HEBRU 5:2 - Khasi CL Bible (BSI)

² Namar u hi u long uba tlot ha kiba bun rukom, u lah ban long uba jemnud bad kito ki bym don ka jingtip bad kiba leh bakla.

KA BAIBL

² uba lah ban shah jem bad kita ki bymtip bad kiba bakla; naba ïa u hi ruh, la ker sawdong da ka jingtlot.

HEBRU 5:2 ပူးပေါင်းရင်းမြစ်များ

EKSODOS 32:8

Ki la da ïaid sakma noh na kata ka lynti ha kaba nga la hukum ïa ki ban ïaid; ki la thaw ïa lade u khun masi ba la saiñ da ka ksiar bad ki la ïamane ïa u, bad ki la ai jingkñia ha u. Ki ïa-ong ba une u long u blei jong ki, uba la ïalam noh ïa ki na ka ri Ijipt!

ISAÏAH 29:24

Ki briew kiba bieit kin nang ban sngewthuh, bad kito kiba khñium borabor kin kmen ban ïoh jinghikai.”

ISAÏAH 30:11

Wat ïeng ha ka lynti jong ngi bad wat kah ïa ka lynti ïaid jong ngi. Ngim kwah ban ïohsngew shaphang U Blei Bakhuid jong phi ki Israel.”

LOUKAS 22:32

Hynrei nga la duwai na ka bynta jong me, ko Simon, ba ka jingngeit jong me kan ym duh noh. Bad haba me la wan phai pat sha nga, me dei ban pynkhlaiñ ïa ki hynmen ki para jong me.”

2 KORINTH 11:30

Lada nga dei ban sngewsarong, ngan sngewsarong shaphang kiei kiei kiba pyn-i haduh katno nga long uba tlot.

2 KORINTH 12:5

Kumta ngan sngewsarong shaphang une u briew — hynrei ngan ym kob sarong shaphang ïa lade, lait noh ïa kiei kiei kiba pynpaw haduh katno nga long uba tlot.

GALATIA 4:13

Phi kynmaw balei nga la ïalap ïa ka Gospel ha phi ha kaba nyngkong; ka long namar ba nga la pang.

EPHESOS 4:18

Kim don bynta ha ka jingim kaba U Blei u ai, naba ki long kiba bieit tasam bad kiba eh dohnud.

1 TIMOTHI 1:13

Hynrei U Blei u la leh-isynei ïa nga namar ngam pat shym la don ka jingngeit bad kumta ngam shym tip ïa kaei kaba nga la leh.

HEBRU 12:13

Da ïaid ha ki lynti kiba beit, khnang ba ïa kata ka kjat kaba dkoh yn ym pynduhbor noh, hynrei pynban, yn pynkoit keiñ ïa ka.

HEBRU 2:17

Kane ka mut, ba u dei ban long uba syriem kum ki para jong u ha kiei kiei baroh, ba un ïoh long u rangbah lyngdoh uba lah ban shaniah bad uba sngewsynei ha ka jingshakri ïa U Blei, kumta ba yn ïohmap noh ïa ki pop ki briew.

HEBRU 2:18

Bad mynta, u lah ban ïarap ïa kita kiba shah pynshoi, namar ma u hi u la shah pynshoi bad shahshitom.

HEBRU 4:15

U Rangbah Lyngdoh jong ngi um long uta u bym lah ban sngewlem ïa ki jingtlot jong ngi. Pynban, ngi don U Rangbah Lyngdoh uba la shah pynshoi ha kiei kiei baroh kum ma ngi, hynrei u bym shym la leh pop.

HEBRU 7:28

Ka Hukum u Moses ka thung ïa ki briew ki bymjanai ban long ki rangbah lyngdoh; hynrei ka kular U Blei ba la pynlong da ka jingsmai, kaba wan hadien ka hukum, ka thung ïa U Khun, ïa uba la pynjanai junom.

HEBRU 9:7

hynrei tang u rangbah lyngdoh uba rung sha ka bynta kaba shapoh jong ka Ïingjaiñ, bad u leh kumta tang shisien shisnem. U rah bad u ïa ka snam ïa kaba u ainguh ha U Blei na ka bynta ïa lade bad na ka bynta ki pop ba ki briew ki leh khlem sngewthuh ba ki la leh pop.

JAKOB 5:19

Ko parabangeit jong nga, lada uwei na phi u ïaid sakma na ka jingshisha bad uwei pat u pynphai pat ïa u, to kynmaw ïa kane: Uno uno uba pynphai pat ïa u nongpop na ka lynti kaba bakla un pynim ïa ka mynsiem jong uta u nongpop na ka jingïap bad yn map ïa ki pop kiba bun byllien jong u.

1 PETROS 2:25

Phi la ju long kum ki langbrot kiba la jah lynti, hynrei mynta la wallam pat ban bud ïa U Nongaplangbrot bad Nongsharai ïa ki mynsiem jong phi.

NONGBISHAR 2:17

Hynrei ki Israel kim shym shahshkor ïa la ki nongïalam. Ki Israel kim shym la ïaineh ha U Trai bad ki la mane ïa kiwei pat ki blei. Ki kpa jong ki, ki la kohnguh ïa ki hukum jong U Trai, hynrei kane ka pateng bathymmai shen ka la sangeh ban leh kumta.