HEBRU 5:12 - Khasi CL Bible (BSI)

¹² Ka la dei ka por kaba la biang bha ïa phi ban long ki nonghikai — pynban, phi dang donkam ïa uwei pat ban hikai ïa phi ïa ki jinghikai banyngkong jong ka khubor U Blei. Ha ka jaka ban bam ïa ka jingbam kaba eh, phi dang ïai donkam ban dih da ka dud.

KA BAIBL

¹² Namar haba la dei ïa phi ban long ki nonghikai, haba khmih ïa ka por, phi donkam pynban ba uno uno un hikai pat ïa phi ïa ki jingsdang ki tynrai banyngkong ki orakl U Blei; bad phi la jia long kiba donkam ïa ka dud, te ym ïa ka jingbam kaba eh.

HEBRU 5:12 ပူးပေါင်းရင်းမြစ်များ

2 SAMUEL 16:23

Ïa kano kano ka jingai jingmut ba u Ahithophel u la ai ha kito ki sngi, la pdiang kumba ka long hi ka ktien jong U Blei; u Dabid bad u Absalom baroh ar ngut ki bud ïa ka.

ESRA 7:10

U Esra u la aiti ïa la ka jingim ha kaba pule ïa ka Hukum jong U Trai, ha kaba pyntreikam ïa ka, bad ha kaba hikai ïa baroh ki aiñ bad ki jingbuhbeit ryntih ha ki paid Israel.

SALM 34:11

Ale, ko ki paralok samla jong nga, to shahshkor ïa nga, bad ngan hikai ïa phi ban pyndonburom ïa U Trai.

ISAÏAH 28:13

Dei na kata ka daw ba U Trai un sa hikai ïa phi kawei pa kawei ka kyntien, kawei pa kawei ka laiñ, kawei pa kawei ka jinghikai. Te phin jynthut ha kawei pa kawei ka jingjam ba phi shim. Phin sa mynsaw, shah riam bad phin long koidi.

ISAÏAH 55:1

U Trai u ong, “To wan, phi kiba sliang — hangne ka don ka um! To wan, phi ki bym don pisa — thied ïa u kew bad bam! To wan! Thied ïa ka waiñ bad ka dud — phin ym hap siew ei ei!

MATHAÏOS 17:17

U Jisu u la jubab, “A katno ki bymngeit bad kiba bakla phi ki briew phi long! Sa katno nga dei ban dang don bad phi? Sa katno ngan dang ïaishah ïa phi? To wallam ïa u khynnah shane sha nga!”

MARKOS 9:19

U Jisu u la ong ïa ki, “Haduh katno phi long ki briew ki bymngeit! Haduh katno ngan don bad phi? Haduh katno ngan ïaishah bad phi? Wallam ïa u khynnah ha nga!”

KI KAM 7:38

U long ma u, uba la ïadon lem bad ki paid Israel haba ki la ïalumlang ha ka ri shyiap; u la don lem hangta bad ki kpa tymmen jong ngi lem bad u angel uba la kren ha u, ha u lum Sinai, bad u la ïohpdiang ïa ka khubor ba-im ka jong U Blei ban ai pateng ha ngi.

Ka Shithi U Paul Sha Ki Nong Rom 3:2

Ha ka jingshisha, don shibun, ha kiba bun ki liang! Ha kaba nyngkong, U Blei u la aiti ïa ka khubor jong u ha ki Jiw.

1 KORINTH 14:19

Hynrei ha ka jingmane lang hapoh ka balang kan kham bha ba nga kren san kyntien ïa kiba lah ban sngewthuh, khnang ban hikai ïa kiwei, ban ïa kaba kren ha ki hajar kyntien ha ki thylliej bapher.

1 KORINTH 14:20

Wat long kum ki khynnah ha ka rukom pyrkhat jong phi, ko parabangeit jong nga; to long khynnah ha kaba ïadei bad ka jingbymman, hynrei to long rangbah ha ka rukom pyrkhat.

GALATIA 4:3

Ha kajuh ka rukom, ngi ruh ngi la ju long ki mraw ha kiwei pat ki bor mynsiem kiba synshar ïa ka pyrthei shuwa ba ngin poi ka jinglong rangbah ba kynja mynsiem.

PHILIPPI 3:1

Ha kaba wai noh, ko parabangeit jong nga, to phin kmen ha U Trai. Ngam sngew ei ei ban ïai ban biang ïa kaei kaba nga la thoh mynshuwa, bad kan kham pynskhem ïa phi lada nga leh kumta.

KOLOSSAI 3:16

Ka khubor jong U Khrist ha ka jingdap pura jong ka baroh, ka dei ban im hapoh ki dohnud jong phi. To hikai bad kyntu iwei ïa iwei pat da ka jingstad baroh. To rwai ki salm, ki jingrwai, bad ki jingrwai bakyntang; to rwai sha U Blei da ka jingainguh ha ki dohnud jong phi.

HEBRU 10:32

To kynmaw kumno ka la long bad phi ha ka por mynshuwa. Ha kito ki sngi, hadien ba ka jingshai U Blei ka la tyngshaiñ ha phi, phi la shahshitom shibun kiei kiei, pynban phim shym la shahjop ha kata ka jingïaleh.

HEBRU 5:11

Don shibun kiei kiei ba ngi hap ban ong shaphang kane ka bynta, hynrei ka long kaba eh ban batai ïa phi, namar phi long kiba suki katta katta ïa ka ban sngewthuh.

HEBRU 5:13

Uno uno uba dang dih dud u dang long u khynnah, khlem pat don kano kano ka jingshemphang ïa kaei kaba dei bad ka bymdei.

HEBRU 6:1

Te, to ngin ïaid shaphrang, sha ka jinghikai ïa kiba ïadei bad kiba la san bad ieh shadien jong ngi ïa ki jinghikai banyngkong ka khubor jong ka jingngeit. Ngim dei ban neh sah ha ka nongrim jong ka jingphai noh na ki kam bymseisoh bad ka jingngeit ha U Blei;

1 PETROS 2:2

To long kum ki khunlung kiba dang shu kha, kiba kwah hir hir borabor ïa ka dud bakhuid ba kynja mynsiem, khnang ba da kaba dih ïa ka phin san bad yn pynim ïa phi.

1 PETROS 4:11

Uno uno uba ïalap, u dei ban ïalap ïa ki khubor jong U Blei; uno uno uba shakri, u dei ban shakri da ka bor kaba U Blei u ai ïa u, khnang ba ha kiei kiei baroh yn ai ïa ka jingïaroh sha U Blei da U Jisu Khrist, ha uba ka burom bad ka bor ki long ki jong u junom la junom, Amen.