HEBRU 8:1 - Khasi CL Bible (BSI)

¹ Ka bynta kaba kongsan na kine kiei kiei ïa kiba ngi kren ka long ba ngi don kum uta U Rangbah Lyngdoh, uba shong ha ka liang kamon jong ka khet ba kynja blei kaba ha bneng.

KA BAIBL

¹ Te shaphang kine kiei kiei ïa kiba ngi kren, kaba kongsan ka long kane: Ngi don U Rangbah lyngdoh kat uta, uba la shong sha ka kti kamon ka khet U Bakhraw Tam ha ki bneng;

HEBRU 8:1 ပူးပေါင်းရင်းမြစ်များ

1 KHRONIKL 29:11

Me long uba khraw bad uba donbor, uba donburom, uba itynnat bad uba iphieng. Kiei kiei baroh ha bneng bad ha khyndew ki dei ki jong me; me dei u syiem, u nongsynshar bahakhlieh duh halor baroh.

Ka Kitab U Job 37:22

Ïa ka jingphyrnai ksiar la ïohi ha ka phang bashatei, bad ka burom jong U Blei ka pyndap ïa ngi da ka jingtiengburom.

SALM 104:1

Ïaroh ïa U Trai, ko mynsiem jong nga! A Trai, U Blei jong nga, katno me long uba khraw! Me kup da ka burom syiem bad ka burom;

SALM 110:1

U Trai u la ong ha u trai jong nga, u syiem, “Shong hangne ha ka liang kamon jong nga haduh ba ngan da pyndem ïa ki nongshun jong me hapoh ki kjat jong me.”

SALM 145:12

ba baroh kin tip shaphang ki jingtrei borbah jong me bad ka burom bakhraw jong ka hima jong me.

SALM 21:5

Ka burom jong u ka khraw namar ka jingïarap jong me; me la ai ha u ïa ka nam bad ka main longsyiem.

ISAÏAH 24:14

Kito kiba lait im kin rwai da ka jingkmen. Kito kiba don ha sepngi kin ïathuh katno ba U Trai u long uba khraw,

MIKAH 5:4

Haba u wan, un sa synshar ïa la ki briew da ka jingkhlaiñ kaba wan na U Trai bad da ka burom jong U Trai U Blei hi. Ki briew jong u kin shong ha ka jingshngain namar ki briew na kylleng ka pyrthei kin ithuh ïa ka jingkhraw jong u, bad un wanrah ïa ka jingsuk.

MARKOS 16:19

Hadien ba U Trai Jisu u la lah kren bad ki, ïa u la shim noh sha bneng bad u la shong ha ka liang kamon jong U Blei.

EPHESOS 6:20

Na ka bynta kane ka gospel, nga long u nongkit 'tiensyiem wat la mynta nga don ha ïingbyndi. To duwai ba nga lah ban long uba shlur ha ka jingkren shaphang ka gospel kumba nga dei.

KOLOSSAI 3:1

Ïa phi la pynmihpat lem bad U Khrist, kumta pynbeit ïa ka dohnud jong phi ha kiei kiei kiba ha bneng, ha kaba U Khrist u shong ha la ka khet ha ka liang kamon jong U Blei.

HEBRU 1:13

U Blei um ju ong ha uno uno na ki angel jong u: “Shong hangne ha ka liang kamon jong nga haduh ba ngan da pynlong ïa ki nongshun jong me ba kin long kum ka jingïuhkjat hapoh ki kjat jong me.”

HEBRU 1:3

U pynpaw ïa ka jingtyngshaiñ ka burom U Blei bad u ïasyriem thik bad ka dur U Blei hi, uba kyrshan ïa ka pyrthei da ka ktien badonbor jong u. Hadien ba u la ïohpdiang ka jingmap ïa ki pop u khunbynriew, u la shong ha bneng ha ka liang kamon jong U Blei, U Bakhrawbor Tam.

HEBRU 10:12

Hynrei U Khrist u la ainguh shisien kñia namar ki pop, ka jingainguh kaba dap biang junom, bad hadien u la shong ha ka liang kamon jong U Blei.

HEBRU 12:2

To ngin ïakhmih shaiñ sha U Jisu, ha uba ka jingngeit jong ngi ka don naduh kaba sdang haduh kaba kut. U bym shym la kynran dien namar ka diengphna! Pynban, namar ka jingkmen kaba la ap ïa u, um shym pyrkhat ei ei ïa ka jingjahburom ban shahïap halor ka diengphna, bad mynta u la shong ha ka liang ka mon jong ka khet U Blei.

HEBRU 2:17

Kane ka mut, ba u dei ban long uba syriem kum ki para jong u ha kiei kiei baroh, ba un ïoh long u rangbah lyngdoh uba lah ban shaniah bad uba sngewsynei ha ka jingshakri ïa U Blei, kumta ba yn ïohmap noh ïa ki pop ki briew.

HEBRU 3:1

Ko parabangeit jong nga ïa kiba U Blei u la khot! To pyrkhat ïa U Jisu, ïa uba U Blei u la phah ban long U Rangbah Lyngdoh jong ka jingngeit kaba ngi ïaphla.

HEBRU 4:14

Te, to ngin batskhem ïa ka jingngeit ïa kaba ngi phla. Naba ngi don U Rangbah Lyngdoh uba khraw uba la leit haduh ka jingdon ryngkat U Blei — U Jisu, U Khun U Blei.

JINGPYNPAW 3:21

Ha kito kiba ïoh ïa ka jingjop ngan ai ïa ka hok ban shong ha syndah jong nga ha ka khet jong nga, kumba nga ruh nga la jop bad mynta nga shong ha syndah U Kpa jong nga ha ka khet jong u.