HEBRU 12:3 - Khasi CL Bible (BSI)

³ To da pyrkhat ïa kaei kaba u la ïaid lyngba, kumno u la buh ïa lade ban shah isih ha ki nongpop! Kumta wat ai ba phin noh mynsiem bad kynran dien.

KA BAIBL

³ Namar to phin pyrkhat ïa uta uba la shah ïa kaba katne ka jingkren pyrshah ïa lade da ki bapop, ba phin ym man thait da kaba sngewtlot ngai-ly-ngai ha ki mynsiem jong phi.

HEBRU 12:3 ပူးပေါင်းရင်းမြစ်များ

PROBERB 24:10

Lada phi long uba tlot ha ka por shipa, phi dei uba tlot shisha.

ISAÏAH 50:4

U Trai Nongsynshar u la hikai ïa nga kaei ban ong, khnang ba ngan lah ban pynkhlaiñ ïa kiba tlot bor. Man la ka step u pynlong ïa nga ban thrang eh ban ïohsngew ïa kaei kaba un hikai ïa nga.

MATHAÏOS 11:19

Haba U Khun U Briew u la wan, u la bam bad u la dih, bad uwei uwei baroh u la ong, ‘Ha khmih ïa une u briew! U long uba lalot bad u nongdih, u paralok jong ki nonglum khajna bad kiwei pat kiba la shah kyntait!’ Pynban, ïa ka jingstad Blei la pyn-i ba ka long kaba shisha da kiba mih na ka.”

MATHAÏOS 12:24

Haba ki Pharisi ki la ïohsngew ïa kane, ki la jubab, “U la beh noh ïa ki ksuid tang namar ba u rangbah jong ki, u Beelsebul u ai bor ïa u ban leh kumta.”

MATHAÏOS 15:2

“Balei ba ki synran jong me kim kohnguh ïa ka jinghikai ba la ai pateng da ki kpa tymmen jong ngi? Kim ju thet ïa la ki kti ha ka rukom kaba dei ha shuwa ba kin bam!”

MATHAÏOS 21:23

U Jisu u la wan pat sha ka Templ; bad katba u dang hikai, ki rangbah lyngdoh bad ki tymmen ki san ki la wan sha u bad ki la kylli, “Me don hok aïu ban leh ïa kine kiei kiei? Mano ba ai ha me ïa kane ka hok?”

MATHAÏOS 21:46

kumta ki la pyrshang ban kem ïa u. Hynrei ki la sngewsheptieng ïa u paidbah, uba la ñiew ba U Jisu u dei u nongïathuhlypa.

MATHAÏOS 22:15

Ki Pharisi ki la leit noh bad ki la pynlong ka jingthmu ban riam ïa U Jisu da ki jingkylli.

LOUKAS 14:1

Ha kawei ka sngi Sabbaton, U Jisu u la leit ban bam ha ka ïing jong uwei na ki Pharisi kiba kham pawkhmat; bad ki briew ki la khmih bha ïa U Jisu.

LOUKAS 15:2

ki Pharisi bad ki nonghikai ka Hukum ki la sdang ban khñium, “Une u briew u pdiang sngewbha ïa kiba shah kyntait bad u da ïabam lem bad ki!”

LOUKAS 16:14

Haba ki Pharisi ki la ïohsngew ïa kane baroh, ki la rkhiebeiñ ïa U Jisu, namar ba ki ieit ïa ka pisa.

LOUKAS 2:34

U Simeon u la kyrkhu ïa ki bad u la ong ha ka Mari, ka kmie jong u, “Ïa une u khunlung la jied da U Blei na ka bynta ka jingpynjot bad ka jingpynim ïa kiba bun ha Israel. Un long ka dak na U Blei ïa kaba kiba bun ki briew kin kren pyrshah bad kumta un pynpaw ïa ki jingpyrkhat barieh jong ki.

LOUKAS 5:21

Ki nonghikai ka Hukum bad ki Pharisi ki la sdang ban ïakren para ma ki, “Uei une u briew uba kren kum kane ka jingkrenbeiñ Blei! U Blei u long tang ma u hi uba lah ban map ïa ki pop!”

ÏOANNIS 10:20

Bun na ki, ki la ïa-ong, “U shongksuid! U la lamwir! Balei phi ïa-shahskhor ïa u?”

ÏOANNIS 18:22

Haba U Jisu u la ong ïa kane, uwei na ki nongap phira hangta u la thab ïa u bad u la ong, “Kumno me nud ban kren kum kata ïa u Rangbah Lyngdoh?”

ÏOANNIS 5:16

Kumta ki la sdang ban wad dong ban pynshitom ïa U Jisu, namar ba u la leh ïa kane ka jingpynkhiah ha ka sngi Sabbaton.

ÏOANNIS 7:12

Ka la don ka jingïa-pasiaw kaba jur shaphang jong u hapdeng u paidbah. “U long u briew uba bha,” don kiba la ong. “Em,” kiwei ki la ong, “u ïalam bakla ïa ki briew.”

ÏOANNIS 8:13

Ki Pharisi ki la ong ïa u, “Mynta me phla da lade na ka bynta ïa lade; kaei kaba me ong kam pynshisha ei ei.”

ÏOANNIS 8:52

Ki la ong ha u, “Mynta ngi sngewthikna ba me don u ksuid! U Abraham u la ïap, bad ki nongïathuhlypa ki la ïap, pynban me ong ba lada uno uno uba kohnguh ïa ka jinghikai jong me un ym ïap lano lano ruh.

ÏOANNIS 8:59

Nangta ki la ïa-khar ïa ki maw ban lynthem ïa u, hynrei U Jisu u la buhrieh ïa lade bad u la mihnoh na ka Templ.

ÏOANNIS 9:40

Katto katne ngut na ki Pharisi kiba ïadon hangta lem bad u ki la ïohsngew ïa u ba u ong ïa kane bad ki la kylli ïa u, “Da shisha mem mut ba ngi ruh ngi matlah?”

1 KORINTH 15:58

Te kumta, ko parabangeit ba-ieit jong nga, to long phi kiba ïeng skhem bad kiba ïaineh. To long kiba ïai trei minot ïa ka kam U Trai, namar phi tip ba kano kano kaba phi leh ha ka jingshakri ïa U Trai kam ju long kaba lehnoh-ei.

2 KORINTH 4:1

U Blei ha ka jingisynei jong u, u la ai ha ngi ïa kane ka kam ban trei, bad kumta ngim shym la noh mynsiem.

2 KORINTH 4:16

Na kane ka daw ngim ju duh jingkyrmen. Wat la ki met ba kynja doh jong ngi ki la nang pyut noh, pynban, ïa ki met ba kynja mynsiem jong ngi la nang pynthymmai na kawei ka sngi sha kawei ka sngi.

GALATIA 6:9

Kumta to ai ba ngin ym man thait ha kaba lehbha; namar lada ngim duh bor noh, ka por kan poi ha kaba ngin lum ïa ka jingot.

DEUTERONOMI 20:3

‘To sngap, ko Israel! Mynta ka sngi phin leit ban ïaleh thma. Wat sheptieng ïa ki nongshun jong phi, wat noh mynsiem, lane wat sngew syier.

2 THESSALONI 3:13

Hynrei ma phi, ko ki parabangeit, to wat man thait ha kaba leh ïa kaba bha.

HEBRU 12:2

To ngin ïakhmih shaiñ sha U Jisu, ha uba ka jingngeit jong ngi ka don naduh kaba sdang haduh kaba kut. U bym shym la kynran dien namar ka diengphna! Pynban, namar ka jingkmen kaba la ap ïa u, um shym pyrkhat ei ei ïa ka jingjahburom ban shahïap halor ka diengphna, bad mynta u la shong ha ka liang ka mon jong ka khet U Blei.

HEBRU 12:5

Hato phi la klet noh ïa ki ktien pynshlur ïa kiba U Blei u la kren ha phi kum ïa la ki khun? “Ko khun jong nga, to pynleit jingmut haba U Trai u sneng pynbeit ïa phi, bad wat sngew noh mynsiem haba u sneng ïa phi.

HEBRU 3:1

Ko parabangeit jong nga ïa kiba U Blei u la khot! To pyrkhat ïa U Jisu, ïa uba U Blei u la phah ban long U Rangbah Lyngdoh jong ka jingngeit kaba ngi ïaphla.

1 PETROS 2:23

Haba la krenbeiñ ïa u, um shym pynphai ktien kylliang da kaba krenbeiñ; haba u shahshitom, um shym la byrngem, hynrei u la buh ïa la ki jingkyrmen ha U Blei, u Nongbishar bahok.

JINGPYNPAW 2:3

Pha long kaba ïaishah, pha la shahshitom na ka bynta jong nga, bad pham shym la kynran dien.

1 SAMUEL 12:24

Kohnguh ïa U Trai bad shakri hok ïa u da ka dohnud jong phi baroh. To kynmaw ïa kiei kiei kiba khraw kiba u la leh na ka bynta jong phi.