HEBRU 7:2 - Khasi CL Bible (BSI)

² bad u Abraham u la ai ïa u kawei-na-kaba-shiphew na baroh kaba u la lum, (ka jingmut kaba nyngkong jong ka kyrteng u Melkhisedek ka long “U syiem jong ka hok;” bad namar ba u la long u syiem jong ka Salem, ka kyrteng jong u ruh ka mut “U syiem jong ka Jingsuk.”)

KA BAIBL

² ha uba u Abraham ruh u la ai ïa kaba shiphew na kiei kiei baroh (uba long nyngkong, haba la batai, “U Syiem ka hok”, bad hadien kata, U Syiem ka Salem, kaba long, “U Syiem ka jingsuk”;

HEBRU 7:2 ပူးပေါင်းရင်းမြစ်များ

JENESIS 28:22

Une u maw buh jingkynmaw ïa uba nga la thung un long ka jaka ha kaba ïa me yn mane, bad ngan ai sha me ïa kaba shiphew na kiei kiei baroh kiba me ai ïa nga.”

2 SAMUEL 23:3

U Blei ki Israel u la kren; u nongïada jong ki Israel u ong ha nga: “U syiem uba synshar da ka jinglehhok, uba synshar da kaba kohnguh ïa U Blei,

2 SAMUEL 8:15

U Dabid u la synshar halor ka ri Israel baroh, bad u da pynthikna ba ki briew jong u kin ïohmad ïa ka jinglehhok bad ka jingbymshah shiliang.

1 KHRONIKL 22:9

La katta ruh, u la pynlong ka jingkular bad nga. U ong, ‘Phin sa don u khun jong u ban synshar ha ka jingsuk, namar ba ngan ai ha u ka jingsuk na ki nongshun jong u baroh. Ka kyrteng jong u kan long u Solomon, namar ha ka jingsynshar jong u ngan ai ha ki Israel ka jingsuk bad ka jingshongshngain.

SALM 72:7

Ai ba ka hok kan roi ha ka rta jong u, bad ai ba ka jingroi kyrhai kan neh katba u bnai u ai jingshai.

LEBITIKOS 27:32

Uwei na man la ki shiphew tylli ki mrad ba ri u long u jong U Trai. Haba la ñiew ïa ki mrad, man la uba shiphew, uwei u long u jong U Trai.

MIKAH 5:5

Haba ki Assyria ki hiarthma ïa ka ri jong ngi bad tur lyngba ki jingïada jong ngi, ngin phah ïa ki nongïalam bakhlaiñ tam ban ïaleh ïa ki.

JINGKHEIÑ 18:21

U Trai u ong, “Nga la ai ha ki Lebi ïa ka bynta kaba shiphew baroh ba ki Israel ki wanrah sha nga. Kane ka long ka jingsiew ïa ka jingshakri jong ki ha kaba sumar ïa ka Ïingjaiñ ka Jingdon Ryngkat jong nga.

MATHAÏOS 1:23

“Ka Theisotti kan punkhun bad kan kha ïa u khun, bad yn khot kyrteng ïa u, U Immanuel” (kaba mut “U Blei u long lem bad ngi”).

LOUKAS 2:14

“Ka burom ïa U Blei ha ki bneng kiba hajrong tam, bad ka jingsuk ha ka pyrthei ha kito kiba u sngewbha!”

HEBRU 7:1

Une u Melkhisedek u la long u syiem jong ka Salem bad u lyngdoh jong U Blei Bahakhlieh Tam Eh. Katba u Abraham u dang wan phai na ka thma ha kaba u la jop ïa ki saw ngut ki syiem, u Melkhisedek u la ïakynduh ïa u bad u la kyrkhu ïa u,

HEBRU 7:3

Ym shym la don jingthoh shaphang u kpa lane ka kmie lane jong kino kino ki kpa tymmen jong u Melkhisedek; ym shym la don jingthoh shaphang ka jingkha lane ka jingïap jong u. U syriem ïa U Khun U Blei, u ïaisah u lyngdoh junom.

1 SAMUEL 8:15

Un shim ïa kaba shiphew na u kew bad na u sohwaiñ jong phi na ka bynta ki rangbah synshar Aiñ bad kiwei ki rangbah synshar.

1 SAMUEL 8:17

Un shim ïa kaba shiphew na ki kynhun langbrot jong phi, bad phi phin long ki mraw jong u.