HEBRU 12:9 - Khasi CL Bible (BSI)

⁹ Ha kaba ïadei bad ki kpa jong ngi ha kane ka pyrthei, ki sneng sympat ïa ngi bad ngi burom ïa ki. Katno tam, te, ngi dei ban pyndem ha U Kpa ba kynja mynsiem jong ngi bad ïoh im.

KA BAIBL

⁹ Nalor kane, ngi la ju don kita ki kpa ka doh jong ngi ban sneng sympat ïa ngi, bad ngi la ju burom ïa ki: hato ngin ym kham long shibun hapoh U Kpa ki mynsiem jong ngi, bad ban im?

HEBRU 12:9 ပူးပေါင်းရင်းမြစ်များ

Ka Kitab U Job 12:10

Dei U Blei uba pynïaid ïa ka jingim jong ki jingthaw jong u; ka jingim jong uwei pa uwei ka don hapoh ka bor jong u.

EKSODOS 20:12

“Burom ïa la u kpa bad ïa la ka kmie, ba phi lah ban im slem ha ka ri kaba nga ai ha phi.

PROBERB 30:17

Uno uno uba leh biria ïa la u kpa lane uba ñiewbeiñ ïa la ka kmie ha ka jinglong tymmen jong ka u dei ban shah bam ha ki pukni ne shah khlaw ki khmat ha ki tyngab khlaw.

EKLESIASTIS 12:7

Ki met jong ngi kin kylla sha u pui pui khyndew, bad ka jingpyrsad ka jingim kan leit phai pat sha U Blei, uba la ai ïa ka ha ngi.

ISAÏAH 38:16

A Trai, ngan im na ka bynta jong me, bad tang ïa me hi; to pynkhiah ïa nga bad ai ngan im.

ISAÏAH 42:5

U Blei u thaw ïa ki bneng bad u pynpyiar ïa ki; u pynwandur ïa ka pyrthei bad ïa baroh kiba shong ha ka; u ai jingim bad u pyrsad mynsiem ïa la ki briew baroh. Bad mynta U Trai U Blei u ong ha la u shakri,

ISAÏAH 45:10

Hato uno uno un nud ban ong ïa la ki kmie ki kpa, “Balei phi pynlong ïa nga kumne?”

ISAÏAH 57:16

Nga ai ka jingim ïa ki briew jong nga, bad ngan ym mudui sah ïa ki lane bitar ïa ki junom.

ESEKIEL 22:7

Ym don uwei ruh ha ka nongbah uba burom ïa la ki kmie ki kpa. Phi shukor ïa ki nongwei bad shim kabu ïa ki riewkynthei bad ki khunswet.

LEBITIKOS 19:3

Uwei pa uwei na phi u dei ban burom ïa la ka kmie bad ïa la u kpa, bad u dei ban rakhe ïa ka Sabbaton, kumba nga la hukum. Nga long U Trai U Blei jong phi.

SEKHARAÏAH 12:1

Kane ka dei ka khubor shaphang ka Israel na U Trai, U Trai uba la pyiar ïa ka suiñbneng, uba la thaw ïa ka pyrthei, bad uba la ai jingim ïa u briew. U ong,

MALAKHI 1:6

U Trai Badonbor Baroh u ong ha ki lyngdoh, “U khun u burom ïa la u kpa, bad u shakri u burom ïa la u kynrad. Nga long u kpa jong phi — balei phim burom ïa nga? Nga long u kynrad jong phi — balei phim ñiewkor ïa nga? Phi ñiewbeiñ ïa nga, bad pynban phi kylli, ‘Da kumno ngi ñiewbeiñ ïa me?’

JINGKHEIÑ 16:22

Hynrei u Moses bad u Aaron ki dem khrup ha khyndew bad ki ong, “A Blei, me, me long ka thymmei jong ka jingim baroh. Haba uwei na ngi u leh pop, hato men shu bitar lep ïa ka kynhun baroh kawei?”

JINGKHEIÑ 27:16

“A Trai uba U Blei, uba long ka thymmei jong ka jingim baroh, nga kyrpad ïa me to thung ïa u briew uba lah ban ïalam ïa u paidbah,

LOUKAS 18:2

“Ha kawei ka shnong la don u nongbishar u bymsheptieng ïa U Blei lymne burom ïa u briew.

LOUKAS 18:4

La slem bah u nongbishar u la kyntait ban leh ei ei, hynrei ha kaba khatduh u la ong ha lade, ‘Wat la ngam sheptieng ïa U Blei lane burom ïa u briew,

ÏOANNIS 3:6

Ïa u briew la kha ha ka doh na ki kmie ki kpa kiba long ki briew, hynrei la kha ha kaba kynja mynsiem na U Mynsiem.

KI KAM 2:30

U la long u nongïathuhlypa, bad u la tip aïu U Blei u la kular ïa u: U Blei u la pynlong ka jingsmai ba un pynlong syiem ïa uwei na ki khun ki ksiew jong u Dabid, kumba u Dabid u la long.

Ka Shithi U Paul Sha Ki Nong Rom 1:3

Ka dei shaphang U Khun jong u, U Jisu Khrist uba U Trai jong ngi: Shaphang ka jinglongbriew jong u, ïa u la kha uba hiarpateng na u Dabid;

Ka Shithi U Paul Sha Ki Nong Rom 9:3

Na ka bynta jong ki nga kwah ba ngan jin da la don hapoh ka jingtim U Blei ba la pynïakhlad na U Khrist.

Ka Shithi U Paul Sha Ki Nong Rom 9:5

ki hiarpateng na ki kpa tymmen Hebru bapawnam; bad U Khrist, kum u briew, u long na ka jaitbynriew jong ki. To ai ba yn ïaroh junom ïa U Blei uba synshar halor baroh! Amen.

DEUTERONOMI 27:16

“ ‘Ka jingtim U Blei kan hap ha uta u briew uba pynjahburom ïa la u kpa lane ïa la ka kmie.’ “Bad u paidbah baroh un jubab lang, ‘Amen!’

JAKOB 4:10

To phin pynrit ïa lade ha khmat U Trai, bad un pynkhraw ïa phi.

JAKOB 4:7

Kumta te, to pyndem ha U Blei. To ïaleh pyrshah ïa u Bymman, bad un phet ïap noh na phi.

1 PETROS 5:6

To phin pynrit ïa lade, namarkata, hapoh ka kti badonbor U Blei, khnang ba un ïoh kyntiew ïa phi shajrong ha ka por kaba biang jong u hi.

JINGPYNPAW 22:6

Nangta u angel u la ong ha nga, “Kine ki ktien ki long kiba shisha bad kiba lah ban shaniah. Bad U Trai uba U Blei, uba ai ïa U Mynsiem jong u ha ki nongïathuhlypa, u la phah ïa u angel jong u ban pyn-i ha ki shakri jong u ïa kaei kaba dei ban jia shen.”