Damaskos.

GALATIA 4:24

Ïa kine kiei kiei lah ban sngewthuh tang kum ka jingringdur: Ki ar ngut ki kynthei ki ïeng ïa ki ar tylli ki jutang; kawei ïa kaba ki khun la kha ha ka jinglongmraw ka long ka Hagar, bad ka ïeng na ka bynta ka jutang ba la pynlong halor u lum Sinai.

DEUTERONOMI 29:1

Kine ki long ki ktien jong kata ka jutang ba U Trai u la hukum ïa u Moses ban pynlong bad ki Israel ha ka ri ki Moab; kane baroh ka la long ka jingbynrap shuh shuh halor kata ka jutang kaba U Trai u la pynlong bad ki ha u Lum Sinai.

DEUTERONOMI 29:12

ba phin ïohrung ha kata ka jutang kaba U Trai U Blei jong phi u pynlong bad phi bad ban pdiang ïa ki ktien ba la thoh ha ka,

DEUTERONOMI 29:25

Bad ka jubab kan long, ‘Dei namar ba ki la pynkheiñ ïa ka jutang ba U Trai, U Blei jong ki kpa tymmen jong ki, u la pynlong bad ki mynba u wan ïalam ïa ki na Ijipt.