HEBRU 8:6 - Khasi CL Bible (BSI)

⁶ Hynrei mynta, ha U Jisu u la ai ïa ka kam lyngdoh kaba kham halor ban ïa ka jong ki, kumba ka jutang ïa kaba u la pynbeit hapdeng U Blei bad la ki briew ka long kaba kham bha, namar la seng nongrim ïa ka ha ki jingkular ïa kiei kiei kiba kham bha.

KA BAIBL

⁶ Hynrei, mynta, u la ïoh ïa ka kam lyngdoh kaba kham kor, katba kum ba u long ruh U Ksiang ka Jutang kaba kham bha, ïa kaba la pynlong ha ki jingkular kiba kham bha.

HEBRU 8:6 ပူးပေါင်းရင်းမြစ်များ

JEREMAÏAH 50:5

Kin kylli ïa ka lynti sha Seïon bad nangta kin leit ha kata ka phang. Kin pynlong ka jutang baïaineh bad nga bad da lei lei kin ym pynkheiñ ïa ka.

LOUKAS 22:20

Ha kajuh ka rukom, u la ai ha ki ïa ka khuri hadien ka jingbam miet, da kaba ong, “Kane ka khuri ka long ka jutang bathymmai jong U Blei ïa kaba la pynskhem da ka snam jong nga, ïa kaba la pynmih noh na ka bynta jong phi.

Ka Shithi U Paul Sha Ki Nong Rom 9:4

Ki long ki briew jong U Blei; u la pynlong ki khun jong u ïa ki bad u la pynpaw ïa ka burom jong u ha ki; u la pynlong ki jutang bad ki bad u la ai ïa ki ka Hukum; ki don ka jingmane bashisha; ki la ïoh ïa ki jingkular U Blei;

EPHESOS 2:12

Ha kata ka por phi la long khlem U Khrist. Phi la long ki nongwei bad phim shym la dei ki briew ba la jied jong U Blei. Phim shym la don bynta ha ki jutang, kiba la pynshong nongrim ha ki jingkular jong U Blei sha ki briew jong u, bad phi la im ha kane ka pyrthei khlem jingkyrmen bad khlem U Blei.

1 TIMOTHI 2:5

Naba don tang uwei U Blei, bad don uwei uba pynwan lang ïa U Blei bad ïa u khunbynriew, U Khrist Jisu uba long ruh u briew, uba la aiti ïa lade ban siewspah ïa ki briew baroh.

TITOS 1:2

kaba pynshong nongrim ha ka jingkyrmen ïa ka jingim bymjukut. U Blei, u bym ju shukor, u la kular ïa ngi ïa kane ka jingim naduh mynnyngkong,

HEBRU 12:24

Phi la wan sha U Jisu, uba la pynlong ïa ka jutang bathymmai, bad sha ka snam ba la synreit, kaba kular bun kiei kiei kiba kham bha ban ïa ka snam u Abel.

HEBRU 7:22

Te, kane ka jingïapher, ka pynlong ruh ïa U Jisu u nongbahkhlieh ïa ka jutang kaba kham bha.

2 PETROS 1:4

Ha kane ka rukom, u la ai ha ngi ïa ki jingai kiba khraw eh bad ba kordor ïa kiba u la kular, khnang ba lyngba kine ki jingai phi lah ban phet ïap noh na ka jingkwah brai bapynjot kaba don ha ka pyrthei, bad ba ngi lah ban wan ïashim bynta ha ka jinglong ba kynja Blei.