HEBRU 3:3 - Khasi CL Bible (BSI)

³ U briew uba tei ïa ka ïing u ïoh kham bun ka burom ban ïa ka ïing hi. Ha kajuh ka rukom U Jisu u long uba dei hok ban ïoh ïa ka jingpyndonburom kaba kham khraw ban ïa u Moses.

KA BAIBL

³ Namar la ñiew ba ka dei ïa une ban ïoh ka burom kaba kham khraw ban ïa u Moses, kumjuh kumba uta uba thaw ïa ka ïing u ïoh ka burom kaba kham khraw ban ïa kata ka ïing.

HEBRU 3:3 ပူးပေါင်းရင်းမြစ်များ

SEKHARAÏAH 4:9

U la ong, “U Serubbabel u la buh ïa ka nongrim jong ka Templ, bad un pyndep ïa ka jingtei. Haba kane ka jia, ki briew jong nga kin tip ba dei ma nga uba la phah ïa me sha ki.

MATHAÏOS 16:18

Bad kumta nga ong ha me, ko Petros: me long u mawsiang, bad halor kane ka nongrim mawsiang ngan tei ïa ka balang jong nga, bad wat ka jingïap hi kan ym lah ban jop ïa ka.

1 KORINTH 3:9

Naba ngi long ki nongïatrei lem bad U Blei, bad phi long ka lyngkha jong U Blei. Phi long ruh ka jingtei jong U Blei.

2 KORINTH 3:7

Ïa ka Hukum la oh dur da ki dak halor ki mawlyngkniap, bad ka burom U Blei ka la wan hiar mynba la ai ïa ka. Wat la ka jingtyngshaiñ ha ka durkhmat u Moses ka la sdang ban lip noh, ka la long kaba khlaiñ haduh katta katta ba ki paid Israel kim shym lah ban peit shlip ïa la ki khmat ha u.

KOLOSSAI 1:18

U long u khlieh jong ka balang kaba long ka met jong u; u long u tynrai jong ka jingim jong ka. U long U Khun uba la kha nyngkong, ïa uba la pynmihpat na ka jingïap, khnang ba tang ma u hi un ïoh ïa ka bynta kaba nyngkong ha kiei kiei baroh.

HEBRU 2:9

Hynrei ngi da ïohi ïa U Jisu, ïa uba la pynlong shipor kham hapoh ban ïa ki angel, kumta ba lyngba ka jingaiei ka jong U Blei, u dei ban shahïap na ka bynta uwei pa uwei baroh. Mynta ngi ïohi ïa u, ba la pynphong pansngiat da ka burom bad da ka jingpyndonburom namar ka jingïap kaba u la shah.

HEBRU 3:4

Man la ka ïing, ha ka jingshisha, la tei da uno uno — Bad uta uba la thaw ïa kiei kiei baroh long U Blei keiñ.

HEBRU 3:6

Hynrei, U Khrist u long uba lah ban shaniah kum U Khun uba dei peit ïa ka ïing U Blei. Ngi long ka ïing jong u lada ngi ïaineh ha ka jingshlur bad ngi long skhem ha kaei kaba ngi kyrmen.