HEBRU 13:2 - Khasi CL Bible (BSI)

² Da kynmaw ban pdiang sngewbha ïa ki nongwei ha ki ïing jong phi. Don kiba la leh kumta bad pdiang sngewbha ïa ki angel khlem da tip ïa kata.

KA BAIBL

² Wat klet ban pyni ka jingieit ïa ki nongwei: namar da kata la don kiba la pdiang sngewbha ïa ki angel khlem tip.

HEBRU 13:2 ပူးပေါင်းရင်းမြစ်များ

JENESIS 18:1

U Trai u la mihpaw ha u Abraham harud ki dieng kyntang jong u Mamre. Katba u Abraham u dang shong ha ka jingkhang ka ïingjaiñ jong u ha ka por ba dang shit kyr-ang mynsngi, u la khmied bad u la ïohi lai ngut ki rangbah kiba ïeng hangta.

JENESIS 19:1

Haba kita ki ar ngut ki angel ki la poi ha Sodom ha ka por janmiet, u Lot u dang shong ha ka khyrdop jong ka nongbah. Haba u tang shu ïohi ïa ki, u ïeng joit ban leit ïashem ïa ki.

2 SYIEM 4:8

Ha kawei ka sngi u Elisha u leit sha Shunem, ha kaba ka briew kaba riewspah ka shong. Ka la khot bam ïa u, bad naduh kata, ha man ba u leit sha Shunem, u ju bam jingbam ha ïing jong ka.

Ka Kitab U Job 31:19

Haba nga shem ïa uno uno uba kyrduh, uba duk palat ban ïoh thied jaiñ thied nep,

Ka Kitab U Job 31:32

Nga khot sngewbha sha ïing jong nga ïa ki nongleit jingleit bad ngam ju shah ba kin thiah miet ha ki surok bah.

ISAÏAH 58:7

Ïasam lang ïa ki jingbam jong phi bad kiba thngan, bad ai jaka sah ïa kiba duk ki bym don ïing. Ai jaiñphong ïa kito ki bym don jaiñ ban phong, bad wat kyntait ban ïarap ïa la ki jong ki ba-ha-ïing.

LEBITIKOS 19:34

Leh ïa ki kumba phi leh ïa la u para Israel, bad ieit ïa ki kumba phi ieit ïa lade. Kynmaw ba phi ruh shisien phi la long ki nongwei ha ri Ijipt. Nga long U Trai U Blei jong phi.

MATHAÏOS 25:35

Nga la thngan bad phi la bsa ïa nga, nga la sliang bad phi la ai jingdih ïa nga; nga la long u nongwei bad phi la pdiang sngewbha ïa nga ha ki ïing jong phi,

MATHAÏOS 25:40

U Syiem un jubab, ‘Nga ong ha phi, ba man ba phi leh ïa kane na ka bynta uno uno uba rit tam na kine ki dkhot jong ka longïing jong nga, phi la leh ïa kane na ka bynta jong nga!’

MATHAÏOS 25:43

nga la long u nongwei, hynrei phim shym la pdiang sngewbha ïa nga ha ki ïing jong phi, nga la lyngkhuit, hynrei phim shym la pynkup jaiñ ïa nga; nga la pang bad nga la don ha ïingbyndi, hynrei phim shym la sumar ïa nga.’

KI KAM 16:15

Hadien ba ma ka bad ki dkhot jong ka ïing jong ka ki la shah pynbaptis, ka la khot sngewbha ïa ngi, “To wan bad sah hapoh ka ïing jong nga lada phi la pdiang ba nga long ka parabangeit bashisha ha U Trai.” Bad ka la pynkohnguh ïa ngi ban leit.

Ka Shithi U Paul Sha Ki Nong Rom 12:13

To ïasam lem ïa ki jingdon jong phi bad ki parabangeit kiba kyrduh, bad to pdiang sngewbha sha ki ïing jong phi ïa ki nongwei.

Ka Shithi U Paul Sha Ki Nong Rom 16:23

U Gaïos, uba ai jaka sah ïa nga, uba ha ka ïing jong u ka balang ka ïaseng, u phah ïa phi ki jingai khublei; u Erastos, u nongsumar ïa ki jingkynshew ha ka nongbah, bad u Kuartos, u parabangeit jong ngi, ki phah ïa ki jingkhublei jong ki.

1 TIMOTHI 3:2

U nongïalam balang u dei ban long u bym don jingshah kynnoh; u dei ban don tang kawei ka tnga, uba leh adkar, uba synshar ïa lade, bad uba ïaid beit; uba khot ieit basa ïa ki nongwei ha la ka ïing; u dei ban long uba lah ban hikai; um dei ban long uba buaid lane u briew uba ïashoh ïadat, hynrei uba jemnud bad uba ïashongsuk; um dei ban ieit ïa ka pisa; u dei ban long uba lah ban pynïaid ïa la ka jong ka longïing bad u pynlong ïa la ki khun kiba kohnguh ïa u da jingñiewburom baroh.

1 TIMOTHI 5:10

Nalor kata ka dei ban long kaba la shongkurim tang shisien bad donnam ha ki kam babha: Ka briew kaba la pynsan pynrangbah bha ïa la ki khun, kaba pdiang ïa ki nongwei ha ka ïing jong ka, kaba leh ïa ki kam rit na ka bynta ki parabangeit, kaba ïarap ïa ki briew kiba don ha ka jingjynjar, bad kaba aiti ïa lade ha kaba leh ïa kaba bha.

TITOS 1:8

U dei ban long uba lehsbun bad uba ieit ïa kaei kaba bha. U dei ban long uba synshar ïa lade, uba beit, u bakhuid, bad uba leh ryntih.

1 PETROS 4:9

To plie kylluid ïa ki ïing jong phi iwei ïa iwei pat khlem jingkhñium.

3 ÏOANNIS 1:5

Ko paralok ba-ieit jong nga, me long uba ïaineh bha ha ka kam ba me leh na ka bynta ki parabangeit jong me, wat haba ki long ki nongwei.