HEBRU 2:4 - Khasi CL Bible (BSI)

⁴ Ha kajuh ka por, U Blei ruh u la ai shuh ïa la ki sakhi ha ki, da kaba leh bun ki kambah bad ki kamphylla bad da kaba ïasam ïa ki jingai U Mynsiem Bakhuid kat kum ka mon jong u.

KA BAIBL

⁴ U Blei ruh u da phla lem bad ki, da ki dak khyllah bad da ki jingphylla bad da ki kambah bun jaid, bad da ki jingai U Mynsiem Bakhuid, katba kum ka mon jong u hi.

HEBRU 2:4 ပူးပေါင်းရင်းမြစ်များ

DANIEL 4:35

U la khmih halor ki briew jong ka pyrthei kum bym long ei ei; ki angel ha bneng bad ki briew ha ka pyrthei ki don hapoh ka jingsynshar jong u. Ym don mano mano ba lah ban pyrshah ïa ka mon jong u lane kylli jingkylli ïa kaei kaba u leh.

MARKOS 16:20

Ki synran ki la leit bad ïalap kylleng, bad U Trai u la trei lem bad pynshisha ba ka jingïalap jong ki ka la long kaba shisha da ki kambah kiba ki la leh.]

MARKOS 6:14

Mynta u syiem Herod u la ïohsngew shaphang kane baroh, namar ka nam U Jisu ka la phriang kylleng. Katto katne ngut ki briew ki ïa-ong, “U Ïoannis u Nongpynbaptis u la im pat! Dei na kata ka daw balei u don ïa kane ka bor ban leh ki kambah.”

ÏOANNIS 15:26

“U Nongïarap un wan — U Mynsiem, uba pynpaw ïa ka jingshisha shaphang U Blei bad uba wan na U Kpa. Ngan phah ïa u na U Kpa, bad un kren shaphang jong nga.

ÏOANNIS 4:48

U Jisu u la ong ha u, “Ym don uwei ruh na phi u ban ngeit lymda u ïohi ïa ki kambah bad ki kamphylla.”

KI KAM 14:3

Ki apostol ki la sah slem hangta, ki da kren shlur shaphang U Trai, uba la pynshisha ba ka khubor jong ki shaphang ka jingaiei ka long kaba shisha da kaba ai ha ki ka bor ban leh ki kambah bad ki kamphylla.

KI KAM 4:10

te ma phi baroh phi dei ban tip, bad baroh ki paid Israel ki dei ban tip, ba une u briew u ïeng hangne ha khmat jong phi uba la khiah kran da ka bor jong ka kyrteng U Jisu Khrist uba na Nasareth — ïa uba phi la sahnarphna bad ïa uba U Blei u la pynmihpat na ka jingïap.

KI KAM 5:32

Ngi long ki sakhi ïa kine kiei kiei — ma ngi bad U Mynsiem Bakhuid, uba long ka jingai jong U Blei ha kita baroh kiba kohnguh ïa u.”

EPHESOS 1:5

Namar ka jingieit jong u, U Blei u la rai lypa ba da U Jisu Khrist un pynlong ïa ngi ki khun jong u — kane ka long ka jingsngewbha bad ka jingthmu jong u.

EPHESOS 1:9

U Blei u la leh ïa kata ha ka jingstad bad jingïohi jong u baroh ïa kaei kaba u la thmu, bad u la pynpaw shynna ha ngi ïa ka jingthmu ba la buhrieh ïa kaba u la lah thmu lypa ban pyndep da U Khrist.

EPHESOS 4:7

Uwei pa uwei na ngi, u la ïohpdiang ïa ka jingai bakyrpang kat kum ka jingthew ïa kaei kaba U Khrist u la ai.

HEBRU 6:4

Naba da kumno lah ban ïalam pat ïa kito kiba la iehnoh ïa la ka jingngeit ba kin kylla-kaba-mut biang? Ki la don shisien ha ka jingshai U Blei; ki la ïohmad ïa ka jingai ba kynja bneng, bad ïohpdiang ïa la ka bynta na U Mynsiem Bakhuid;