HEBRU 3:5 - Khasi CL Bible (BSI)

⁵ U Moses u long uba lah ban shaniah ha ka ïing U Blei kum u shakri, bad u kren ïa kiei kiei kiba U Blei un sa kren ha ki por ki ban sa wan.

KA BAIBL

⁵ Te u Moses shisha u la long uba ïaineh ha ka ïing jong u baroh kum u shakri, ïa ka ban phla ïa kita kiei kiei ruh ïa kiba yn kren hadien;

HEBRU 3:5 ပူးပေါင်းရင်းမြစ်များ

NEHEMAÏAH 9:14

Me hikai ïa ki ban sumar khuid ïa ki sngi Sabbaton, bad lyngba u shakri jong me u Moses me ai ha ki ïa ki hukum jong me.

SALM 105:26

Nangta u phah ïa u shakri jong u, u Moses, bad u Aaron, ïa kiba u la jied.

EKSODOS 14:31

Haba ki Israel ki ïohi ïa ka borbah da kaba U Trai u jop ïa ki Ijipt, ki la ïeng da kaba tiengburom ïa U Trai; bad kumta ki la shaniah ha U Trai bad ha u Moses u shakri jong u.

EKSODOS 40:16

U Moses u leh ïa kata baroh kumba U Trai u la hukum ïa u.

JINGKHEIÑ 12:7

Ka pher haba nga ïakren bad u shakri jong nga, u Moses. Nga la buh ïa u ban peit ïa baroh ki briew jong nga, ki Israel.

MATHAÏOS 24:45

“Uno, te, uba long u shakri uba lah ban shaniah bad uba stad? U dei uta ïa uba u kynrad jong u, u la buh ban khmih ïa kiwei pat ki shakri ban ai jingbam ïa ki ha ka por kaba dei.

MATHAÏOS 25:21

‘Me la leh ïa kaba bha tam, me u shakri uba bha bad uba lah ban shaniah!’ la ong u kynrad jong u. ‘Me la long uba lah ban shaniah ha kaba pynïaid ïa kaba khyndiat, kumta ngan buh ïa me ban khmih ïa kaba kham bun. To wan rung shapoh bad ïoh bynta lem na ka jingkmen jong nga!’

LOUKAS 12:42

U Trai u la jubab, “Uei, te, uba long u shakri uba ïaineh bad uba stad? U long uta uba u kynrad jong u un buh ïa u ban khmih, ban pynïaid ïa ka longïing bad ai ha kiwei ki shakri ïa ka bhah jingbam jong ki ha ka por kaba dei.

LOUKAS 24:27

Bad U Jisu u la batai ha ki ïa kaei kaba la ong shaphang jong u hi ha baroh ki Jingthoh Bakhuid, da kaba sdang da ki kitab u Moses bad ki jingthoh jong ki nongïathuhlypa baroh.

LOUKAS 24:44

Nangta u la ong ha ki, “Kine ki long kita kiei kiei kiba nga la ïathuh ha phi mynba nga dang don lem bad phi: Kaei kaei baroh kaba la thoh shaphang jong nga ha ka Hukum u Moses, ha ki jingthoh jong ki nongïathuhlypa, bad ha Ki Salm ka dei ban urlong shisha.”

ÏOANNIS 5:39

Phi pule ïa ki Jingthoh Bakhuid, namar phi pyrkhat ba ha ki phin shem ïa ka jingim bymjukut. Bad kine hi ki Jingthoh Bakhuid ki kren shaphang jong nga!

KI KAM 28:23

Kumta ki la buh sngi bad u Paul, bad kham bun na ki, ki la ïawan ha kata ka sngi ha ka jaka ha kaba u Paul u la sah. Naduh mynstep haduh da miet u la batai ha ki ïa ka khubor jong u shaphang ka Hima U Blei, bad u la pyrshang ban pynngeit ïa ki shaphang U Jisu da kaba sot na ka Hukum u Moses bad na ki jingthoh jong ki nongïathuhlypa.

KI KAM 7:37

U Moses u long uta uba la kren ha ki paid Israel, ‘U Blei un phah ha phi ïa u nongïathuhlypa, kumba u la phah ïa nga, bad un long uba napdeng ki briew jong phi.’

Ka Shithi U Paul Sha Ki Nong Rom 3:21

Hynrei mynta ïa ka rukom ba U Blei u buh ba ki briew kin long ka hok bad u hi, la pynpaw. Kam don jingïadei ei ei bad ka Hukum, wat la ka Hukum u Moses bad ki nongïathuhlypa ki la ai ka jingsakhi ïa ka.

1 KORINTH 4:2

Kawei kaba donkam ïa kum uta u shakri ka long ba un long uba ïaineh ha u kynrad jong u.

DEUTERONOMI 3:24

‘Ko Trai Nongsynshar, me la pyn-i ha la u shakri dang tang ïa kaba sdang jong ki kam kiba khraw bad kiba phylla jong me. Ym don blei ha bneng ne ha khyndew uba lah ban leh ïa ki kam kiba khraw kiba me, me la leh!

DEUTERONOMI 34:5

Kumta u Moses, u shakri U Trai, u la ïap hangta ha ri Moab, kumba U Trai u la ong.

1 TIMOTHI 1:12

Nga ai ïa ka jingnguh sha U Khrist Jisu uba U Trai jong ngi, uba la ai ha nga ïa ka jingkhlaiñ na ka bynta ka kam jong nga. Nga ainguh ïa u ba la ñiew ïa nga uba bit bad la thung ïa nga ban shakri ïa u, wat la ha ka por ba la leit noh nga la kren sniew ïa u bad pynshitom beiñ bad krenbeiñ ïa u.

HEBRU 1:1

Ha ki por mynbarim, U Blei u la kren ha ki kpa tymmen jong ngi bunsien bad ha ki rukom kiba bun lyngba ki nongïathuhlypa.

HEBRU 3:2

U long uba shaniah ha U Blei, uba la jied ïa u ban leh ïa kane ka kam, kumba u Moses u la long uba lah ban shaniah ha ka kam jong u ha ka ïing U Blei.

HEBRU 3:4

Man la ka ïing, ha ka jingshisha, la tei da uno uno — Bad uta uba la thaw ïa kiei kiei baroh long U Blei keiñ.

HEBRU 8:5

Ka kam kaba ki leh kum ki lyngdoh ka long shisha tang kum ka dur bad ka syrngiew ïa kaei kaba don ha bneng. Ka la long kajuh kumba ka la long bad u Moses. Haba u la dei ban thaw ïa kata ka Ïingjaiñ ka Jutang, U Blei u la ong ha u, “Pynthikna ban thaw ïa kiei kiei baroh kat kum kata ka nongmuna ïa kaba la pyn-i ha me halor uta u lum.”

HEBRU 9:24

Namar U Khrist um shym la leit rung shapoh ka Jaka kaba Kyntang Tam ba la shna da u briew, kaba long tang ka jingpyrthuh bud ïa kata kaba shisha. U la rung shapoh ka bneng hi, ha kaba mynta u mihkhmat na ka bynta jong ngi ha ka jingdon ryngkat U Blei.

JOSHUA 1:15

haduh ba kin da ïohkynti ïa ka ri ha ka phang sepngi jong ka Jordan ïa kaba U Trai U Blei jong phi u la ai ha ki. Hadien ba u la pynïoh ïa ka jingshongshngain ïa ki jait Israel baroh, te phi lah ban wan phai pat bad shongsah hangne ha ka ri jong phi ha ka phang mihngi jong ka Jordan ïa kaba u Moses, u shakri U Trai, u la ai ha phi.”

JOSHUA 1:2

U ong, “U shakri jong nga, u Moses u la ïap. Khreh mynta, ma me bad ki paid Israel baroh, bad jam ïa ka wah Jordan sha ka ri kaba nga ai ha ki.

JOSHUA 1:7

Me dei ban da kut jingmut triang, ban long skhem bad ban pynthikna ba men kohnguh ïa ka Hukum baroh kaba u shakri jong nga, u Moses u la ai ha me. Wat leh klet ïa kano kano ka bynta jong ka, bad men sa jop kat shaba me leit.

JOSHUA 8:31

U la tei ïa ka kat kum ki jingbthah ba u Moses, u shakri jong U Trai u la ai ha ki Israel, kumba la thoh ha ka Hukum u Moses: “Ka duwan ba la tei da ki maw ki bym shym la shtah da ki tiar nar.” Halor jong ka ki la thang ïa ki jingkñia ha U Trai, bad ki la ainguh ruh ïa ki jingainguh ïasyllok.

JOSHUA 8:33

Ki Israel lem bad ki nongïalam jong ki, ki rangbah pynïaidkam, bad ki nongbishar ryngkat lem bad ki nongwei kiba hapdeng jong ki, ki la ïeng ha baroh arliang jong ka Synduk ka Jutang U Trai, da kaba phai pyrshah ïa ki lyngdoh Lebi kiba bah ïa ka. Shiteng na u paidbah ki ïeng ha kaba ka lyngkdong jong ki ka phai sha u Lum Gerisim bad shiteng kiwei pat, ki lyngkdong jong ki, ki phai sha u Lum Ebal. U Moses u shakri U Trai u la hukum ïa ki ban leh ïa kane ynda poi ka por ïa ki ban ïohpdiang ïa ka jingkyrkhu.

JINGPYNPAW 15:3

bad ki da rwai ïa ka jingrwai u Moses, u shakri jong U Blei, bad ïa ka jingrwai U Khunlangbrot: “U Trai uba U Blei Badonbor Baroh, katno kiba khraw bad kiba phylla long ki kam jong me! U Syiem jong ki jaitbynriew, katno kiba dei bad kiba shisha ki long lynti jong me!