HEBRU 5:9 - Khasi CL Bible (BSI)

⁹ Haba la pynlong janai ïa u, u la jia long ka tynrai jong ka jingim bymjukut na ka bynta kito baroh kiba kohnguh ïa u,

KA BAIBL

⁹ bad haba la pynbit janai ïa u, u la jia long u nongpynlong ka jingpynim bymjukut ïa kita baroh kiba kohnguh ïa u;

HEBRU 5:9 ပူးပေါင်းရင်းမြစ်များ

SALM 45:17

Ka jingrwai jong nga kan pynlong ïa ka nam jong me ban neh junom, bad baroh kin ïaroh ïa me ha ki por baroh ki ban wan.

SALM 51:6

Ka jinglonghok bad ka jingshisha ki long kiba me dawa; to pyndap ïa ka jingmut jong nga da ka jingstad jong me.

SALM 51:8

Ai ngan ïohsngew ïa ki jingsawa jong ka jingkmen bad ka jingsngewbha; wat la me la pynlwet ïa nga bad pynpait ïa nga, ngan long uba kmen sa shisien pat.

ISAÏAH 45:22

“To phai sha nga mynta bad ban im, ko ki briew baroh kylleng ka pyrthei! Nga long tang ma nga U Blei.

ISAÏAH 49:6

U Trai u la ong ha nga, “Nga don ka kam kaba kham khraw ïa me, ko shakri jong nga. Ym tang ba men rah pat sha ka jingkhraw ïa ki paid Israel kiba la lait im, hynrei ngan pynlong ruh ïa me ka jingshai sha ki jaitbynriew — khnang ba ka pyrthei baroh kan ïohlait im.”

ISAÏAH 50:10

Phi baroh kiba burom ïa U Trai bad kiba kohnguh ïa ki ktien u shakri jong u, ka lynti kaba phi ïaid ka lah ban long kaba dum da shisha, hynrei shaniah ha U Trai, aiti ha U Blei jong phi.

ISAÏAH 55:3

“To shahshkor mynta, ko ki briew jong nga, bad to wan sha nga; to wan sha nga, bad phin ïoh jingim! Ngan pynlong ka jutang baneh bad phi bad ngan ai ha phi ïa ki jingkyrkhu kiba nga la kular ha u Dabid.

DANIEL 9:24

“Hynñiew sien ki hynñiewphew snem ki long ka jingjlan jong ka por ba U Blei u la buh na ka bynta ban pyllait im ïa ki briew jong me bad ïa ka nongbah bakhuid jong me na ka pop bad ka jingsniew. Ïa ka pop yn map bad yn seng ïa ka jingbishar hok bymjukut, khnang ba ka jingïohipaw bad ka jingïathuhlypa kin wan urlong shisha, bad ïa ka Templ bakhuid yn pynkyntang biang.

SEKHARAÏAH 6:15

Ki rangbah kiba sah sha jngai bah kin wan bad ïarap ban tei pat ïa ka Templ jong U Trai. Bad haba la tei pat ïa ka, phin tip ba U Trai Badonbor Baroh u la phah ïa nga sha phi. Kane baroh kan jia lada phi kohnguh lut ïa ki hukum jong U Trai U Blei jong phi.

MATHAÏOS 17:5

Katba u dang kren, u lyoh uba tyngshaiñ u la wan halor jong ki, bad ka sur na u lyoh ka la ong, “Une u long U Khun uba ieit jong nga, ha uba nga sngewbha eh — to shahshkor ïa u!”

LOUKAS 13:32

U Jisu u la jubab ïa ki, “Khie leit bad ïathuh ïa uta u myrsiang: ‘Nga beh noh ïa ki ksuid bad nga pynkhiah mynta bad la shai, bad ha ka sngi kaba lai ngan pyndep ïa ka jingtrei jong nga.’

ÏOANNIS 19:30

U Jisu u la dih ïa kata ka waiñ bad u la ong, “La pyndep!” Nangta u la noh lyngngeh la ka khlieh bad u la ïap.

KI KAM 3:15

Phi la pynïap ïa uta uba ïalam sha ka jingim, hynrei U Blei u la pynmihpat ïa u na ka jingïap — bad ngi long ki sakhi ïa kane.

KI KAM 4:12

Ïa ka jingpynim dei ban shem tang lyngba jong u; ha ka pyrthei baroh ym don uno uno ïa uba U Blei u la ai uba lah ban pynim ïa ngi.”

KI KAM 5:32

Ngi long ki sakhi ïa kine kiei kiei — ma ngi bad U Mynsiem Bakhuid, uba long ka jingai jong U Blei ha kita baroh kiba kohnguh ïa u.”

Ka Shithi U Paul Sha Ki Nong Rom 1:5

Lyngba jong u, U Blei u la ai ïa nga ka kabu ban long u apostol na ka bynta U Khrist, khnang ban ïalam ïa ki briew na ki jaitbynriew baroh ban ngeit bad ban kohnguh.

Ka Shithi U Paul Sha Ki Nong Rom 10:16

Hynrei ym baroh ki la pdiang ïa ka Khubor Babha. U Isaïah da lade hi u la ong, “A Trai, uei uba la ngeit ïa ka khubor jong ngi?”

Ka Shithi U Paul Sha Ki Nong Rom 15:18

Ngan long shlur bad ngan kren tang shaphang kaei kaba U Khrist u la leh lyngba jong nga, ban ïalam ïa ki Jentil ban kohnguh ïa U Blei. U la leh ïa kane da ki ktien bad ki kam,

Ka Shithi U Paul Sha Ki Nong Rom 2:8

Kiwei pat ki briew ki long kiba khwan myntoi bad kiba kyntait ïa kaei kaba dei, khnang ban bud ïa kaei ka bym dei; halor jong ki U Blei un theh noh ïa la ka jingbitar bad ka jingbitar shla.

Ka Shithi U Paul Sha Ki Nong Rom 6:17

Hynrei long ka jingnguh ïa U Blei! Naba wat mynshuwa haba phi la long ki mraw jong ka pop, phi la kohnguh da la ka dohnud baroh ïa ki jingshisha ba la shem ha ka jinghikai kaba phi la ïohpdiang.

2 KORINTH 10:5

Ngi pynïap nia ïa ki jingïatainia ba-thala; ngi pynduh ïa ka jingpynwit basngewmeng baroh ba la pynïeng pyrshah ïa kata ka jingtip U Blei; ngi shim ïa ka jingpyrkhat baroh bad pynkohnguh ïa ka ha U Khrist.

PHILIPPI 2:12

Kumta te, ko ki paralok ba-ieit, kumba phi la kohnguh borabor ïa nga mynba nga la don bad phi, ka long kaba donkam shuh shuh ba phi kohnguh ïa nga mynta haba nga don jngai na phi. To ïai trei da ka jingsheptieng bad ka jingkhynñiuh ban pyndep noh ïa ka jingpynim jong phi,

2 THESSALONI 1:8

lem bad ka ding baklang, ban pynshitom ïa kito kiba kyntait ïa U Blei bad ki bymkohnguh ïa ka Khubor Babha shaphang U Jisu uba U Trai jong ngi.

2 THESSALONI 2:16

Ai ba U Jisu Khrist Uba U Trai jong ngi da lade hi bad U Blei uba U Kpa jong ngi, uba la ieit ïa ngi, bad ha ka jingaiei jong u un ai ha ngi ka jingshlur baneh bad ka jingkyrmen baskhem,

2 TIMOTHI 2:10

Hynrei ka ktien jong U Blei kam shah teh ha ki kynjri, bad kumta nga ïaishah ha kiei kiei baroh na ka bynta ki briew ba la jied jong U Blei, khnang ba ma ki ruh kin ïohpdiang ïa ka jingpynim kaba wan lyngba U Khrist Jisu bad kaba wallam ïa ka burom bymjukut.

HEBRU 1:14

Ki angel ki dei kiei, te? Ki dei ki mynsiem kiba shakri ïa U Blei bad ïa ki la phah da u ban ïarap ïa kito kiba dei ban ïohpdiang ïa ka jingpynim.

HEBRU 11:40

Namar ba U Blei u la pynkhreh lypa ïa kaei kaei kaba kham bha na ka bynta jong ngi. Ka jingthmu jong u ka la long ba tang ha ka jingïadon ryngkat bad ngi ba yn pynjanai ïa ki.

HEBRU 11:8

Dei ka jingngeit kaba pynlong ïa u Abraham ban kohnguh haba U Blei u la khot ïa u ban leit sha ka ri kaba U Blei u la kular ban ai ha u. U la mihnoh na la ka ri khlem tip shano ba un leit.

HEBRU 12:2

To ngin ïakhmih shaiñ sha U Jisu, ha uba ka jingngeit jong ngi ka don naduh kaba sdang haduh kaba kut. U bym shym la kynran dien namar ka diengphna! Pynban, namar ka jingkmen kaba la ap ïa u, um shym pyrkhat ei ei ïa ka jingjahburom ban shahïap halor ka diengphna, bad mynta u la shong ha ka liang ka mon jong ka khet U Blei.

HEBRU 2:10

Ka long kaba dei eh ba U Blei, uba thaw bad pynneh ïa kiei kiei baroh, un pynlong ïa U Jisu uba janai lyngba ka jingshah shitom, khnang ban pynwan ïa kiba bun ki khun ban ïoh bynta ha ka burom jong u. Namar U Jisu u long uta uba ïalam ïa ki sha ka jingpynim.

HEBRU 2:3

Da kumno te ngin lait, lada ngi leh bymsuidñiew ïa ka jingpynim kaba khraw katta katta? U Trai hi u la pynbna nyngkong ïa kane ka jingpynim, bad kita kiba la ïohsngew ïa u ki pynshisha ha ngi ba ka long kaba shisha.

HEBRU 9:12

Haba U Khrist u la ïaid lyngba kane ka ïingjaiñ bad rung tang shisien shapoh ka Jaka Bakyntang Tam, um shym la shim ïa ka snam ki blang bad ki masi kyrtong ban ainguh kum ka jingkñia; hynrei, u shim ïa la ka jong ka snam, bad pynïoh ïa ka jingim bymjukut na ka bynta jong ngi.

HEBRU 9:15

Namar kane ka daw, U Khrist u long uta uba buh ryntih ïa ka jutang kaba thymmai, khnang ba kito ïa kiba la khot da U Blei ki lah ban ïohpdiang ïa ki jingkyrkhu bymjukut kiba U Blei u la kular. Ïa kane lah ban leh namar ka don ka jingïap kaba pyllaitluid ïa ki briew na ki jingbakla kaba ki la leh katba ka jutang kaba nyngkong ka dang treikam.

HEBRU 9:28

Ha kajuh ka rukom, U Khrist ruh u la kñia ainguh tang shisien ban bah noh ïa ki pop jong kiba bun. Un sa paw ha ka sien kaba ar, ym ban weng noh ïa ka pop, hynrei ban pynim ïa kita kiba ap khmih lynti ïa u.

1 PETROS 1:22

Mynta ba da ka jingkohnguh jong phi ha ka jingshisha phi la pynkhuid ïa lade bad ïa ka ban don ka jingieit parabangeit ba khlem arsap, to phin da ieit shitrhem paralok da la ka dohnud baroh.

1 ÏOANNIS 5:20

Ngi tip ba U Khun U Blei u la wan bad u la ai ha ngi ïa ka jingshemphang, khnang ba ngin ithuh ïa U Blei uba shisha. Ngi im ha U Blei uba shisha — ha U Jisu Khrist U Khun jong u. Une u long U Blei uba shisha, bad kane ka long ka jingim bymjukut.

JUDAH 1:21

bad to ri ïa lade ha ka jingieit U Blei, da kaba ap khmih ïa U Jisu Khrist uba U Trai jong ngi ha ka jingisynei jong u ban ai ha phi ïa ka jingim bymjukut.