HEBRU 3:2 - Khasi CL Bible (BSI)

² U long uba shaniah ha U Blei, uba la jied ïa u ban leh ïa kane ka kam, kumba u Moses u la long uba lah ban shaniah ha ka kam jong u ha ka ïing U Blei.

KA BAIBL

² uba long uba ngeit ha uta uba la thung ïa u, kumba u Moses ruh u la long ha ka ïing jong u baroh.

HEBRU 3:2 ပူးပေါင်းရင်းမြစ်များ

EKSODOS 40:16

U Moses u leh ïa kata baroh kumba U Trai u la hukum ïa u.

JINGKHEIÑ 12:7

Ka pher haba nga ïakren bad u shakri jong nga, u Moses. Nga la buh ïa u ban peit ïa baroh ki briew jong nga, ki Israel.

ÏOANNIS 15:10

Lada phi kohnguh ïa ki hukum jong nga, phin ïaineh ha ka jingieit jong nga, kumba nga la kohnguh ïa ki hukum U Kpa jong nga bad nga ïaineh ha ka jingieit jong u.

ÏOANNIS 17:4

Nga la pynpaw ïa ka burom jong me ha ka pyrthei; nga la pyndep ïa ka kam kaba me la ai ha nga ban leh.

ÏOANNIS 7:18

U briew uba kren ha la ka jong ka bor u pyrshang ban ïoh burom na ka bynta ïa lade hi. Hynrei uba wad ïa ka burom jong uta uba la phah ïa u, u long uba shida, bad ym don ka bymshisha ha u.

ÏOANNIS 8:29

Bad uta uba la phah ïa nga u long lem bad nga; ym shym la iehnoh ïa nga marwei, namar borabor nga leh ïa kaei kaba pynsngewbha ïa u.”

EPHESOS 2:22

Ha u, ïa phi ruh la tei lang lem bad kiwei pat da U Mynsiem jong u ha ka jaka ha kaba U Blei u shong.

DEUTERONOMI 4:5

“Nga la hikai ïa phi ïa ki hukum, kumba U Trai U Blei jong nga u la hukum ïa nga. Sumar bad leh ïa ki ha kata ka ri sha kaba phin sa leit bad ïohkynti.

1 TIMOTHI 1:12

Nga ai ïa ka jingnguh sha U Khrist Jisu uba U Trai jong ngi, uba la ai ha nga ïa ka jingkhlaiñ na ka bynta ka kam jong nga. Nga ainguh ïa u ba la ñiew ïa nga uba bit bad la thung ïa nga ban shakri ïa u, wat la ha ka por ba la leit noh nga la kren sniew ïa u bad pynshitom beiñ bad krenbeiñ ïa u.

1 TIMOTHI 3:15

Hynrei lada la kum pyntud ïa nga, kane ka shithi kan ïathuh ïa me kumno ba ïa lade ngi dei ban long ha ka longïing jong U Blei, kaba long ka balang jong U Blei uba im, ka rijied bad nongkyrshan jong ka jingshisha.

HEBRU 2:17

Kane ka mut, ba u dei ban long uba syriem kum ki para jong u ha kiei kiei baroh, ba un ïoh long u rangbah lyngdoh uba lah ban shaniah bad uba sngewsynei ha ka jingshakri ïa U Blei, kumta ba yn ïohmap noh ïa ki pop ki briew.

1 SAMUEL 12:6

U Samuel u ong shuh shuh, “U dei U Trai keiñ uba la thung ïa u Moses bad u Aaron bad uba la wan ïalam ïa ki kpa tymmen jong phi na Ijipt.