HEBRU 7:22 - Khasi CL Bible (BSI)

²² Te, kane ka jingïapher, ka pynlong ruh ïa U Jisu u nongbahkhlieh ïa ka jutang kaba kham bha.

KA BAIBL

²² Kumta ruh, U Jisu u la long U Nongbahkhlieh ka jutang kaba kham bha.

HEBRU 7:22 ပူးပေါင်းရင်းမြစ်များ

JENESIS 43:9

Ngan bahkhlieh da la ka jingim, bad ngan kitkhlieh na ka bynta jong u. Lada ngam wan ïalam pat ïa u sha phi bad buh ïa u ha khmat jong phi, ieh ngan kit pop ma nga shi rta.

JENESIS 44:32

Shuh shuh, nga la bahkhlieh ha i pa da la ka jingim na ka bynta u para. Nga ong ïa i ba lada ngam wan ïalam pat ïa u para sha i, ngan sa kit pop ma nga shi rta.

SALM 119:122

To kular ba men ïarap ïa u shakri jong me; A wat shah ba ki briew kiba sngewmeng kin banbeiñ ïa nga!

PROBERB 20:16

Uno uno uba mutlop palat kat ban kular ban bahkhlieh ïa ki ram jong u nongwei u dei ban don la ki jingdon jingem ban buh bynda.

PROBERB 6:1

Ko khun jong nga, hato phi la kular ban bahkhlieh ïa ka ram jongno re?

ISAÏAH 38:14

Ka sur jong nga ka rit bad tlot, bad nga ud kum ka paro. Ki khmat jong nga ki la thait na kaba khmied sha bneng. A Trai, pyllait im ïa nga na kane ka jingjynjar baroh.

DANIEL 9:27

Uta u nongsynshar un don ka jingïateh kular kaba skhem bad kiba bun ki briew haduh hynñiew snem, bad haba shiteng na kane ka por ka la leit, un pynkut ïa ki jingkñia bad ki jingainguh. Ïa ka Jingshyrkhei Ba-ijli yn buh ha ka jaka bajrong tam jong ka Templ bad kan sah hangta tad haduh ba uta uba buh ïa ka hangta u ïashem ïa kaba kut kaba U Blei u la lah pynkhreh na ka bynta jong u.”

MATHAÏOS 26:28

“kane ka long ka snam jong nga, kaba pynskhem ïa ka jutang jong U Blei, ka snam jong nga ïa kaba la theh noh na ka bynta kiba bun ïa ka ban map ïa ki pop.

MARKOS 14:24

U Jisu u la ong, “Kane ka long ka snam jong nga ïa kaba la pynmih na ka bynta kiba bun, ka snam jong nga kaba pynskhem ïa ka jutang U Blei.

LOUKAS 22:20

Ha kajuh ka rukom, u la ai ha ki ïa ka khuri hadien ka jingbam miet, da kaba ong, “Kane ka khuri ka long ka jutang bathymmai jong U Blei ïa kaba la pynskhem da ka snam jong nga, ïa kaba la pynmih noh na ka bynta jong phi.

1 KORINTH 11:25

Kumjuh ruh, hadien kaba bam ïa ka jingbam miet u la shim ïa ka khuri bad u la ong, “Kane ka khuri ka long ka jutang kaba thymmai jong U Blei, la pynskhem da ka snam jong nga. Man ba phi dih ïa ka, to leh kumta ban kynmaw ïa nga.”

HEBRU 12:24

Phi la wan sha U Jisu, uba la pynlong ïa ka jutang bathymmai, bad sha ka snam ba la synreit, kaba kular bun kiei kiei kiba kham bha ban ïa ka snam u Abel.

HEBRU 13:20

U Blei uba la pynmihpat na ka jingïap ïa U Jisu uba U Trai jong ngi, uba long u Nongaplangbrot uba khraw jong ki langbrot da kata ka jingïap ha kaba la kñia ïa u, da kaba la pynskhem ïa ka jutang bymjukut. To ai ba U Blei ka jingsuk un pyndap ïa phi da kaei kaei kaba bha baroh kaba phi donkam khnang ban leh ïa ka mon jong u, bad ai ba ma u, da U Jisu Khrist, un leh ha ngi ïa kaei kaei kaba pynsngewbha ïa u. Bad ha U Khrist to long ka burom junom la junom, Amen.

HEBRU 7:23

Ka don sa kawei pat ka jingïapher: ki la don bun na kito kiwei pat ki lyngdoh, namar ki la ïap bad kim shym lah shuh ban bteng ïa la ka kam.

HEBRU 8:13

Da kaba ong ka jutang bathymmai, U Blei u la pynlong rim ïa kata kaba nyngkong; bad kano kano kaba kylla rim bad nang tymmen kan sa jah noh shen.