HEBRU 13:3 - Khasi CL Bible (BSI)

³ To kynmaw ïa kito kiba don ha ïingbyndi, la kumba phi don lang bad ki ha ïingbyndi. Kynmaw ïa kito kiba shahshitom, la kumba phi ruh phi shahshitom kum ma ki.

KA BAIBL

³ To phin kynmaw ïa ki nongsah byndi, kum kiba la khum lem bad ki; bad ïa kita ïa kiba la leh beiñ, kum kiba long ïa lade hi ruh ha ka met.

HEBRU 13:3 ပူးပေါင်းရင်းမြစ်များ

JENESIS 40:23

Hynrei u nongrah khuri um shym la pyrkhat ei ei shaphang u Joseph — u la klet noh ïa kaei kaei baroh shaphang jong u.

MATHAÏOS 25:36

nga la lyngkhuit bad phi la pynkup jaiñ ïa nga; nga la pang bad phi la shim ban sumar ïa nga, nga la don ha ïingbyndi bad phi la wan jngoh ïa nga.’

MATHAÏOS 25:43

nga la long u nongwei, hynrei phim shym la pdiang sngewbha ïa nga ha ki ïing jong phi, nga la lyngkhuit, hynrei phim shym la pynkup jaiñ ïa nga; nga la pang bad nga la don ha ïingbyndi, hynrei phim shym la sumar ïa nga.’

KI KAM 24:23

U la hukum ïa u rangbah pynïaidkam uba khmih ïa u Paul ban buh ïa u hapoh ka jingap phira, hynrei ban ai ha u katto katne ka jinglaitluid bad ban shah ïa ki paralok jong u ban pynbiang ïa ki jingdonkam jong u.

KI KAM 27:3

Ha ka sngi kaba bud ngi la poi ha Sidon. U Julius u la lehsbun ïa u Paul bad u la shah ïa u ban leit bad ïakynduh ïa la ki paralok, ba kin ai kat kaba u donkam.

Ka Shithi U Paul Sha Ki Nong Rom 12:15

To ïakmen bad kito kiba kmen, to ïa-ïam bad kito kiba ïam.

1 KORINTH 12:26

Lada kawei ka dkhot jong ka met ka shitom, baroh kiwei pat ki dkhot met ki ïashitom lem bad ka; lada kawei ka dkhot met ka ïoh jingïaroh, baroh kiwei pat ki dkhot met ki ïoh bynta lang ha ka jingkmen.

EPHESOS 4:1

Nga kyntu ïa phi, te — nga uba long u nongsah byndi namar ba nga shakri ïa U Trai; to im ka jingim kaba la thew kat kum ka rukom kaba U Blei u la buh haba u la khot ïa phi.

KOLOSSAI 4:18

Da ka kti jong nga hi nga thoh ïa kane: Ki jingai khublei na u Paul. Wat klet ïa ki kynjri jong nga! To ai ba ka jingaiei jong U Blei kan long lem bad phi.

HEBRU 10:34

Phi shahshitom lem bad ki koidi, bad haba ki jingdon jingem jong phi baroh ki la shah kurup, phi la shah ïa la ka jingduh da kaba kmen, namar phi la tip ba phi la ïoh kam kynti shibun kiei kiei kiba kham bha, kiba neh junom.

HEBRU 11:37

La lynthem maw ïa ki, la ot arliang ïa ki, la pynïap ïa ki da ka waitlam. Ki la ïaid kylleng, ki da phong da ki jaiñ snieh langbrot lane snieh blang — ha ka jingduk, ha ka jingshah pynshitom, bad ha ka jingshah lehbeiñ.

1 PETROS 3:8

Kum ban pynkut: Phi baroh to ïadon kajuh ka jingmut bad kajuh ka jingsngew, to ïa-ieit iwei ïa iwei pat kum shi para, bad to long kiba sbun mynsiem bad kiba sngewrit iwei ïa iwei pat.