HEBRU 2:9 - Khasi CL Bible (BSI)

⁹ Hynrei ngi da ïohi ïa U Jisu, ïa uba la pynlong shipor kham hapoh ban ïa ki angel, kumta ba lyngba ka jingaiei ka jong U Blei, u dei ban shahïap na ka bynta uwei pa uwei baroh. Mynta ngi ïohi ïa u, ba la pynphong pansngiat da ka burom bad da ka jingpyndonburom namar ka jingïap kaba u la shah.

KA BAIBL

⁹ hynrei, ngi ïohi ïa U Jisu ïa uba la pynlong kham poh khyndiat ban ïa ki angel, na ka bynta kata ka jingshahïap jong u, ba la pynphong pansngiat ïa u da ka burom bad da ka jingpyndonburom; ba da ka jingaiei U Blei, un mad ïa ka jingïap na ka bynta baroh.

HEBRU 2:9 ပူးပေါင်းရင်းမြစ်များ

JENESIS 3:15

Ngan pynlong ïa me bad ka briew ban ïa-isih iwei ïa iwei pat, u symbai jong ka bad u symbai jong me kin ïailong ki nongshun. U symbai jong ka un pynlwet ïa ka khlieh jong me, bad me pat men puh ïa ka khongdong'jat jong u symbai jong ka.”

ISAÏAH 11:1

Ka pateng longsyiem jong u Dabid ka long kum u dieng ba la khet; hynrei kumba ki tnat bathymmai ki khie lung na ka dyngkhong, kumta u syiem bathymmai un mih napdeng ki khun ki ksiew jong u Dabid.

ISAÏAH 7:14

Te kumta, U Trai un ai hi ka dak ha phi: Ka theisotti kaba punkhun kan kha u khun bad kan khot kyrteng ïa u, ‘U Immanuel.’

MATHAÏOS 16:28

Nga pynthikna ïa phi ba don katto katne hangne ki ban ym ïap tad haduh ba kin da ïohi ba U Khun U Briew u wan kum u Syiem.”

MATHAÏOS 6:28

“Bad balei phi khuslai shaphang ki jaiñ? Khmih kumno ki 'tiewkhlaw ki san: kim trei lane thain jaiñ na ka bynta ïa lade.

MARKOS 9:1

Bad u la ong shuh shuh, “Nga ong ïa phi, ki don katto katne ngut hangne ki ban ym ïap haduh ba kin da ïohi ïa ka Hima U Blei ba ka wan ha ka bor.”

LOUKAS 9:27

Nga pynthikna ïa phi ba don katto katne ngut hangne ki ban ym ïap tad ynda ki la ïohi ïa ka Hima U Blei.”

ÏOANNIS 1:29

Ha ka sngi kaba bud, U Ïoannis u la ïohi ïa U Jisu ba u wan sha u, bad u la ong, “Ha khmih, U Khunlangbrot jong U Blei, uba kit noh ïa ka pop jong ka pyrthei!

ÏOANNIS 10:17

“U Kpa u ieit ïa nga namar ba nga kloi ban aiti ïa la ka jingim, khnang ba nga lah ban ïohpdiang pat ïa ka.

ÏOANNIS 12:32

Ynda la kyntiew ïa nga na ka pyrthei, ngan khring ïa ki briew baroh sha nga.”

ÏOANNIS 3:16

Naba U Blei u la ieit katta katta ïa ka pyrthei kat haduh ba u la aiti noh ïa U Khun ba tang marwei jong u, ba uno uno uba ngeit ha u un ym ïap noh hynrei un ïoh ïa ka jingim bymjukut.

ÏOANNIS 8:51

Nga ong ha phi ïa ka jingshisha: Uno uno uba kohnguh ïa ka jinghikai jong nga un ym ïap lano lano ruh.”

ÏOANNIS 8:52

Ki la ong ha u, “Mynta ngi sngewthikna ba me don u ksuid! U Abraham u la ïap, bad ki nongïathuhlypa ki la ïap, pynban me ong ba lada uno uno uba kohnguh ïa ka jinghikai jong me un ym ïap lano lano ruh.

KI KAM 2:33

La kyntiew ïa u sha ka liang kamon jong U Blei, U Kpa jong u, bad u la ïohpdiang na u ïa U Mynsiem Bakhuid, kumba u la lah kular. Kaei kaba phi ïohi bad ïohsngew mynta ka long ka jingai sngewbha kaba u la theh noh ha ngi.

KI KAM 3:13

U Blei jong u Abraham, u Isaak, bad jong u Jakob, U Blei ki kpa tymmen jong ngi, u la ai ïa ka burom ba kynja blei ha U Jisu u shakri jong u. Hynrei phi la aiti ïa u ha ki bor synshar, bad phi la kyntait ïa u ha khmat u Pilat, wat hadien ba u Pilat u la rai ban pyllait noh ïa u.

Ka Shithi U Paul Sha Ki Nong Rom 5:18

Kumta te, kumba da kawei ka pop la pynrem ïa u bynriew baroh, ha kajuh ka rukom kawei ka kam bahok ka pyllait bad ka ai jingim ïa u bynriew baroh.

Ka Shithi U Paul Sha Ki Nong Rom 5:8

Hynrei U Blei u la pyn-i ha ngi haduh katno ba u ieit ïa ngi — ka la long mynba ngi dang long ki nongpop ba U Khrist u la ïap na ka bynta jong ngi!

Ka Shithi U Paul Sha Ki Nong Rom 8:3

Kaei kaba ka Hukum kam lah ban leh, namar ka jinglong ba kynja doh ka long kaba tlot, U Blei u la leh. U la pynrem ïa ka pop ha ka jinglong ba kynja doh da kaba u la phah ïa U Khun jong u hi, uba la wan kum ka jinglong u briew uba pop, ban jop ïa ka pop.

Ka Shithi U Paul Sha Ki Nong Rom 8:32

Da shisha ym U Blei, u bym shym la tyngkai wat ïa la u jong U Khun hi, hynrei uba la ai sngewbha ïa u na ka bynta jong ngi baroh! U la ai ha ngi ïa la U Khun — hato un ym ai sngewbha ïa kiei kiei baroh?

2 KORINTH 5:15

U la ïap na ka bynta baroh, khnang ba kito kiba im kim dei shuh ban im na ka bynta ïa lade, hynrei tang na ka bynta jong uta uba la ïap bad ba la pynmihpat na ka bynta jong ki.

2 KORINTH 5:21

U Khrist u la long uba khlem pop, hynrei na ka bynta jong ngi U Blei u la pynlong ïa u ban don bynta ha ka pop jong ngi khnang ba haba ngi don ha u ngin lah ban ïoh bynta na ka hok U Blei.

GALATIA 4:4

Hynrei haba ka ïa kaba biang ka la poi, U Blei u la phah ïa la U Khun.

1 TIMOTHI 2:6

Kata ka long ka jingpynshisha ha ka Ïa kaba biang kaba U Blei u kwah ba baroh kin ïohlait im, bad na kata ka daw balei ba la phah ïa nga kum u apostol bad u nonghikai ïa ki Jentil, ban pynbna ïa ka khubor jong ka jingngeit bad ka jingshisha. Ngam kren ïa kaba lamler; nga ïathuh ïa ka jingshisha!

HEBRU 1:9

Me ieit ïa kaei kaba dei bad me isih ïa ka bymdei. Namarkata U Blei, U Blei jong me, u la jied ïa me bad u la ai ha me ïa ka jingkmen ka jingpyndonburom kaba kham khraw ban ïa kaba u ai ïa ki paralok jong me.”

HEBRU 10:5

Namar kane ka daw, haba U Khrist u la dei ban wan sha kane ka pyrthei u la ong ha U Blei: “Mem kwah ïa ki jingkñia bad ïa ki jingainguh, hynrei me la pynkhreh ka met na ka bynta jong nga.

HEBRU 11:5

Dei ka jingngeit kaba ïada ïa u Enokh na ka jingïap. Pynban, la rah ïa u sha U Blei, bad ym don uno uno uba lah ban shem ïa u, namar U Blei u la rah ïa u shajrong. Ka Jingthoh Bakhuid ka ong ba shuwa ban rah ïa u Enokh shajrong, u la pynsngewbha ïa U Blei.

HEBRU 12:2

To ngin ïakhmih shaiñ sha U Jisu, ha uba ka jingngeit jong ngi ka don naduh kaba sdang haduh kaba kut. U bym shym la kynran dien namar ka diengphna! Pynban, namar ka jingkmen kaba la ap ïa u, um shym pyrkhat ei ei ïa ka jingjahburom ban shahïap halor ka diengphna, bad mynta u la shong ha ka liang ka mon jong ka khet U Blei.

HEBRU 2:7

Me la pynlong ïa u khampoh khyndiat ban ïa ki angel, me la pynphong pansngiat ïa u da ka burom bad ka jingpyndonburom, bad me la pynlong ïa u ban synshar halor kiei kiei baroh.”

HEBRU 7:25

Bad kumta u long uba lah, mynta bad borabor, ban pynim ïa kita kiba wan sha U Blei da u, namar u im junom ban ïasaid bad U Blei na ka bynta jong ki.

HEBRU 8:3

Ïa uno uno u rangbah lyngdoh la thung ban ai ki jingainguh bad ki jingkñia da ki mrad sha U Blei, bad kumta U Rangbah Lyngdoh jong ngi u dei ruh ban don ei ei ban ainguh.

1 PETROS 1:21

Da u, phi ngeit ha U Blei, uba la pynmihpat ïa u na ka jingïap bad la ai ha u ïa ka burom; bad kumta ïa ka jingngeit bad ka jingkyrmen jong phi la pynskhem ha U Blei.

1 ÏOANNIS 2:2

Bad U Khrist hi u long ka lynti da kaba yn ïohmap ïa ki pop jong ngi, bad ym tang ïa ki pop jong ngi, hynrei ruh ïa ki pop jong ki briew baroh.

JINGPYNPAW 19:12

Ki khmat jong u ki la long kum ka thylliej ding, bad u la phong shibun ki pansngiat ha ka khlieh jong u. U la don ka kyrteng ïa kaba la thoh halor jong u ïa kaba ym don batip hynrei lait tang ma u hi.

JINGPYNPAW 5:9

Ki la rwai ka jingrwai bathymmai: “Me long uba dei hok ban shim ïa ka kot kli bad ban pynpait ïa ki jingpyndait jong ka. Naba la pynïap ïa me, bad da ka jingïap ba aiti lut jong me me la siew kuna na ka bynta ki briew jong U Blei na kawei pa kawei ka jait, ka jait ktien, ka hima bad ka jaitbynriew.