HEBRU 2:3 - Khasi CL Bible (BSI)

³ Da kumno te ngin lait, lada ngi leh bymsuidñiew ïa ka jingpynim kaba khraw katta katta? U Trai hi u la pynbna nyngkong ïa kane ka jingpynim, bad kita kiba la ïohsngew ïa u ki pynshisha ha ngi ba ka long kaba shisha.

KA BAIBL

³ kumno ngi ngin ïohlait keiñ, lada ngi lyndet ïa ka jingpynim bakhraw katta katta? haba la kren ïa ka ha kaba mynnyngkong da U Trai, la pynskhem ïa ka ha ngi da kita kiba la ïohsngew;

HEBRU 2:3 ပူးပေါင်းရင်းမြစ်များ

ISAÏAH 12:2

U Blei u long u nongpynim jong nga; ngan shaniah ïa u bad ngan ym sheptieng. U Trai u ai ha nga ka bor bad ka jingkhlaiñ, u long u nongpynim jong nga.

ISAÏAH 20:6

Haba kata ka por ka wan, ki briew kiba shong shi lynter ka rud duriaw jong ka Philistia kin ong, ‘Khmih ïa kaei kaba la jia ha ki briew kiba ngi la shaniah ban ïada ïa ngi na u patsha jong ka Assyria! Kumno ngin ïohlait im?’ ”

ISAÏAH 51:5

Ngan wan kloi bad ngan pynim ïa ki; ka por jong ka jingjop ka la hajan. Nga da lade hi ngan synshar halor ki jaitbynriew. Ki ri ba hajngai bah ki ap ïa nga ba ngan wan; ki ap da ka jingkyrmen ïa nga ban pynim ïa ki.

ISAÏAH 51:8

kin jah noh kum ki jaiñ ba la bam khñiang! Hynrei ka jingpyllait kaba ngan wallam kan neh junom; ka jingjop jong nga kan neh ha ki por baroh.”

ISAÏAH 62:11

Ba U Trai u la pynbna shaduh ka pyrthei baroh: “To ong ha ki paid ka Jerusalem ba U Trai un wan ban ïada ïa phi un wallam bad u ïa ki briew kiba u la pyllait im.”

ESEKIEL 17:15

Hynrei u syiem ka Judah u la ïeng ïaleh pyrshah bad u la phah briew sha Ijipt ban ïoh ki kulai bad ka kynhun shipai bakhraw. Hato un jop? Hato u lah ban leh ei ei da kata? Um lah ban pynkheiñ ïa ka jingïateh lok bad leit khlem shah pynshitom!

ESEKIEL 17:18

U la pynkheiñ ïa la ka jingsmai bad ïa ka jingïateh lok kaba u la lah pynlong. U la leh ïa kine kiei kiei, bad mynta un ym ïohlait ban phet.”

MATHAÏOS 23:33

Phi ki bseiñ bad ki khun ki bseiñ! Kumno phi khmih lynti ban lait na ka jingshah pynrem sha ka dujok?

MATHAÏOS 4:17

Naduh kata ka por U Jisu u la sdang ban ïalap ïa ka khubor jong u: “To phai noh na ki pop jong phi, namar ka hima ki bneng ka la jan!”

MARKOS 1:14

Hadien ba la set ïa u Ïoannis ha ka byndi, U Jisu u la leit noh sha Galilaïa bad ïalap ïa ka Khubor Babha na U Blei.

LOUKAS 1:2

Ki la thoh ïa kaei kaba la ïathuh ha ngi da kito kiba la ïohi ïa kine kiei kiei baroh naduh kaba sdang bad kiba la pynbna ïa ka khubor.

LOUKAS 1:69

U la ai ha ngi ïa U Nongpynim bakhrawbor, uba hiarpateng na u Dabid u shakri jong u.

LOUKAS 24:19

“Kiei kita?” u la kylli. “Kiei kiei kiba la jia ha U Jisu uba na Nasareth,” ki la jubab. “Une u briew u la long u nongïathuhlypa bad la ñiew da U Blei bad da ki briew baroh ba u long uba donbor ha kiei kiei baroh kiba u kren bad leh.

ÏOANNIS 15:27

Bad ma phi, ruh, phin kren shaphang jong nga, namar ba phi la don lem bad nga naduh kaba sdang.

KI KAM 2:22

“A to shahshkor ïa kine ki kyntien, ko para nong Israel! U Jisu uba na Nasareth u la long u briew uba ïa ka bor ba kynja blei jong u la pynshisha da kaba shai ha phi da ki kambah bad kamphylla baroh kiba U Blei u la leh lyngba jong u. Phi hi phi tip ïa kane, naba ka la jia hangne hapdeng jong phi.

KI KAM 4:12

Ïa ka jingpynim dei ban shem tang lyngba jong u; ha ka pyrthei baroh ym don uno uno ïa uba U Blei u la ai uba lah ban pynim ïa ngi.”

Ka Shithi U Paul Sha Ki Nong Rom 11:14

Lehse, nga lah ban pynlong ïa ki briew jong ka jaitbynriew jong nga hi ban sngewbishni, ba kumta yn lah ban pynim katto katne na ki.

Ka Shithi U Paul Sha Ki Nong Rom 2:3

Hynrei ma phi, ko paralok jong nga, leh ïa kita kiei kiei hi kiba phi bishar ïa kiwei! Hato phi pyrkhat phin lait na ka jingbishar U Blei?

1 KORINTH 1:21

Naba U Blei ha ka jingstad jong u, um shym la pynlah ïa ki briew ban ithuh ïa u da ka jingstad jong ki hi. Pynban da kata kaba la khot ka khubor “ba-ibieit” kaba ngi ïalap, U Blei u la ibit ban pynim ïa kito kiba ngeit ïa ka.

1 THESSALONI 5:3

Haba ki briew ki ong, “Kaei kaei baroh ka jar jar bad ka shngain,” te kynsan ka jingpynjot kan lynshop ïa ki! Kan wan kyndit kum ki jingpang kiba wan ha ka briew kaba suh kha, bad ki briew kin ym lait phet.

1 TIMOTHI 1:15

Kane ka long ka jingong kaba shisha, ïa kaba dei ban pdiang pura bad ban ngeit: U Khrist Jisu u la wan sha ka pyrthei ïa ka ban pynim ïa ki nongpop, nga long uba sniew tam na ki,

TITOS 2:11

Naba U Blei u la pynpaw ïa ka jingaiei jong U na ka bynta ka jingpynim jong ki briew baroh.

HEBRU 1:1

Ha ki por mynbarim, U Blei u la kren ha ki kpa tymmen jong ngi bunsien bad ha ki rukom kiba bun lyngba ki nongïathuhlypa.

HEBRU 1:14

Ki angel ki dei kiei, te? Ki dei ki mynsiem kiba shakri ïa U Blei bad ïa ki la phah da u ban ïarap ïa kito kiba dei ban ïohpdiang ïa ka jingpynim.

HEBRU 1:2

Hynrei ha kine ki sngi kiba khatduh u la kren ha ngi lyngba U Khun jong u. U la long uta da uba U Blei u la thaw ïa ka pyrthei, uta ïa uba U Blei u la jied ban long u nongïoh kynti ïa kiei kiei baroh ha kaba kut.

HEBRU 12:25

Te, to sumar bad wat kyntait ban shahshkor ïa uta uba kren. Kita kiba kyntait ïa uta uba ïathuh ïa ka khubor ba kynja bneng ha pyrthei kim shym lait im. Sa katno tam ma ngi, ngin ïohlait im, te, lada ngi phai noh na uta uba kren na bneng.

HEBRU 4:1

Mynta, U Blei u la tyrwa ha ngi ïa ka jingkular ba ngi lah ban pdiang ïa ka jingjahthait ïa kaba u la kren. Te, to ngin da sumar, ba yn ym shem ïa uno uno na phi u bym kot ban ïohpdiang ïa kata ka jingjahthait ba la kular.

HEBRU 4:11

Te, to ngin ïaleh shitom ban ïohpdiang ïa kata ka jingjahthait, kumta ba yn ym don uwei ruh na ngi u ban duh noh kum ma ki namar ba kim don ka jingngeit.

HEBRU 5:9

Haba la pynlong janai ïa u, u la jia long ka tynrai jong ka jingim bymjukut na ka bynta kito baroh kiba kohnguh ïa u,

HEBRU 9:28

Ha kajuh ka rukom, U Khrist ruh u la kñia ainguh tang shisien ban bah noh ïa ki pop jong kiba bun. Un sa paw ha ka sien kaba ar, ym ban weng noh ïa ka pop, hynrei ban pynim ïa kita kiba ap khmih lynti ïa u.

1 ÏOANNIS 1:1

Ngi thoh sha phi shaphang U Ktien ka jingim, uba la don naduh kaba mynnyngkong eh. Ngi la ïohsngew ïa u, bad ngi la ïohi ïa u da la ki khmat; ho-oid, ngi la ïohi ïa u, bad ki kti jong ngi ki la ïohktah ïa u.

JUDAH 1:17

Hynrei to kynmaw, ko ki paralok jong nga, ïa kaei ba la ïathuh ha phi mynshuwa da ki apostol jong U Jisu Khrist uba U Trai jong ngi.

JINGPYNPAW 7:10

Ki la pyrta ha ka sur kaba jam: “Ka jingpynim ka wan na U Blei jong ngi, uba shong halor ka khet, bad na uta u Khunlangbrot!”