HEBRU 6:9 - Khasi CL Bible (BSI)

⁹ Hynrei wat lada ngi kren kumne, ko paralok ba-ieit, ngi sngewskhem shaphang jong phi. Ngi tip ba phi ïoh ïa ki jingkyrkhu kiba kham bha kiba ïadei bad ka jingpynim jong phi.

KA BAIBL

⁹ Hynrei, shaphang jong phi, ko ba-ieit, la pynngeit ïa ngi ïa kiei kiei kiba kham bha, bad kiba dei ïa ka jingpynim, la ngi kren kumta ruh;

HEBRU 6:9 ပူးပေါင်းရင်းမြစ်များ

ISAÏAH 57:15

“Nga long U Blei uba khraw bad uba khuid, uba im shi junom. Nga shong ha ki jaka kiba jrong bad kiba khuid, bad nga im ruh bad ki briew kiba sngewrit bad kylla-kaba-mut, kumta ba ngan pynïoh biang ïa ka jingsngewskhem bad ka jingkyrmen jong ki.

MARKOS 16:16

Ïa uno uno uba ngeit bad uba shah pynbaptis, yn pynim; ïa uno uno u bymngeit, yn pynrem.

KI KAM 11:18

Haba ki la ïohsngew ïa kane, ki la sangeh ïa ka jingwoh nia jong ki bad ki la ïaroh ïa U Blei, da kaba ong, “Te U Blei u la ai ruh ha ki Jentil ïa la lad ban kylla-kaba-mut bad ban lait im!”

KI KAM 20:21

Ha ki Jiw bad ki Jentil kumjuh nga la ai ka jingmaham da ka jingsngewkhia ba ki dei ban phai sha U Blei na ki pop jong ki bad ban ngeit ha U Jisu uba U Trai jong ngi.

1 KORINTH 10:14

Kumta te, ko ki paralok ba-ieit jong nga, to kiar noh na kaba mane ïa ki bleithaw.

2 KORINTH 12:19

Lehse phi pyrkhat ba baroh shi katta ngi la pyrshang ban ïasaid da ïa lade ha khmat jong phi. Em! Ngi kren kumba U Khrist un jin da la kwah ïa ngi ban kren ha ka jingdon ryngkat U Blei, bad baroh kaba ngi leh, ko paralok ba-ieit, la leh ban ïarap ïa phi.

2 KORINTH 7:1

Ïa kine ki jingkular baroh la pynlong na ka bynta jong ngi, ko ki paralok ba-ieit jong nga. Te namarkata, to ngin pynkhuid ïa lade na kaei kaei baroh kaba pyntngit ïa ka met bad mynsiem, bad to ai ba ngin im ka jingim kaba khuid da kaba im ha ka jingtiengburom ïa U Blei.

2 KORINTH 7:10

Naba ka jingsngewsih ïa kaba la pyndonkam da U Blei ka wanrah ïa ka jingkylla ha ka dohnud kaba ïalam sha ka jingpynim — bad kam don ka jingbabe ha kata! Hynrei ka jingsngewsih ba kynja briew ka ïalam sha ka jingïap.

GALATIA 5:6

Naba haba ngi long ha U Khrist Jisu, ka jingotsher lane ka jingbymdon jong ka kam don satia kano kano ka jingïapher; kaei kaba kongsan ka long ka jingngeit kaba trei da ka jingieit.

HEBRU 10:34

Phi shahshitom lem bad ki koidi, bad haba ki jingdon jingem jong phi baroh ki la shah kurup, phi la shah ïa la ka jingduh da kaba kmen, namar phi la tip ba phi la ïoh kam kynti shibun kiei kiei kiba kham bha, kiba neh junom.

HEBRU 10:39

Ngim long ki briew kiba phai dien bad kiba jot noh. Pynban, ngi don ka jingngeit bad la pynim ïa ngi.

HEBRU 2:3

Da kumno te ngin lait, lada ngi leh bymsuidñiew ïa ka jingpynim kaba khraw katta katta? U Trai hi u la pynbna nyngkong ïa kane ka jingpynim, bad kita kiba la ïohsngew ïa u ki pynshisha ha ngi ba ka long kaba shisha.

HEBRU 5:9

Haba la pynlong janai ïa u, u la jia long ka tynrai jong ka jingim bymjukut na ka bynta kito baroh kiba kohnguh ïa u,

HEBRU 6:10

U Blei um dei uba bishar bymhok. Un ym klet ïa ka kam kaba phi la leh lane ïa ka jingieit kaba phi la pynpaw na ka bynta jong u da ka jingïarap kaba phi la ai bad dang ïai ïarap ïa ki parabangeit.

1 PETROS 2:11

Nga kyrpad ïa phi, ko ki paralok jong nga, kum ki sohshnong bad ki nongphetwir ha kane ka pyrthei! Wat aiti noh ha ki jingkwah brai jong ka doh, kiba long borabor ha ka jingïaleh thma pyrshah ïa ka mynsiem.

2 PETROS 3:1

Ko ki paralok ba-ieit jong nga, kane mynta ka long ka shithi kaba ar ba nga thoh sha phi. Ha baroh ar tylli ki shithi nga la pyrshang ban pynkhih ïa ki jingpyrkhat bakhuid ha ki jingmut jong phi da kaba pynkynmaw ïa phi ïa kine kiei kiei.

1 ÏOANNIS 2:7

Ko ki paralok ba-ieit jong nga, kane ka hukum kaba nga thoh sha phi kam long kaba thymmai; ka long ka hukum kaba rim, kata kaba phi la ïoh naduh kaba mynnyngkong eh. Ka hukum barim ka long ka khubor kaba phi la lah ïohsngew.

JUDAH 1:3

Ko ki paralok ba-ieit jong nga, nga la leh ïa kaba bha tam ban thoh sha phi shaphang ka jingpynim kaba ngi ïoh lang, haba nga la shem ïa ka jingdonkam ban thoh shisyndon ban pynshlur ïa phi, ban ïaleh na ka bynta ka jingngeit kaba U Blei u la ai shisien ai ha ki briew jong u.