HEBRU 13:1 - Khasi CL Bible (BSI)

¹ To ïaineh ha kaba ïa-ieit iwei ïa iwei kum ki parabangeit.

KA BAIBL

¹ To kan ïaineh ka jingïa-ieit parabangeit.

HEBRU 13:1 ပူးပေါင်းရင်းမြစ်များ

SALM 133:1

A katno kaba phylla ka long, katno kaba sngewtynnat, haba ki briew jong U Blei ki ïashong lang ha kawei ka jingmut!

ÏOANNIS 15:17

Kane, te, ka long kaei kaba nga hukum ïa phi; to ïa-ieit iwei ïa iwei pat.

KI KAM 2:1

Haba ka sngi Pentekost ka la poi, baroh ki riewngeit ki la ïalumlang ha kawei ka jaka.

KI KAM 4:32

Ka kynhun ki riewngeit ka la long ha kawei ka jingmut bad kawei ka mynsiem. Ym don uba ong ba kano kano ka jingdon jong u ba ka long ka jong u hi, hynrei baroh ki la ïasam iwei ïa iwei pat ïa kaei kaei kaba ki la don.

GALATIA 5:13

Na ka bynta jong phi pat, ko ki parabangeit jong nga, la khot ïa phi ban long kiba laitluid. Hynrei wat shah ba kane ka jinglaitluid kan kylla long ka jingailad ïa ki jingkwah brai ka doh ban synshar ïa phi. Pynban, ai ba ka jingieit kan pynlong ïa phi ban ïashakri iwei ïa iwei pat.

GALATIA 5:22

Hynrei U Mynsiem u pynmih ïa ka jingieit, ka jingkmen, ka jingsuk, ka jingïaishah, ka jinglehsbun, ka jingbha, ka jingïaineh, ka jingsngewrit, bad ka bor halor lade.

GALATIA 5:6

Naba haba ngi long ha U Khrist Jisu, ka jingotsher lane ka jingbymdon jong ka kam don satia kano kano ka jingïapher; kaei kaba kongsan ka long ka jingngeit kaba trei da ka jingieit.

EPHESOS 4:3

To ïaleh shitom ban pynneh ïa ka jinglong shi tylli ïa kaba U Mynsiem u ai lyngba ka jingsuk kaba tehsong lang ïa phi.

EPHESOS 5:2

Ïa ka jingim jong phi dei ban synshar da ka jingieit, kumba U Khrist u la ieit ïa ngi bad u la aiti ïa la ka jingim na ka bynta jong ngi kum ka jingainguh ba-iwbih bad ka jingkñia ba pynsngewbha ïa U Blei.

2 THESSALONI 1:3

Ko parabangeit jong ngi, ngi dei ban ainguh ïa U Blei ha ki por baroh na ka bynta jong phi. Ka long kaba dei ïa ngi ban leh kumta, namar ba ka jingngeit jong phi ka la san shikatdei eh bad ba ka jingieit kaba iwei pa iwei na phi, phi don na ka bynta kiwei pat ka la nang kham khraw.

HEBRU 10:24

To ngin pyrkhat khia uwei ïa uwei pat, ban ïarap uwei ïa uwei pat, ban pynpaw ïa ka jingïa-ieit bad ban lehbha.

1 PETROS 1:22

Mynta ba da ka jingkohnguh jong phi ha ka jingshisha phi la pynkhuid ïa lade bad ïa ka ban don ka jingieit parabangeit ba khlem arsap, to phin da ieit shitrhem paralok da la ka dohnud baroh.

1 PETROS 2:17

To ñiewburom ïa baroh, to ieit ïa la ki parabangeit, to tiengburom ïa U Blei, bad ñiewburom ïa u Patsha.

1 PETROS 3:8

Kum ban pynkut: Phi baroh to ïadon kajuh ka jingmut bad kajuh ka jingsngew, to ïa-ieit iwei ïa iwei pat kum shi para, bad to long kiba sbun mynsiem bad kiba sngewrit iwei ïa iwei pat.

1 PETROS 4:8

Nalor kiei kiei baroh, to ïa-ieit shitrhem iwei ïa iwei pat, namar ka jingieit ka tap noh lin ïa ki pop babun.

2 PETROS 1:7

ha ka jinglong riewblei pynlang ïa ka jingïadei parabangeit; bad ha ka jingïadei parabangeit pynlang ïa ka jingieit.

1 ÏOANNIS 3:23

Kaei kaba u hukum ka long ba ngi ngeit ha U Jisu Khrist, U Khun jong u bad ngi ïa-ieit iwei ïa iwei, kumba U Khrist u la hukum ïa ngi.

1 ÏOANNIS 4:20

Lada uno uno u ong ba u ieit ïa U Blei, hynrei u isih ïa la u parabriew, u long uba lamler. Naba um lah ban ieit ïa U Blei, ïa uba um shym ïohi, lada um ieit ïa la u parabriew ïa uba u ïohi.

JINGPYNPAW 2:4

Hynrei kane ka long kaei kaba nga don pyrshah ïa pha: Pham ieit ïa nga mynta kumba pha la leh ha kaba nyngkong.