HEBRU 6:1 - Khasi CL Bible (BSI)

¹ Te, to ngin ïaid shaphrang, sha ka jinghikai ïa kiba ïadei bad kiba la san bad ieh shadien jong ngi ïa ki jinghikai banyngkong ka khubor jong ka jingngeit. Ngim dei ban neh sah ha ka nongrim jong ka jingphai noh na ki kam bymseisoh bad ka jingngeit ha U Blei;

KA BAIBL

¹ Naba kumta, da kaba iehnoh ban kren shaphang ki jinghikai ki banyngkong shaphang U Khrist, ïa, ngin ïa nang ïaid shaduh ka jingpynjanai; khlem buh pat ka nongrim ka jingkylla-ka-bamut na ki jingleh baïap, bad ka jingngeit sha U Blei,

HEBRU 6:1 ပူးပေါင်းရင်းမြစ်များ

PROBERB 4:18

Ka lynti kaba kiba hok ki ïaid ka long kum ka jingmih ka sngi; ka nang phyrnai nang phyrnai haduh ba kan da shai bha kum mynsngi.

SEKHARAÏAH 12:10

“Ngan pyndap ïa ki khun ki ksiew jong u Dabid bad ïa kiwei pat ki briew jong ka Jerusalem da ka mynsiem ka jingisynei bad ka mynsiem ka jingduwai. Kin ïakhmih ha uta ïa uba ki la dung pynïap, bad kin ïambriew na ka bynta jong u kum kito kiba ïambriew na ka bynta i khun marwei. Kin ïambriew kthang eh, kum kito kiba la duh noh ïa u khun nyngkong jong ki.

MATHAÏOS 21:29

‘Ngam sngewkwah,’ u la jubab, hynrei hadien, u la kylla ka jingmut bad u la leit.

MATHAÏOS 21:32

Naba u Ïoannis u Nongpynbaptis u la wan ha phi da kaba pyn-i ha phi ïa ka lynti ïaid kaba dei, bad phim shym la ngeit ïa u; hynrei ki nonglum khajna bad ki nuti ki la ngeit ïa u. Wat haba phi la ïohi ïa kane, phim shym la kylla ïa la ki jingmut hadien bad ngeit ïa u.

MATHAÏOS 3:2

“To phai noh na ki pop jong phi,” u la ong, “naba ka Hima ki bneng ka la jan!”

MATHAÏOS 4:17

Naduh kata ka por U Jisu u la sdang ban ïalap ïa ka khubor jong u: “To phai noh na ki pop jong phi, namar ka hima ki bneng ka la jan!”

MATHAÏOS 5:48

Phi dei ban long kiba janai — kumba U Kpa jong phi uba ha bneng u long uba janai!

MATHAÏOS 7:25

U slap u la hap, ki wah ki la shlei, bad ka lyer ka la beh jur pyrshah ïa kata ka ïing. Hynrei kam shym la khyllem, namar la tei ïa ka halor u mawsiang.

MARKOS 1:1

Kane ka dei ka Khubor Babha shaphang U Jisu Khrist, U Khun U Blei.

MARKOS 6:12

Kumta ki la leit bad ïalap ba ki briew kin phai noh na ki pop jong ki.

LOUKAS 6:48

U long kum u briew uba, ha kaba tei ïa la ka ïing, u la tih jylliew bad u la pynshong nongrim halor u mawsiang. Ka wah ka la shlei bad ka la lynshop ïa kata ka ïing hynrei kam lah ban pynkhih ïa ka, namar la shna bha ïa ka.

ÏOANNIS 12:44

U Jisu u la ong ha ka sur kaba jam, “Uno uno uba ngeit ha nga u ngeit ym tang ha nga hynrei ruh ha uta uba la phah ïa nga.

ÏOANNIS 14:1

“Wat sngewkhuslai bad sngewdiaw,” U Jisu u la ong ha ki. “To ngeit ha U Blei bad to ngeit ha nga ruh.

ÏOANNIS 5:24

“Nga ong ha phi ïa ka jingshisha: Uno uno uba ïohsngew ïa ki ktien jong nga bad uba ngeit ha uta uba la phah ïa nga u don ka jingim bymjukut. Yn ym bishar ïa u, hynrei u la lait shiliang na ka jingïap sha ka jingim.

KI KAM 11:18

Haba ki la ïohsngew ïa kane, ki la sangeh ïa ka jingwoh nia jong ki bad ki la ïaroh ïa U Blei, da kaba ong, “Te U Blei u la ai ruh ha ki Jentil ïa la lad ban kylla-kaba-mut bad ban lait im!”

KI KAM 17:30

U Blei u la peit lyndet ïa ki por haba ki briew kim shym la ithuh ïa u, hynrei mynta u hukum ïa ki baroh kylleng sawdong ban phai noh ïa ki lynti bymman jong ki.

KI KAM 2:38

U Petros u la ong ha ki, “Uwei pa uwei na phi u dei ban phai noh na ki pop jong u bad ba yn pynbaptis ha ka kyrteng jong U Jisu Khrist, khnang ba yn map ïa ki pop jong phi, bad phin ïohpdiang ïa U Mynsiem Bakhuid uba long ka jingai jong U Blei.

KI KAM 20:21

Ha ki Jiw bad ki Jentil kumjuh nga la ai ka jingmaham da ka jingsngewkhia ba ki dei ban phai sha U Blei na ki pop jong ki bad ban ngeit ha U Jisu uba U Trai jong ngi.

KI KAM 26:20

Nyngkong ha Damaskos bad ha Jerusalem bad nangta ha ka Judia baroh bad hapdeng ki Jentil, nga la ïalap ba ki dei ban kylla-kaba-mut na ki pop jong ki bad ban phai sha U Blei bad leh ïa kiei kiei ki ban pynpaw ba ki la kylla-kaba-mut.

KI KAM 3:19

Te, to kylla-kaba-mut, bad to phai sha U Blei, khnang ba un map ïa ki pop jong phi.

1 KORINTH 13:10

hynrei haba kata kaba janai kan wan, te kata kaba tang katto katne kan jah noh.

1 KORINTH 2:6

La katta ruh, nga pynbna ïa ka khubor jong ka jingstad sha kito kiba la san ha ka jinglong mynsiem. Hynrei, kam long ka jingstad jong kane ka pyrthei lane jong ki bor kiba synshar ïa kane ka pyrthei — ki bor ki ban sa duh noh ïa ka bor jong ki.

2 KORINTH 7:1

Ïa kine ki jingkular baroh la pynlong na ka bynta jong ngi, ko ki paralok ba-ieit jong nga. Te namarkata, to ngin pynkhuid ïa lade na kaei kaei baroh kaba pyntngit ïa ka met bad mynsiem, bad to ai ba ngin im ka jingim kaba khuid da kaba im ha ka jingtiengburom ïa U Blei.

2 KORINTH 7:10

Naba ka jingsngewsih ïa kaba la pyndonkam da U Blei ka wanrah ïa ka jingkylla ha ka dohnud kaba ïalam sha ka jingpynim — bad kam don ka jingbabe ha kata! Hynrei ka jingsngewsih ba kynja briew ka ïalam sha ka jingïap.

EPHESOS 2:1

Mynshuwa phi la long kiba ïap ha ka jinglong mynsiem namar ka jingbymkohnguh bad ki pop jong phi.

EPHESOS 2:5

ba haba ngi la long kiba ïap ha ka jinglong ba kynja mynsiem ha ka jingbymkohnguh jong ngi u la wallam ïa ngi sha ka jingim lem bad U Khrist. Ka dei da ka jingaiei U Blei ba la pynim ïa phi.

EPHESOS 4:12

U la leh ïa kane ban pynkhreh ïa ki briew jong U Blei baroh na ka bynta ka kam jong ka jingshakri ba kynja mynsiem, khnang ban tei ïa ka met U Khrist.

KOLOSSAI 1:28

Kumta ngi ïalap ïa U Khrist ha uwei pa uwei. Da ka jingstad baroh katba lah ngi maham bad hikai ïa ki khnang ban pynïeng ïa uwei pa uwei ha khmat U Blei kum u briew uba la san pura ha U Khrist.

KOLOSSAI 3:14

Bad nalor kine ki jinglong baroh, to bynrap ïa ka jingieit, kaba tehsong lang ïa kiei kiei baroh lang ha ka jingïatylli kaba janai.

KOLOSSAI 4:12

Ki jingai khublei na u Epaphras, uwei pat u dkhot jong ka kynhun jong phi bad u shakri jong U Khrist Jisu. U ïai duwai shitrhem borabor na ka bynta jong phi, da kaba kyrpad ïa U Blei ban pynlong ïa phi kiba ïeng skhem, kum kiba la san rangbah bha bad kiba skhem pura, ha ka jingkohnguh pura ïa ka mon U Blei.

1 TIMOTHI 3:16

Ym don ba lah ban kyntait katno kaba khraw ka long ka jingmaïan jong ka jingngeit jong ngi: U la wanpaw ha ka dur ka jinglongbriew, la pyn-i ba u long uba shisha da U Mynsiem, bad la ïohi ïa u da ki angel. La ïalap ïa u hapdeng ki jaitbynriew, la ngeit ïa u ha kylleng ka pyrthei, bad la shim noh ïa u sha bneng.

1 TIMOTHI 6:19

Ha kane ka rukom kin kynshew ïa lade ka spah ka ban long ka nongrim kaba skhem na ka bynta ka lawei. Bad nangta kin lah ban jop ïa ka jingim kaba long ka jingim kaba shisha.

2 TIMOTHI 2:19

Hynrei ïa ka nongrim baskhem kaba U Blei u la buh ym lah ban pynkhih; bad halor jong ka la thoh ïa kine ki ktien: “U Trai u ithuh ïa kito kiba dei ki jong u” bad “Baroh kiba ong ba ki dei ki jong U Trai ki dei ban phai noh na kaba leh bymdei.”

HEBRU 11:6

Ym don uno uno uba lah ban pynsngewbha ïa U Blei khlem ka jingngeit, naba uta uba wan sha U Blei u dei ban don ka jingngeit ba U Blei u don, bad ba u ainong ïa kita kiba wad ïa u.

HEBRU 12:13

Da ïaid ha ki lynti kiba beit, khnang ba ïa kata ka kjat kaba dkoh yn ym pynduhbor noh, hynrei pynban, yn pynkoit keiñ ïa ka.

HEBRU 7:11

Dei ha ka nongrim jong ka jinglong lyngdoh ki Lebi ba la ai ïa ka Hukum ha ki paid Israel. Mynta, lada ka kam lyngdoh jong ki Lebi ka la long kaba janai, yn ym donkam shuh ïa uwei pat u lyngdoh ban mih, uwei uba na ka jinglong lyngdoh u Melkhisedek, ym jong u Aaron.

HEBRU 9:14

Namar ba kane ka long kaba shisha, kaba katno tam lah ban pyndep da ka snam U Khrist! Lyngba U Mynsiem bymjukut u la aiti ïa lade kum ka jingkñia kaba janai ha U Blei. Ka snam jong u kan pynkhuid ïa ka jingïatiplem jong ngi na ki niam ki rukom ki bymmyntoi, khnang ba ngi lah ban shakri ïa U Blei uba im.

JAKOB 1:4

Pynthikna ba ka jingïaishah jong phi ka rah ïa phi artet ka lynti khlem da hap noh, khnang ba phin long kiba janai bad kiba dap pura, khlem jingduna ei ei.

1 PETROS 1:21

Da u, phi ngeit ha U Blei, uba la pynmihpat ïa u na ka jingïap bad la ai ha u ïa ka burom; bad kumta ïa ka jingngeit bad ka jingkyrmen jong phi la pynskhem ha U Blei.

1 PETROS 5:10

Hynrei hadien ba phi la shahshitom tang khyndiat por, U Blei jong ka jingaiei baroh, uba la khot ïa phi ban ïoh bynta na ka burom bymjukut jong u ha U Khrist, ma u hi keiñ un pynjanai ïa phi bad un ai ha phi ïa ka jingsngewskhem, ka jingkhlaiñ, bad ka nongrim kaba skhem shisha.

1 ÏOANNIS 4:12

Ym don uno uno uba la ïohi ïa U Blei mynno mynno ruh, hynrei, lada ngi ïa-ieit iwei ïa iwei pat, U Blei u im hapoh jong ngi, bad ïa ka jingieit jong u la pynjanai noh ha ngi.