HEBRU 6:4 - Khasi CL Bible (BSI)

⁴ Naba da kumno lah ban ïalam pat ïa kito kiba la iehnoh ïa la ka jingngeit ba kin kylla-kaba-mut biang? Ki la don shisien ha ka jingshai U Blei; ki la ïohmad ïa ka jingai ba kynja bneng, bad ïohpdiang ïa la ka bynta na U Mynsiem Bakhuid;

KA BAIBL

⁴ Namar shaphang kita ïa kiba la pynshai shi sien bad ba la ïoh mad ïa ka jingai kaba kynja bneng, bad ba la pynlong ki nongïoh bynta na U Mynsiem Bakhuid,

HEBRU 6:4 ပူးပေါင်းရင်းမြစ်များ

LEBITIKOS 13:55

Hadien kata un khmih bha ïa ka, bad lada kata ka jingbthuh kam kylla rong, wat la kam pur, ka dang long hi ka bymkhuid; dei ban thang noh ïa ka, kam pher la kata ka jingbthuh ka long na shapoh ne shalor.

LEBITIKOS 14:43

“Lada ka jingbthuh ka paw biang ha kata ka ïing hadien ba la weng noh ïa kita ki maw bad hadien ba la khrud bad la ñiad astor thymmai ruh ïa ka, u lyngdoh un leit khmih bha ïa ka.

JINGKHEIÑ 24:3

bad u la kren ïa kane ka jingïathuhlypa: “Ka khubor u Balaam u khun jong u Beor, Ki ktien jong u briew uba lah ban ïohi shai,

MATHAÏOS 12:45

Nangta u mihnoh bad u wan ïalam sa hynñiew ngut kiwei pat ki mynsiem wat kiba kham sniew ban ïa u, bad ki wan shongsah hangta. Kumta haba baroh ka la kut, uta u briew un don ha ka jinglong kaba kham sniew ban ïa kaba u la long ha kaba sdang. Kane ka long kaei ka ban jia ha ki briew kiba sniew jong kane ka por.”

MATHAÏOS 5:13

“Phi, phi long kum ka mluh ïa u paid bynriew baroh. Hynrei lada ka mluh ka la blad noh, ym don kano kano ka lad ban pynbha pat ïa ka. Ka la kylla long ka bymdondor, kumta la bret noh ïa ka sharud bad ki briew ki ïuh halor jong ka.

ÏOANNIS 15:6

Ïa uno uno u bymïaineh ha nga yn bret noh ïa u kum ka tnat bad u ïap tyrkhong; kum ïa kita ki tnat, la lumlang bad la bret noh ha ka ding, ha kaba la thang ïa ki.

ÏOANNIS 3:27

U Ïoannis u la jubab, “Ym don uno uno uba lah ban ïohpdiang ei ei lymda U Blei u ai ïa ka ha u.

ÏOANNIS 4:10

U Jisu u la jubab, “Lada pha tang shu la tip ïa kaei kaba U Blei u ai bad uei uta uba pan umdih na pha, phan jin da la pan na u, bad u un jin da la ai ha pha ïa ka um kaba ai jingim.”

ÏOANNIS 6:32

“Nga ong ha phi ïa ka jingshisha,” U Jisu u la ong, “kaei kaba u Moses u la ai ha phi kam dei u kpu na bneng; dei U Kpa jong nga uba ai ha phi ïa u kpu bashisha na bneng.

KI KAM 10:45

Ki Jiw kiba la ngeit kiba la wan na Joppa lem bad u Petros ki la sngewlyngngoh ba U Blei u la theh ïa ka jingai ïa U Mynsiem Bakhuid ha ki Jentil ruh.

KI KAM 11:17

Ka long kaba shai ba U Blei u la ai ïa kito ki Jentil ïa kajuh ka jingai kaba u la ai ha ngi myn haba ngi la ngeit ha U Jisu Khrist uba U Trai; nga long uei, te, ban pyrshang ban pynsangeh ïa U Blei!”

KI KAM 15:8

Bad U Blei, uba tip ïa ki jingpyrkhat jong uwei pa uwei, u la pyn-i ïa ka jingmynjur ïa ki Jentil da kaba ai ïa U Mynsiem Bakhuid ha ki, kumba u la leh ha ngi.

KI KAM 8:20

Hynrei u Petros u la jubab ïa u, “Ai ba ïa me bad ka pisa jong me yn bret sha ka dujok, naba me pyrkhat ba me lah ban thied ïa ka jingai jong U Blei da ka pisa!

Ka Shithi U Paul Sha Ki Nong Rom 1:11

Naba nga kwah haduh katta katta ban ïohi ïa phi, khnang ban ïasam ïa ka jingkyrkhu ba kynja mynsiem bad phi bad ban pynkhlaiñ ïa phi.

2 KORINTH 4:4

Kim shym la ngeit, namar ba ïa ki jingmut jong ki la kah dum da u blei basniew jong kane ka pyrthei. U khang ïa ki ba kin ïohi ïa ka jingshai kaba tyngshaiñ ha ki, ka jingshai kaba mihnoh na kata ka Khubor Babha shaphang ka burom jong U Khrist, uba long ka dur jong U Blei.

2 KORINTH 4:6

U Blei uba la ong, “Na ka jingdum ka jingshai kan tyngshaiñ!” u long ujuh U Blei uba la pynlong ïa ka jingshai jong u ban tyngshaiñ ha ki dohnud jong ngi, ban wanrah ha ngi ïa ka jingtip shaphang ka burom U Blei kaba tyngshaiñ ha U Khrist.

GALATIA 3:2

Ïathuh ha nga ïa kane kawei: Hato phi pdiang ïa U Mynsiem U Blei da kaba leh ïa kaei ba ka Hukum ka dawa ne da kaba ïohsngew ïa ka Gospel bad ngeit ïa ka?

GALATIA 3:5

Hato U Blei u ai ïa U Mynsiem bad leh ïa ki kambah hapdeng jong phi namar ba phi leh ïa kaei kaba ka Hukum ka dawa ne namar ba phi ïohsngew ïa ka Gospel bad ngeit ïa ka?

EPHESOS 1:18

Nga duwai ba yn plie ïa ki jingmut jong phi khnang ba phin ïohi ïa ka jingshai jong u, ba phin tip kaei kata ka jingkyrmen ïa kaba u la khot ïa phi, katno ki jingkynrei spah ki long kita ki jingkyrkhu baphylla kiba U Blei u la kular ïa la ki briew,

EPHESOS 2:8

Namar dei da ka jingaiei U Blei ba ïa phi la pynim da ka jingngeit. Kam dei na ka jingmih na ki kam jong phi hi, hynrei ka long ka jingai U Blei, khnang ba uno uno un ym lah ban kren sarong shaphang kata.

EPHESOS 3:7

Ïa nga keiñ la pynlong u shakri jong kata ka gospel da ka jingai bakyrpang U Blei, kaba u la ai ha nga lyngba ka jingtrei ka bor jong u.

EPHESOS 4:7

Uwei pa uwei na ngi, u la ïohpdiang ïa ka jingai bakyrpang kat kum ka jingthew ïa kaei kaba U Khrist u la ai.

1 TIMOTHI 4:14

Wat leh bymsuidñiew ïa ka jingai ba kynja mynsiem kaba don ha me, ïa kaba la ai ha me mynba ki nongïathuhlypa ki la kren bad ki nongsharai balang ki la buh ïa la ki kti halor jong me.

2 TIMOTHI 2:25

Me dei ban long uba lehsbun ïa baroh, u nonghikai uba bha bad ba-ïaishah, uba jemnud ha kaba pynbeit ïa ki nongïaleh pyrshah jong me, naba ka lah ban long ba U Blei un ai ha ki ïa ka lad ba kin kylla-kaba-mut bad wan sha ka jingtip ïa ka jingshisha.

2 TIMOTHI 4:14

U Aleksandar, u kamar-tama u la pyndik eh ïa nga; U Trai un sa ainong ïa u kat kum ki kam jong u.

HEBRU 10:32

To kynmaw kumno ka la long bad phi ha ka por mynshuwa. Ha kito ki sngi, hadien ba ka jingshai U Blei ka la tyngshaiñ ha phi, phi la shahshitom shibun kiei kiei, pynban phim shym la shahjop ha kata ka jingïaleh.

HEBRU 2:4

Ha kajuh ka por, U Blei ruh u la ai shuh ïa la ki sakhi ha ki, da kaba leh bun ki kambah bad ki kamphylla bad da kaba ïasam ïa ki jingai U Mynsiem Bakhuid kat kum ka mon jong u.

1 ÏOANNIS 5:16

Lada phi ïohi ïa la u parabriew ba u leh ïa ka pop ka bym ïalam sha ka jingïap, phi dei ban duwai ha U Blei, u ban ai ha u ïa ka jingim. Kane ka ïadei ïa kito kiba ki pop jong ki, kim ïalam sha ka jingïap. Hynrei ka don ka pop kaba ïalam sha ka jingïap, bad ngam ong ba phi dei ban duwai sha U Blei shaphang kata.