HEBRU 13:4 - Khasi CL Bible (BSI)

⁴ Ïa ka jingshongkurim dei ban ri burom da baroh, bad kiba long shi tnga ki dei ban shaniah iwei ïa iwei pat. U Blei un sa bishar ïa kito kiba awria bad ïa kito kiba klim.

KA BAIBL

⁴ To ka jingshongkurim kan long kaba donburom hapdeng baroh, bad ka jingthiah ka bym da bit-tngit: naba ïa kiba awria bad ïa kiba klim U Blei un bishar.

HEBRU 13:4 ပူးပေါင်းရင်းမြစ်များ

JENESIS 2:21

Nangta U Trai U Blei u la pynlong ïa u briew ban ïohthiah lyngngai, bad katba u dang ïohthiah, u la shim kawei na ki shyieng krung jong u briew bad u set pyndap pat da ka doh.

JENESIS 2:24

Dei kata keiñ balei ba u briew u iehnoh ïa la u kpa bad ka kmie bad la pynïasoh bad ka tnga jong u, bad ki kylla long kawei.

2 SYIEM 22:14

U Hilkaïah, u Ahikam, u Akhbor, u Shaphan, bad u Asaïah, ki leit ban kylli na ka briew kaba kyrteng ka Huldah, ka nongïathuhlypa, kaba shong ba sah ha ka jaka ba kham thymmai jong ka Jerusalem. (U Shallum u tnga jong ka, u khun jong u Tikbah bad u ksiew jong u Harhas, uba dei khmih ïa ki barandi ka Templ.) Ki batai ha ka, ïa kaei kaba la jia,

Ka Kitab U Job 31:12

Kan long kum ka jingpynjot, ka ding bashyrkhei, ka ban bam duh ïa kiei kiei baroh kiba nga don.

ISAÏAH 8:3

Katto katne por hadien, ka tnga jong nga ka la armet. Haba la kha ïa u khun jong ngi, U Trai u ong ha nga, “Jer kyrteng ïa u, ‘u Maher-shalal-hash-bas.’

LEBITIKOS 15:18

Hadien ka jingïathiah shongkha, baroh ar ngut u briew bad ka briew ki dei ban sum, bad ki long ki bymkhuid haduh janmiet.

LEBITIKOS 18:20

Wat ïathiah shongkha bad ka tnga jong uwei pat u briew; naba kata kan pynlong ïa me u bymkhuid.

MALAKHI 3:5

U Trai Badonbor Baroh u ong, “Ngan sa paw hapdeng jong phi ban bishar, bad ngan phla shisyndon pyrshah ïa kito kiba leh myntor, pyrshah ïa kiba klim, pyrshah ïa kito kiba sakhi lamler, kito kiba shukor ïa ki nongtrei ïa ki bainong jong ki, bad kito kiba shim kabu ïa ki riewkynthei, ki khunswet, bad ki nongwei — pyrshah ïa kito baroh ki bym ñiewkor ïa nga.

1 KORINTH 6:18

To kiar na ka jingleh awria. Kano kano kawei pat ka pop kaba u briew u leh kam ktah ïa ka met jong u; hynrei u briew uba leh awria u leh pop ïa kata ka met jong u.

1 KORINTH 6:9

Shisha phi tip ba ki bymman kin ym ïohkynti ïa ka Hima U Blei. To wat shukor ïa lade; ki briew kiba awria lane kiba mane ïa ki bleithaw lane kiba klim lane kiba leh khyllah para shynrang

1 KORINTH 7:38

Kumta u briew uba shongkurim u leh ïa kaba dei, hynrei uta u bym shongkurim u leh ïa kaba kham bha.

1 KORINTH 9:5

Hato ngam don hok ban bud ïa ki nuksa jong kiwei pat ki apostol bad jong ki para jong U Trai bad u Petros, da kaba ïalam ïa ka tnga kaba long ka parabangeit ha ki jingleit lynti jong nga?

2 KORINTH 5:10

Naba baroh na ngi ngin paw ha khmat U Khrist, ba yn bishar ïa ngi da u. Ngin ïohpdiang ïa kaei kaba ngi dei hok, kat kum kiei kiei baroh kiba ngi la leh, la bha ne la sniew, ha kane ka jingim ha ka met jong ngi.

GALATIA 5:19

Kaei kaba ka jinglong ba kynja briew ka leh ka long kaba paw shynna. Ka pynpaw ïa lade ha kaba klim, ka jingbymkhuid, bad ki jingleh khlem akor;

GALATIA 5:21

ki ïa-pihuin, ïabuaid, ki don jingkhawai jingdih kyiad, bad leh ïa kiwei kiei kiei kiba kum kine. Nga maham ïa phi mynta kumba nga la maham mynshuwa; ba kita kiba ïai leh ïa kine kiei kiei kin ym ïohkynti ïa ka hima U Blei.

EPHESOS 5:5

Phi dei ban sngewskhem ba yn ym don uno uno uba awria, uba long jakhlia, lane uba kwah lalot (naba ka jingkwah lalot ka long hi ka rukom mane bleithaw) u ban ïoh bynta ha ka Hima jong U Khrist bad jong U Blei.

DEUTERONOMI 22:22

“Lada lap ïa uno uno u briew ba u ïathiah shongkha bad ka tnga jong uwei pat u briew, baroh ar ngut ki dei ban shah pynïap, bad kumta phin pynduh noh ïa kane ka jingbymman na Israel.

1 THESSALONI 4:6

Ha kane ka rukom, te, uno uno u briew un ym dei ban leh bymdei ïa la u parabangeit lane shim kabu ïa u. Ngi la ïathuh ïa phi ïa kane mynshuwa, bad ngi maham jur ïa phi ba U Trai un pynshitom ïa kito kiba leh ïa kata.

1 TIMOTHI 3:12

U nongïarap ha ka balang u dei ban don tang kawei ka tnga, bad uba lah ban pynïaid bha ïa la ki khun bad ïa la ka longïing.

1 TIMOTHI 3:2

U nongïalam balang u dei ban long u bym don jingshah kynnoh; u dei ban don tang kawei ka tnga, uba leh adkar, uba synshar ïa lade, bad uba ïaid beit; uba khot ieit basa ïa ki nongwei ha la ka ïing; u dei ban long uba lah ban hikai; um dei ban long uba buaid lane u briew uba ïashoh ïadat, hynrei uba jemnud bad uba ïashongsuk; um dei ban ieit ïa ka pisa; u dei ban long uba lah ban pynïaid ïa la ka jong ka longïing bad u pynlong ïa la ki khun kiba kohnguh ïa u da jingñiewburom baroh.

1 TIMOTHI 4:3

Kiba kum kita ki briew ki hikai ba ka long ka bym dei ban shongkurim bad ban bam kyndiah ïa ki katto katne ki jait jingbam. Hynrei U Blei u la thaw ïa kito ki jingbam ban bam, hadien ka jingduwai sngewnguh, da kito kiba long kiba ngeit bad kiba la tip ïa ka jingshisha.

1 TIMOTHI 5:14

Te ngan kham lah ba ki riewkynthei kiba dang kham samla kin shongkurim, kin don ki khun ki kti, bad sumar ïa la ki ïing, khnang ban ym ailad ïa ki nongshun jong ngi ban kren sniew ïa ngi.

TITOS 1:6

U nongsharai balang u dei ban long u bym don jingshah kynnoh pop; u dei ban don tang kawei ka tnga, bad ki khun jong u ki dei ban long ki bangeit bad ki bym don jingbudnam ba ki long kiba leh thurmur lane ki bymkohnguh.

HEBRU 12:16

Wat ai ba uno uno un long uba im thala lane u bym kynja mynsiem, kum u Iso, uba tang namar shisien ka jingbam u la die noh ïa ki hok jong u kum u hynmen.

JINGPYNPAW 22:15

Hynrei shabar ka nongbah ki don ki riewkhyllah bad kito kiba leh byrtong, kiba awria bad ki nongpynïap briew, kito kiba mane ïa ki bleithaw bad kito kiba lamler ha ki ktien bad ki kam.