HEBRU 4:4 - Khasi CL Bible (BSI)

⁴ Naba don ha Jingthoh Bakhuid la ong ïa kane shaphang ka sngi kaba hynñiew: “U Blei u la shongthait ha ka sngi kaba hynñiew na ka kam jong u baroh.”

KA BAIBL

⁴ Namar u la ong ha kawei ka jaka shaphang ka sngi ka bahynñiew kumne: “Bad U Blei u la shong sngi noh ha ka sngi ka bahynñiew na ki kam jong u baroh.”

HEBRU 4:4 ပူးပေါင်းရင်းမြစ်များ

EKSODOS 20:11

Ha ki hynriew sngi, ma nga, U Trai, nga la thaw ïa ka bneng, ïa ka khyndew, ïa ka duriaw, bad ïa kiei kiei baroh kiba don ha ki, hynrei ha ka sngi kaba hynñiew nga la shongthait. Namar kata, nga U Trai, nga la kyrkhu ïa ka Sabbaton, bad nga la pynkyntang khuid ïa ka.

EKSODOS 31:17

Ka long ka dak kaba neh junom hapdeng jong nga bad ki Israel, ba ma nga, U Trai, nga la thaw ïa ka bneng bad ïa ka pyrthei ha ki hynriew sngi, bad ha ka sngi kaba hynñiew nga la sangeh ban trei bad shongthait.”

DEUTERONOMI 5:14

hynrei ka sngi kaba hynñiew ka dei ka sngi shongthait ba la buh kyrpang na ka bynta jong nga. Ha kata ka sngi phim bit ban leh ïa kano kano ka kam — ma phi, lane ki khun jong phi, lane ki mraw jong phi, lane ki jingri jong phi, lane ki nongwei kiba shong basah bad phi. Ki mraw jong phi ki dei ban shongthait kumjuh.

HEBRU 2:6

Pynban, kumba la ong ha katto katne ki jaka ha ki Jingthoh Bakhuid: “U briew u long aïu, A Blei, ba men pyrkhat ïa u, tang uba kynja briew, ba men suidñiew ïa u?

HEBRU 4:10

Naba uno uno uba ïohpdiang ïa ka jingjahthait ïa kaba U Blei u la kular, un shongthait na ka kam jong u hi, kumba U Blei u la shongthait na ka kam jong u.