HEBRU 2:14 - Khasi CL Bible (BSI)

¹⁴ Namar ba kita ki khun, kumba u khot ïa ki, ki long ki briew na ka doh bad ka snam, U Jisu u la long u briew kum ma ki hi bad ïoh bynta lang na ka jinglongbriew jong ki. U la leh ïa kane, khnang ba da ka jingïap jong u, u lah ban pynduh ïa u Bymman, uba don ka bor halor ka jingïap,

KA BAIBL

¹⁴ Namar kata, haba kita ki khun ki long ki nongïoh bynta na ka doh bad ka snam, ma u hi ruh, da kajuh ka rukom u la shim bynta na kijuh; ba da ka jingïap un ïoh pynduh noh ïa uta uba don ka bor ka jingpynïap, uta u long u Soitan keiñ;

HEBRU 2:14 ပူးပေါင်းရင်းမြစ်များ

JENESIS 3:15

Ngan pynlong ïa me bad ka briew ban ïa-isih iwei ïa iwei pat, u symbai jong ka bad u symbai jong me kin ïailong ki nongshun. U symbai jong ka un pynlwet ïa ka khlieh jong me, bad me pat men puh ïa ka khongdong'jat jong u symbai jong ka.”

ISAÏAH 25:8

U Trai Nongsynshar un pynkut noh ïa ka jingïap junom! Un ñiad noh ïa ki ummat na ki khmat jong baroh bad un weng noh ïa ka jingjahburom kaba ki briew jong u ki la shah ha kylleng ka pyrthei. U Trai hi da lade u la kren!

ISAÏAH 53:12

Bad kumta ngan ai ha u ïa ka burom, ka jaka hapdeng kiba khraw bad kiba donbor. U la aiti mon sngewbha ïa la ka jingim bad u la shim bynta lem bad ki riewbymman. U la shim ïa ka jaka jong ki nongpop kiba bun bad u la duwai ba ki kin ïoh ïa ka Jingmap-ei.”

ISAÏAH 7:14

Te kumta, U Trai un ai hi ka dak ha phi: Ka theisotti kaba punkhun kan kha u khun bad kan khot kyrteng ïa u, ‘U Immanuel.’

HOSIA 13:14

Ngan ym pyllait ïa kine ki briew na ka ri kiba ïap lane pyllait im ïa ki na bor ka jingïap. Wanlam ïa ki khlam jong pha, ko jingïap! Wanlam ïa ka jingpynjot jong pha, ko ka pyrthei kiba ïap! Ngan ym don jingisynei shuh ïa kine ki briew.

MATHAÏOS 16:17

“Kaba bha ïa me, ko Simon u khun jong u Jonah!” la jubab U Jisu. “Naba kane ka jingshisha kam shym la wan ha me na uno uno u briew, hynrei la ai ïa ka ha me beit beit da U Kpa jong nga uba ha bneng.

MATHAÏOS 25:41

“Nangta un ong ha kito kiba ha ka liang kadiang jong u, ‘Khie leit noh na nga, phi kiba hapoh ka jingtim jong U Blei! Khie leit noh sha ka ding bymjukut ïa kaba la pynkhreh na ka bynta u Ksuid bad ki angel jong u!

ÏOANNIS 1:14

U Ktien la kylla long u briew bad, uba dap da ka jingaiei bad ka jingshisha, u la im hapdeng jong ngi. Ngi la ïohi ïa ka burom jong u, ka burom kaba u la ïohpdiang kum U Khun marwei jong U Kpa.

ÏOANNIS 12:24

Nga ïathuh ïa phi ïa ka jingshisha: U symboh kew u ïaisah hi tang shi symboh lymda la pynhap ïa u ha ka khyndew bad u ïap. Lada u da ïap, te u sei shibun ki sohkew.

Ka Shithi U Paul Sha Ki Nong Rom 14:9

Naba U Khrist u la ïap bad u la mihpat sha ka jingim khnang ban long U Trai jong kiba im bad jong kiba ïap.

Ka Shithi U Paul Sha Ki Nong Rom 8:3

Kaei kaba ka Hukum kam lah ban leh, namar ka jinglong ba kynja doh ka long kaba tlot, U Blei u la leh. U la pynrem ïa ka pop ha ka jinglong ba kynja doh da kaba u la phah ïa U Khun jong u hi, uba la wan kum ka jinglong u briew uba pop, ban jop ïa ka pop.

1 KORINTH 1:28

U la jied ïa kaei kaba ka pyrthei ka ñiew poh bad ibeiñ, bad ka pyrkhat ba kam long ei ei, khnang ban pynjot ïa kaei kaba ka pyrthei ka pyrkhat ba ka long kaba donkam.

1 KORINTH 15:50

Kaei kaba nga mut, ko parabangeit, ka long ba kaei kaba la thaw da ka doh bad ka snam kam lah ban ïadon bynta ha ka Hima U Blei, bad kaei kaba dei ban ïap kan ym ïohkynti ïa ka jingbymïap shuh.

GALATIA 4:4

Hynrei haba ka ïa kaba biang ka la poi, U Blei u la phah ïa la U Khun.

KOLOSSAI 2:15

Bad halor kata ka diengphna, U Khrist u la pyllaitluid ïa lade na ka bor jong ki nongsynshar ba kynja mynsiem bad na ki bor synshar; u la pynlong ka jingthadrong ïa ki da kaba ïalam ïa ki kum ki mraw ha ka jingïaid paidbah kaba jop jong u.

1 TIMOTHI 3:16

Ym don ba lah ban kyntait katno kaba khraw ka long ka jingmaïan jong ka jingngeit jong ngi: U la wanpaw ha ka dur ka jinglongbriew, la pyn-i ba u long uba shisha da U Mynsiem, bad la ïohi ïa u da ki angel. La ïalap ïa u hapdeng ki jaitbynriew, la ngeit ïa u ha kylleng ka pyrthei, bad la shim noh ïa u sha bneng.

2 TIMOTHI 1:10

U la ai ha ngi ïa kane ka jingaiei lyngba U Khrist Jisu ha shuwa ban sdang ka pyrthei, hynrei mynta la pynpaw da ka jingwan U Nongpynim jong ngi, U Khrist Jisu. U la pynkut noh ïa ka bor jong ka jingïap bad lyngba ka Gospel la pynpaw ïa ka jingim bymïap shuh.

HEBRU 10:10

Namar ba U Jisu Khrist u la leh ïa kaei kaba U Blei u kwah ïa u ban leh, ïa ngi baroh la pynkhuid na ka pop da ka jingainguh kaba u la aiti ïa la ka jong ka met tang shisien hi.

HEBRU 10:5

Namar kane ka daw, haba U Khrist u la dei ban wan sha kane ka pyrthei u la ong ha U Blei: “Mem kwah ïa ki jingkñia bad ïa ki jingainguh, hynrei me la pynkhreh ka met na ka bynta jong nga.

HEBRU 2:17

Kane ka mut, ba u dei ban long uba syriem kum ki para jong u ha kiei kiei baroh, ba un ïoh long u rangbah lyngdoh uba lah ban shaniah bad uba sngewsynei ha ka jingshakri ïa U Blei, kumta ba yn ïohmap noh ïa ki pop ki briew.

HEBRU 2:18

Bad mynta, u lah ban ïarap ïa kita kiba shah pynshoi, namar ma u hi u la shah pynshoi bad shahshitom.

HEBRU 4:15

U Rangbah Lyngdoh jong ngi um long uta u bym lah ban sngewlem ïa ki jingtlot jong ngi. Pynban, ngi don U Rangbah Lyngdoh uba la shah pynshoi ha kiei kiei baroh kum ma ngi, hynrei u bym shym la leh pop.

HEBRU 9:15

Namar kane ka daw, U Khrist u long uta uba buh ryntih ïa ka jutang kaba thymmai, khnang ba kito ïa kiba la khot da U Blei ki lah ban ïohpdiang ïa ki jingkyrkhu bymjukut kiba U Blei u la kular. Ïa kane lah ban leh namar ka don ka jingïap kaba pyllaitluid ïa ki briew na ki jingbakla kaba ki la leh katba ka jutang kaba nyngkong ka dang treikam.

1 PETROS 1:20

La jied ïa u da U Blei ha shuwa ka jingpynlong ïa ka pyrthei bad la pynpaw ha kine ki sngi kiba khatduh na ka bynta jong phi.

JINGPYNPAW 1:18

Nga long uta uba im! Nga la ïap, hynrei mynta nga im junom la junom. Nga don ka bor halor ka jingïap bad ka pyrthei kiba ïap.

JINGPYNPAW 12:9

Ïa u Ïakjakor uba heh la bret shabar — ïa uta u bseiñ na mynbarim, ïa uba la khot u Ksuid, lane u Soitan, uta uba la shukor ïa ka pyrthei baroh kawei. La bret arsut ïa u sha ka khyndew, bad ïa ki angel baroh jong u lem bad u.

JINGPYNPAW 2:10

Wat sheptieng ïa kaei kaei ruh kaba phan sa shahshitom. Shahshkor! U Soitan un buh ïa pha ha ka jingtynjuh ha kaba ïa ki katto katne ngut kiba don hapdeng jong pha, yn bret shapoh ka ïingbyndi, bad ki jingjynjar jong pha kin neh shiphew sngi. Ïaineh ha nga, wat la kan long ka jingïap, bad ngan ai ha pha ïa ka jingim kum ka bainong jong ka jingjop.

JINGPYNPAW 20:2

U la kem ïa u Ïakjakor, ïa uta u 'seiñ hyndai — kata, u Ksuid lane u Soitan — bad u la teh kynjri ïa u haduh shihajar snem.