HEBRU 2:11 - Khasi CL Bible (BSI)

¹¹ U pynkhuid ïa ki briew na ki pop jong ki, bad ma u lem bad kita baroh ïa kiba la pynkhuid ki don ujuh U Kpa. Namarkata, U Jisu um sngewlehrain ban khot ïa ki, ki para jong u.

KA BAIBL

¹¹ Namar uta uba pynkyntang ruh bad kita ïa kiba la pynkyntang ki long baroh na uwei keiñ; namar kata ka daw, um sngewlehrain ban khot para ïa ki,

HEBRU 2:11 ပူးပေါင်းရင်းမြစ်များ

MATHAÏOS 25:40

U Syiem un jubab, ‘Nga ong ha phi, ba man ba phi leh ïa kane na ka bynta uno uno uba rit tam na kine ki dkhot jong ka longïing jong nga, phi la leh ïa kane na ka bynta jong nga!’

MATHAÏOS 28:10

“Wat sheptieng,” U Jisu u la ong ha ki. “Khie leit bad ïathuh ïa ki para jong nga ban leit sha Galilaïa bad hangta kin ïohi ïa nga.”

MARKOS 3:34

U la peit ïa ki briew kiba shong sawdong jong u bad u la ong, “Khmih! Hangne ki don ka kmie jong nga bad ki para jong nga!

MARKOS 8:38

Lada u briew u lehrain ïa nga bad ïa ka jinghikai jong nga ha kane ka sngi jong ka jingbymriewblei bad ka jingbymman, te U Khun U Briew un lehrain ïa u haba un wan ha ka burom jong U Kpa jong u ryngkat bad ki angel bakhuid.”

LOUKAS 9:26

Lada u briew u lehrain ïa nga bad ïa ka jinghikai jong nga, te U Khun U Briew un lehrain ïa u haba u wan ha ka burom jong u bad ha ka burom jong U Kpa bad jong ki angel bakhuid.

ÏOANNIS 17:19

Bad na ka bynta jong ki nga pynkyntang ïa lade sha me, khnang ba ma ki ruh, ki lah ban long kiba la ïoh pynkyntang da shisha sha me.

ÏOANNIS 17:21

Nga duwai ba ki baroh kin ïalong kawei. Ko Pa! To ai ba kin ïalong ha ngi, kumba me long ha nga bad ma nga ha me. To ai ba kin ïalong kawei, khnang ba ka pyrthei kan ngeit ba me la phah ïa nga.

ÏOANNIS 20:17

“Wat ktah ïa nga,” U Jisu u la ong ha ka, “namar ngam pat shym la leit kiew sha U Kpa. Hynrei khie leit sha ki para jong nga bad ïathuh ïa ki ba ngan leit phai sha u, uba long U Kpa jong nga bad U Kpa jong ki, U Blei jong nga bad U Blei jong ki.”

KI KAM 17:26

Na uwei u briew u la thaw ïa ki jaitbynriew baroh ha ka pyrthei bad u la pynlong ïa ki ban shong ban sah ha kylleng ka pyrthei. U hi da lade u la pynskhem lypa ïa ki por kiba biang bad ïa ki pud jong ki jaka ha kaba kin shong kin sah.

KI KAM 17:28

kumba don uba la ong, “ ‘Ha u ngi im, ngi khih bad ngi long.’ ” Ka long kumba katto katne na ki myllung jong phi kiba la ong, “ ‘Ngi ruh ngi long ki khun jong u.’

Ka Shithi U Paul Sha Ki Nong Rom 8:29

Kito ïa kiba U Blei u la lah jied lypa u la pynkyrpang ruh ban long kum U Khun jong u, khnang ba U Khun un long uba nyngkong hapdeng ki para.

GALATIA 4:4

Hynrei haba ka ïa kaba biang ka la poi, U Blei u la phah ïa la U Khun.

HEBRU 10:10

Namar ba U Jisu Khrist u la leh ïa kaei kaba U Blei u kwah ïa u ban leh, ïa ngi baroh la pynkhuid na ka pop da ka jingainguh kaba u la aiti ïa la ka jong ka met tang shisien hi.

HEBRU 10:14

Te da kawei ka jingkñia, u la pynjanai ha la ka rta ïa kito kiba la pynkhuid na ka pop.

HEBRU 11:16

Pynban, ka ri kaba ki kwah hir hir ka long ka ri kaba kham bha, ka ri ba kynja bneng. Bad kumta U Blei um sngewlehrain ïa ki, ba yn khot ïa u, U Blei jong ki, namar u la pynkhreh ka nongbah na ka bynta jong ki.

HEBRU 13:12

Namar kane ka daw U Jisu ruh u la ïap shabar ka nongbah, khnang ban pynkhuid ïa u paidlang na ka pop da ka snam jong u hi.

HEBRU 2:14

Namar ba kita ki khun, kumba u khot ïa ki, ki long ki briew na ka doh bad ka snam, U Jisu u la long u briew kum ma ki hi bad ïoh bynta lang na ka jinglongbriew jong ki. U la leh ïa kane, khnang ba da ka jingïap jong u, u lah ban pynduh ïa u Bymman, uba don ka bor halor ka jingïap,

HEBRU 3:1

Ko parabangeit jong nga ïa kiba U Blei u la khot! To pyrkhat ïa U Jisu, ïa uba U Blei u la phah ban long U Rangbah Lyngdoh jong ka jingngeit kaba ngi ïaphla.