HEBRU 3:8 - Khasi CL Bible (BSI)

⁸ wat pyneh ïa la ka dohnud, kumba ki kpa tymmen jong phi ki la long haba ki la ïaleh pyrshah ïa U Blei, kumba ki la long ha kata ka sngi ha ka ri shyiap haba ki la tynjuh ïa U.

KA BAIBL

⁸ wat pyneh ïa ki dohnud jong phi, kumba ha kata ka jingpynkhih bitar, kum ha kata ka sngi ka jingtynjuh ha ka ri khlaw,

HEBRU 3:8 ပူးပေါင်းရင်းမြစ်များ

2 SYIEM 17:14

Hynrei kim shym la kohnguh; ki long kiba mutlop kum ki kpa tymmen jong ki, ki bym shym la shaniah ha U Trai U Blei jong ki.

2 KHRONIKL 30:8

Wat long kiba mutlop kum ma ki, hynrei to kohnguh ïa U Trai. Wan sha ka Templ ha Jerusalem ïa kaba U Trai U Blei jong phi u la pynlong khuid junom, bad to mane ïa U, ba kumta phin un ym bitar shuh ïa phi.

2 KHRONIKL 36:13

U Sedekaïah u ïaleh pyrshah ïa u Syiem Nebukhadnessar, uba pynbor ïa u bad smai ha ka kyrteng U Blei ba un ïaineh ha u. Da kaba leh mutlop u kyntait ban kylla-kaba-mut bad ban phai pat sha U Trai, U Blei ki Israel.

NEHEMAÏAH 9:16

Hynrei ki kpa tymmen jong ngi ki la sarong bad eh dohnud bad kyntait ban kohnguh ïa ki hukum jong me.

Ka Kitab U Job 9:4

U Blei u long uba stad bad uba donbor katta katta; ym don u briew uba lah ban ïeng pyrshah ïa u.

SALM 106:14

Ïa ki la pyndap da ki jingkwah bymdei ha ka ri shyiap bad tynjuh ïa U Blei;

SALM 78:18

Da kaba leh khnang ki la tynjuh ïa U Blei da kaba dawa ïa ka jingbam kaba ki kwah.

SALM 78:56

Hynrei ki la ïeng ïaleh pyrshah ïa U Blei Badonbor Baroh bad ki la tynjuh ïa u. Kim shym la kohnguh ïa ki hukum jong u,

SALM 95:8

“Wat long uba mutlop, kumba ki kpa tymmen ki la long ha Meribah, kumba ki la long ha kato ka sngi ha ka ri shyiap ha Massah.

EKSODOS 17:7

Ïa kata ka jaka la khot ka Massah bad ka Meribah, namar ba ki Israel ki la ïakhñium bad tynjuh ïa U Trai haba ki ïakylli, “Hato U Trai u don ne em bad ngi?”

EKSODOS 8:15

Hynrei haba u Pharaoh u ïohi ba kita ki jakoid ki la ïap, u la kylla mutlop biang, bad kumba U Trai u la lah ong, u Pharaoh um shym la shahshkor ïa u Moses bad u Aaron.

PROBERB 28:14

Kohnguh borabor ïa U Trai bad phin long kiba suk. Lada phi long kiba eh dohnud, phin hap ha ka jingjot.

PROBERB 29:1

Lada phi ïai mutlop man la ka por ba phi shah pynbeit, ha kawei ka sngi phin sa shah pynlwet bad phin ym lah khie shuh.

JEREMAÏAH 7:26

Pynban ym don mano mano ba sngap lane pynshahshkor. Pynban, phi la nang kham mutlop bad ïeng ïaleh pyrshah ban ïa ki kpa tymmen jong phi.

DANIEL 5:20

Hynrei namar ba u la long uba sarong, uba eh ryndang, bad uba runar, la weng noh ïa u na ka khet syiem bad u la duh noh ïa ka jaka badonburom jong u.

JINGKHEIÑ 14:11

U Trai u ong ha u Moses, “Sa katno kine ki briew kin kyntait ïa nga? Sa katno ruh kin kyntait ban shaniah ha nga, wat la nga la leh bun ki kambah hapdeng jong ki?

MATHAÏOS 13:15

namar ki jingpyrkhat jong ki, ki la bthi, bad ki la set ïa ki shkor jong ki bad ki la khapbrip la ki khmat. Lymda kumta, ki khmat jong ki, kin jin da la ïohi, ki shkor jong ki kin jin da la ïohsngew ki jingmut jingpyrkhat jong ki kin jin da la shemphang, bad kin jin da la wan phai pat sha nga,’ ong U Blei, ‘bad ngan pynkhiah ïa ki.’

KI KAM 19:9

Hynrei katto katne ngut na ki, ki long kiba mynthi bad kim ngeit, bad ha khmat ka kynhun baroh kawei ki la kren ïa kiei kiei kiba sniew shaphang ka Lynti jong U Trai. Kumta u Paul u la iehnoh ïa ki bad u la ïalam bad u ïa kiba ngeit bad man la ka sngi u la pynlong ki jingïaphylliew jingmut ha ka kamra hikai u Tyrannus.

KI KAM 7:36

U la ïalam ïa ki briew na ka ri Ijipt, u da leh ki kambah bad ki kamphylla ha ka ri Ijipt bad ha ka Duriaw Basaw bad haduh sawphew snem ha ka ri shyiap.

1 KORINTH 10:9

Ngim dei ban tynjuh ïa U Trai, kumba don na ki, kiba la leh kumta — bad la pynïap ïa ki da ki bseiñ.

DEUTERONOMI 6:16

“Wat tynjuh ïa U Trai U Blei jong phi, kumba phi la leh ha Massah.

1 SAMUEL 6:6

Balei phin pyneh ïa la ki dohnud kumba leh u Pharaoh bad ki nong Ijipt? Wat klet kumno U Blei u la pynlong ki bieit ïa ki haduh ba kin da shah ïa ki Israel ban mihnoh na Ijipt.