HEBRU 2:13 - Khasi CL Bible (BSI)

¹³ U ong ruh, “Ngan buh ïa la ka jingshaniah ha U Blei.” Bad u ong ruh, “Hangne nga don bad ki khun ïa kiba U Blei u la ai ha nga.”

KA BAIBL

¹³ Pat ruh: “Ngan buh la ka jingshaniah ha u.” Bad: “Ha khmih, ma nga bad kita ki khun ïa kiba U Blei u la ai ha nga.”

HEBRU 2:13 ပူးပေါင်းရင်းမြစ်များ

JENESIS 33:5

Haba u Iso u phai sawdong, bad u ïohi ïa ki kynthei bad ïa ki khynnah, u ong, “Kiei kine ki briew kiba bad phi?” U Jakob u jubab, “Kine, kynrad, ki dei ki khun kiba U Blei u la sngewbha eh ban ai ïa nga.”

JENESIS 48:9

U Joseph u jubab, “Kine ki dei ki khun jong nga kiba U Blei u la ai ïa nga hangne ha Ijipt.” U Jakob u ong, “Wan ïalam ïa ki sha nga ba ngan ïoh kyrkhu ïa ki.”

2 SAMUEL 22:3

U Blei jong nga u long ka jingïada jong nga; bad nga shngain bad u, U ïada ïa nga kum ka stieh; u da ïa nga bad ri pynim ïa nga. U long u nongpynim jong nga. U ïada ïa nga bad u pyllait im ïa nga na ka jingumsnam.

SALM 127:3

Ki khun ki long ka jingai sngewbha na U Trai; ki long shisha ka jingkyrkhu.

SALM 16:1

To da ïa nga, A Blei; nga shaniah ha me ban ïoh ka jingshngain.

SALM 18:2

U Trai u long u nongïada jong nga; u long ka kut baskhem jong nga. U Blei jong nga u long ka jingïada jong nga, bad ha u nga sngewshngain. U da ïa nga kum ka stieh; u kyrshan ïa nga bad u ri pynim ïa nga.

SALM 91:2

u lah ban ong ha u, “Me long u nongkyrshan bad nongïada jong nga, me long U Blei jong nga; ha me nga shaniah.”

ISAÏAH 12:2

U Blei u long u nongpynim jong nga; ngan shaniah ïa u bad ngan ym sheptieng. U Trai u ai ha nga ka bor bad ka jingkhlaiñ, u long u nongpynim jong nga.

ISAÏAH 53:10

U Trai u ong, “Ka dei ka mon jong nga ba un shah pynshitom; ka jingïap jong u ka long ka jingkñia ban wanrah ïa ka jingmap-ei. Bad kumta un ïohi ïa la ki khun ki ksiew; un ïoh ïa ka jingim kaba jlan, bad lyngba jong u ïa ka jingthmu jong nga yn pyndep.

MATHAÏOS 27:43

U shaniah ha U Blei bad u kam ba u long U Khun U Blei. Kumta, te, to ngin peit lada U Blei u kwah ban pynim ïa u mynta!”

ÏOANNIS 10:29

Kaei kaba U Kpa jong nga u la ai ha nga ka long kham khraw ban ïa kiei kiei baroh, bad ym don uno uno uba lah ban knieh noh ïa ki na ka jingsumar U Kpa.

1 KORINTH 4:15

Wat haba phi don shiphew hajar ngut ki nongsumar ha ka jingim jong phi kum ki bangeit, phi don tang uwei u kpa. Naba ha ka jingim jong phi ha U Khrist Jisu nga la long u kpa jong phi da kaba wallam ïa ka Khubor Babha ha phi.