HEBRU 8:2 - Khasi CL Bible (BSI)

² U shakri kum U Rangbah Lyngdoh ha ka Jaka kaba Kyntang Tam, kata ka long, ha ka ïingjaiñ kaba shisha ïa kaba U Trai u la pynïeng, ym da u briew.

KA BAIBL

² U Shakri ka jaka kyntang, bad kata Ka Tabernakl kaba shisha, ïa kaba U Trai u la pynïeng, ym u briew.

HEBRU 8:2 ပူးပေါင်းရင်းမြစ်များ

EKSODOS 25:9

Shna ïa ka bad ïa ki jingbuh jingsat jong ka baroh kat kum ka dur kaba ngan pyn-i ha me.

EKSODOS 28:1

“Khot ïa u Aaron u hynmen jong me bad ïa ki khun shynrang jong u, u Nadab, u Abihu, u Eleasar, bad u Ithamar. Pynkyrpang ïa ki na ki Israel khnang ba kin shakri ïa nga kum ki lyngdoh.

EKSODOS 28:35

U Aaron u dei ban phong ïa kane ka barandi haba u shakri kum u lyngdoh. Haba u wan ha khmat jong nga ha ka Jaka kaba Kyntang, lane haba u mih nangta, yn ïohsngew ïa ka jingriew ki shakuriaw, bad un ym shah pynïap.

EKSODOS 33:7

Man ka por ba ki Israel ki sher dara, u Moses u shim ïa ka Ïingjaiñ bakyntang bad u pynïeng ïa ka kham ha pajih na kata ka jaka sher dara. La khot ïa ka, ka Ïingjaiñ ka Jingdon Ryngkat U Trai, bad uno uno uba kwah ban ïasyllok bad U Trai u ju leit sha ka.

LOUKAS 24:44

Nangta u la ong ha ki, “Kine ki long kita kiei kiei kiba nga la ïathuh ha phi mynba nga dang don lem bad phi: Kaei kaei baroh kaba la thoh shaphang jong nga ha ka Hukum u Moses, ha ki jingthoh jong ki nongïathuhlypa, bad ha Ki Salm ka dei ban urlong shisha.”

Ka Shithi U Paul Sha Ki Nong Rom 15:8

Naba nga ong ïa phi ba ka jingim jong ka jingshakri U Khrist ka la long na ka bynta ki Jiw, ban pyn-i ba U Blei u long uba ïaineh, ban pynlong ïa ki kular jong u ha ki kpa tymmen jong ki ban urlong shisha,

2 KORINTH 5:1

Naba ngi tip ba haba kane ka ïingjaiñ kaba ngi shong — ka met jong ngi hangne ha pyrthei — ka la jot noh, U Blei un buh ha bneng ïa ka ïing na ka bynta jong ngi ba ngin shong, ka ïing kaba ma u hi u la thaw, ka ban neh junom la junom.

KOLOSSAI 2:11

Ha U Khrist la otsher ïa phi, ym da ka jingotsher kaba la thaw da ki briew, hynrei da ka jingotsher ba la pynlong da U Khrist, kaba kynthup ïa ka jinglong ba la laitluid na ka bor jong ka pop hi.

HEBRU 10:11

Man la u lyngdoh Jiw, u trei ïa la ka kam man ka sngi bad ai kijuh ki jingkñia man ka por; hynrei kine ki jingkñia kim lah ban kit noh ïa ki pop.

HEBRU 10:21

Ngi don u lyngdoh uba khraw uba peit ïa ka ïing U Blei.

HEBRU 11:10

Naba u Abraham u la ap khmih ïa ka nongbah kaba U Blei u la pynwandur bad u la tei, ka nongbah kaba don ki nongrim baneh.

HEBRU 9:1

Ka jutang kaba nyngkong ka la don ki rukom pynïaid ïa ka jingmane Blei bad kumjuh ruh ka jaka ba la shna da u briew ban mane.

JINGPYNPAW 21:3

Nga la ïohsngew ïa ka sur kaba jam kaba kren na ka khet: “Mynta ka ïing jong U Blei ka long bad u bynriew! Un shong bad ki, bad kin long ki briew jong u. U Blei da lade hi un long bad ki, bad un long U Blei jong ki.