HEBRU 7:11 - Khasi CL Bible (BSI)

¹¹ Dei ha ka nongrim jong ka jinglong lyngdoh ki Lebi ba la ai ïa ka Hukum ha ki paid Israel. Mynta, lada ka kam lyngdoh jong ki Lebi ka la long kaba janai, yn ym donkam shuh ïa uwei pat u lyngdoh ban mih, uwei uba na ka jinglong lyngdoh u Melkhisedek, ym jong u Aaron.

KA BAIBL

¹¹ Te lada don ka jingjanai da kata ka jinglong lyngdoh ki Lebi (namar ha ka, uta u paidlang u la ïoh ïa ka hukum), dang donkam aïu ba uwei pat u lyngdoh un mih ha kata ka rukom u Melkhisedek, bad ban ym kheiñ ïa u ha kata ka rukom u Aaron?

HEBRU 7:11 ပူးပေါင်းရင်းမြစ်များ

GALATIA 2:21

Ngam treh ban kyntait ïa ka jingaiei U Blei. Hynrei lada la pynksan ïa u briew ha U Blei da ka Hukum, ka mut ba U Khrist u la ïap lehnoh-ei!

GALATIA 4:3

Ha kajuh ka rukom, ngi ruh ngi la ju long ki mraw ha kiwei pat ki bor mynsiem kiba synshar ïa ka pyrthei shuwa ba ngin poi ka jinglong rangbah ba kynja mynsiem.

GALATIA 4:9

Hynrei mynta ba phi la ithuh ïa U Blei — lane, nga dei ban ong, mynta ba U Blei u la ithuh ïa phi — kumno ka long kata ba phi dang kwah ban phai pat sha kita ki bor mynsiem kiba tlot bad kiba isangsot? Balei phi kwah ban long mraw pat sa shisien ha ki?

HEBRU 5:10

bad U Blei u la pynbna ba u long U Rangbah Lyngdoh ha ka rukom long lyngdoh jong u Melkhisedek.

HEBRU 5:6

U la ong ruh ha kawei pat ka jaka, “Men long u lyngdoh junom, ha ka rukom long lyngdoh jong u Melkhisedek.”

HEBRU 6:20

Na ka bynta jong ngi U Jisu u la rung hapoh hangta shuwa jong ngi, bad u la jia long U Rangbah Lyngdoh junom, ha ka rukom long lyngdoh u Melkhisedek.

HEBRU 7:10

Haba ïa u Lebi ym pat shym la kha, hynrei u la long, kum ban shu ong, ha ka met u kpa tymmen jong u, u Abraham haba u Melkhisedek u la ïakynduh ïa u.

HEBRU 7:12

Namar haba ka jinglong lyngdoh ka la kylla, ka dei ban don ruh ka jingkylla ha ka hukum.

HEBRU 7:13

Bad U Trai jong ngi, ïa uba kine kiei kiei ki kren, u wan na kawei pat ka jait, bad ym don uno uno u dkhot na ka jait jong u, uba la shakri kum u lyngdoh.

HEBRU 7:15

Kane ka bynta ka la kham shai shuh shuh, ba uwei pat u lyngdoh uba pher u la paw, uba syriem ïa u Melkhisedek.

HEBRU 7:21

Hynrei U Jisu u la long u lyngdoh da ka jingsmai haba U Blei u la ong ha u, “U Trai u la pynlong ka jingsmai bakyntang bad un ym kylla shuh: ‘Me, me long u lyngdoh junom.’ ”

HEBRU 8:7

Lada kam shym la don kano kano kaba duna bad ka jutang kaba nyngkong, yn ym donkam ïa kaba ar.

HEBRU 9:6

Kane ka long kumno la buh ryntih ïa kita kiei kiei. Ki lyngdoh ki rung shapoh ka bynta kaba ha khmat jong ka Ïingjaiñ man ka sngi ban pyndep ïa ki kamram jong ki,