HEBRU 7:1 - Khasi CL Bible (BSI)

¹ Une u Melkhisedek u la long u syiem jong ka Salem bad u lyngdoh jong U Blei Bahakhlieh Tam Eh. Katba u Abraham u dang wan phai na ka thma ha kaba u la jop ïa ki saw ngut ki syiem, u Melkhisedek u la ïakynduh ïa u bad u la kyrkhu ïa u,

KA BAIBL

¹ Namar une u Melkhisedek, u syiem ka Salem, u lyngdoh jong U Blei U Bahakhlieh Tam Eh, uba la ïashem bad u Abraham haba u dang wan phai na kata kaba pom ïa kita ki syiem, bad uba la kyrkhu ïa u;

HEBRU 7:1 ပူးပေါင်းရင်းမြစ်များ

SALM 57:2

Nga khot kyrpad ïa U Blei, U Bahakhlieh Tam Eh, sha U Blei, uba pyndap ïa ki jingdonkam jong nga baroh.

SALM 76:2

U don ka ïing jong u ha Jerusalem; u shong ha u lum Seïon.

SALM 78:35

Ki la kynmaw ba U Blei u long u nongïada jong ki, ba U Badonbor Baroh u la wan ïarap ïa ki.

SALM 78:56

Hynrei ki la ïeng ïaleh pyrshah ïa U Blei Badonbor Baroh bad ki la tynjuh ïa u. Kim shym la kohnguh ïa ki hukum jong u,

DANIEL 4:2

To shahshkor ïa ka jingïathuh jong nga ïa ki jingphylla bad ki kambah kiba U Blei Bahakhlieh Tam Eh u la pyn-i ha nga.

DANIEL 5:18

“U Blei Bahakhlieh Tam Eh u la pynlong ïa u Nebukhadnessar, u kpa jong me, u syiem uba khraw bad ai ha u ka burom bad ka jinglong syiem.

DANIEL 5:21

La beh noh ïa u na ka imlang ka sahlang u bynriew, bad ka jingmut jingpyrkhat jong u ka la long kum u mrad. U la shong la sah bad ki kada khlaw, u la bam phlang kum u masi dab bad u la thiah ha ka jaka bym don jingkah khlem kano kano ka ban ïada ïa u na ka umjer. Ha kaba khatduh u la pdiang ba U Blei Bahakhlieh Tam Eh u synshar ïa baroh ki hima ki briew bad u lah ban ai ïa ki ha uno uno uba u jied.

MIKAH 6:6

Da-ei ngan wallam sha U Trai, U Blei ka bneng, haba nga wan ban mane ïa u? Hato ngan wallam sha u da ki khun masi bakynsai tam kum ki jingainguh thang?

MARKOS 5:7

“Ko Jisu, U Khun jong U Blei Bahakhlieh Tam Eh! Me kwah aïu bad nga? Nga kyrpad ïa me ban ym pynshitom ïa nga!”

KI KAM 16:17

Ka la bud ïa u Paul bad ïa ngi, ka da pyrta, “Kine ki briew ki long ki shakri U Blei Bahakhlieh Tam Eh! Ki pynbna ha phi kumno ba yn pynim ïa phi!”

HEBRU 6:20

Na ka bynta jong ngi U Jisu u la rung hapoh hangta shuwa jong ngi, bad u la jia long U Rangbah Lyngdoh junom, ha ka rukom long lyngdoh u Melkhisedek.

HEBRU 7:2

bad u Abraham u la ai ïa u kawei-na-kaba-shiphew na baroh kaba u la lum, (ka jingmut kaba nyngkong jong ka kyrteng u Melkhisedek ka long “U syiem jong ka hok;” bad namar ba u la long u syiem jong ka Salem, ka kyrteng jong u ruh ka mut “U syiem jong ka Jingsuk.”)

HEBRU 7:3

Ym shym la don jingthoh shaphang u kpa lane ka kmie lane jong kino kino ki kpa tymmen jong u Melkhisedek; ym shym la don jingthoh shaphang ka jingkha lane ka jingïap jong u. U syriem ïa U Khun U Blei, u ïaisah u lyngdoh junom.

HEBRU 7:6

U Melkhisedek um shym la hiarpateng na u Lebi, hynrei u la lum ïa kawei-na-kaba-shiphew na u Abraham bad u la kyrkhu ïa u, u briew uba la ïohpdiang ïa ki jingkular jong U Blei.