HEBRU 5:1 - Khasi CL Bible (BSI)

¹ Ïa uno uno u rangbah lyngdoh la jied napdeng ki parabriew, bad la thung ban shakri ïa U Blei na ka bynta jong ki, ban ai ïa ki jingkñia bad ka jingainguh na ka bynta ki pop.

KA BAIBL

¹ Namar ïa u rangbah lyngdoh baroh ba la shim napdeng ki briew, la thung na ka bynta ki briew ha kiei kiei kiba dei sha U Blei, ba un ïoh ainguh ïa ki jingai bad ki jingkñia namar ki pop:

HEBRU 5:1 ပူးပေါင်းရင်းမြစ်များ

LEBITIKOS 8:2

“Ïalam ïa u Aaron bad ki khun shynrang jong u sha khmat ka jingkhang jong ka Ïingjaiñ ka Jingdon Ryngkat jong nga bad wanrah ïa ki jaiñkup lyngdoh, ka umphniang pynsleh, u masi lyngraw ban long ka jingkñia namar ka pop, ar tylli ki blang shynrang, bad ka shang ba buh ïa u kpu bakhlem thiat.

LEBITIKOS 9:7

Nangta u ong ha u Aaron, “Khie leit sha ka duwan bad kñia ïa ka jingkñia namar ka pop bad ïa ka jingainguh thang ba yn ïohmap ïa ki pop jong phi bad ïa ki pop jong ki paidbah. Leh ïa kane ba yn ïohmap noh ïa ki pop jong ki paidbah, kumba U Trai u la hukum.”

Ka Shithi U Paul Sha Ki Nong Rom 15:17

Te ha U Khrist Jisu, nga lah ban sngewsarong ïa ka jingshakri jong nga ïa U Blei.

1 KORINTH 15:3

Nga la aiti ha phi ïa kaei kaba nga la ïohpdiang, kaba long kaba donkam tam: Ba U Khrist u la ïap na ka bynta ki pop jong ngi, kumba la thoh ha ki Jingthoh Bakhuid;

HEBRU 10:11

Man la u lyngdoh Jiw, u trei ïa la ka kam man ka sngi bad ai kijuh ki jingkñia man ka por; hynrei kine ki jingkñia kim lah ban kit noh ïa ki pop.

HEBRU 10:12

Hynrei U Khrist u la ainguh shisien kñia namar ki pop, ka jingainguh kaba dap biang junom, bad hadien u la shong ha ka liang kamon jong U Blei.

HEBRU 11:4

Dei ka jingngeit kaba la pynlong ïa u Abel ban ainguh ha U Blei ïa ka jingkñia kaba kham bha ban ïa ka jong u Kain. Lyngba ka jingngeit jong u, u la ïohpdiang ka jingsngewbha U Blei kum u briew uba hok, namar U Blei hi u la pdiang ïa ki jingai sngewbha jong u. Da kata ka jingngeit, u Abel u dang ïai kren wat haba u la ïap.

HEBRU 2:17

Kane ka mut, ba u dei ban long uba syriem kum ki para jong u ha kiei kiei baroh, ba un ïoh long u rangbah lyngdoh uba lah ban shaniah bad uba sngewsynei ha ka jingshakri ïa U Blei, kumta ba yn ïohmap noh ïa ki pop ki briew.

HEBRU 7:27

Um long kum kiwei pat ki rangbah lyngdoh; um da donkam ban da ai jingkñia man ka sngi na ka bynta ki pop jong u hi nyngkong ïa lade bad nangta na ka bynta ki pop jong ki briew. U ai kawei ka jingkñia, tang shisien hi, haba u la kñia noh ïa lade.

HEBRU 8:3

Ïa uno uno u rangbah lyngdoh la thung ban ai ki jingainguh bad ki jingkñia da ki mrad sha U Blei, bad kumta U Rangbah Lyngdoh jong ngi u dei ruh ban don ei ei ban ainguh.

HEBRU 8:4

Lada u don ha ka pyrthei, un ym long satia u lyngdoh, namar don ki lyngdoh kiba ai ïa ki jingainguh katba kum ka Hukum ki Jiw.

HEBRU 9:9

Kane ka long ka dur kaba kdew sha ka por kaba mynta. Ka mut ba ka jingainguh bad ki jingkñia da ki mrad ïa kiba la ai sha U Blei kim lah satia ban pynjanai ïa ka dohnud jong uta uba mane,