HEBRU 12:2 - Khasi CL Bible (BSI)

² To ngin ïakhmih shaiñ sha U Jisu, ha uba ka jingngeit jong ngi ka don naduh kaba sdang haduh kaba kut. U bym shym la kynran dien namar ka diengphna! Pynban, namar ka jingkmen kaba la ap ïa u, um shym pyrkhat ei ei ïa ka jingjahburom ban shahïap halor ka diengphna, bad mynta u la shong ha ka liang ka mon jong ka khet U Blei.

KA BAIBL

² da kaba khmih sha U Jisu U Nongpynlong bad U Nongpynjanai ïa ka jingngeit jong ngi, uba namar kata ka jingkmen ïa kaba la buh ha khmat jong u, u la shah ïa ka diengphna, u da ibeiñ ïa ka jinglehrain, bad u la shong ha ka kti kamon ka khet U Blei.

HEBRU 12:2 ပူးပေါင်းရင်းမြစ်များ

SALM 110:1

U Trai u la ong ha u trai jong nga, u syiem, “Shong hangne ha ka liang kamon jong nga haduh ba ngan da pyndem ïa ki nongshun jong me hapoh ki kjat jong me.”

SALM 138:8

Me pyndep ïa kiei kiei baroh kiba me la kular; A Trai, ka jingieit jong me ka neh bymjukut. To pyndep ïa ka kam kaba me la sdang.

ISAÏAH 31:1

Kito kiba leit sha Ijipt ban ïoh jingïarap kin jot! Ki shaniah ha ka bor shipai bakhraw jong ka Ijipt — ki kulai, ki kali ïapom, bad ki shipai. Hynrei kim tip ban shaniah ha U Trai, U Blei Bakhuid ki Israel, lane pan na u ïa ka jingïarap.

ISAÏAH 45:22

“To phai sha nga mynta bad ban im, ko ki briew baroh kylleng ka pyrthei! Nga long tang ma nga U Blei.

ISAÏAH 53:3

Ngi la ñiewbeiñ ïa u bad ngi la kyntait ïa u; u la shah ïa ka jingshitom bad jingpang. Ym don mano mano wat ban peit ïa u — ngi la leh bymsalia ïa u kum u bym long ei ei.

ISAÏAH 8:17

U Trai u la buhrieh ïa lade na ki briew jong u, hynrei nga shaniah ha u bad buh ïa ka jingkyrmen jong nga ha u.

MIKAH 7:7

Hynrei ngan ap khmih ïa U Trai; ngan ap skhem ïa U Blei, u ban pyllait im ïa nga. U Blei jong nga un sngew ïa nga.

SEKHARAÏAH 12:10

“Ngan pyndap ïa ki khun ki ksiew jong u Dabid bad ïa kiwei pat ki briew jong ka Jerusalem da ka mynsiem ka jingisynei bad ka mynsiem ka jingduwai. Kin ïakhmih ha uta ïa uba ki la dung pynïap, bad kin ïambriew na ka bynta jong u kum kito kiba ïambriew na ka bynta i khun marwei. Kin ïambriew kthang eh, kum kito kiba la duh noh ïa u khun nyngkong jong ki.

JINGKHEIÑ 21:9

Kumta u Moses u shna ïa u 'seiñ rnong bad u wah ïa u ha u dieng. Kat uba shah puh bseiñ u peit sha uta u 'seiñ rnong bad u koit.

MATHAÏOS 16:21

Naduh kata ka por U Jisu u la sdang ban kren shai ha la ki synran, “Nga dei ban leit sha Jerusalem bad shahshitom shibun na ki tymmen ki san, ki rangbah lyngdoh bad ki nonghikai ka Hukum. Ïa nga yn pynïap, hynrei hadien lai sngi yn sa pynmihpat ïa nga.”

MATHAÏOS 20:28

kum U Khun U Briew, u bym shym la wan ba un shah shakri, hynrei ban shakri bad aiti ïa la ka jingim ban siewspah ïa ki briew kiba bun.”

MARKOS 14:36

“Ko Pa,” u duwai, “Ko Pa jong nga! Baroh kiei kiei ki long kiba lah ha me. Shim noh na nga ïa kane ka khuri jong ka jingshahshitom. Pynban ym ïa kaei kaba nga kwah, hynrei ïa kaei kaba me kwah.”

MARKOS 15:28

Ha kane ka rukom la pynurlong ïa ka Jingthoh Bakhuid kaba ong, “U la don bynta ha ka kupar ki nongpalat.”

MARKOS 16:19

Hadien ba U Trai Jisu u la lah kren bad ki, ïa u la shim noh sha bneng bad u la shong ha ka liang kamon jong U Blei.

MARKOS 9:12

Ka jingjubab jong u ka long, “U Elijah u wan shisha nyngkong khnang ban pynkhreh ïa kiei kiei baroh. Pynban balei ba ki Jingthoh Bakhuid ki ong ba U Khun U Briew un hap shahshitom shibun bad shah kyntait?

MARKOS 9:24

U kpa mar kumta hi u la pyrta, “Nga don ka jingngeit, hynrei kam da biang. To ïarap ïa nga ba ngan don shuh shuh!”

LOUKAS 17:5

Ki apostol ki la ong ha U Trai, “To kham pynkhraw ïa ka jingngeit jong ngi.”

LOUKAS 23:11

U Herod bad ki shipai jong u ki la krenbeiñ ïa U Jisu bad kim ñiewburom ïa u; nangta ki la buh ka jaiñkup ba-itynnat halor jong u bad u la phah pat ïa u sha u Pilat.

LOUKAS 24:26

Hato kam long kaba donkam ïa U Messaïah ban shahshitom ïa kine kiei kiei baroh bad nangta ban rung sha ka burom jong u?”

ÏOANNIS 1:29

Ha ka sngi kaba bud, U Ïoannis u la ïohi ïa U Jisu ba u wan sha u, bad u la ong, “Ha khmih, U Khunlangbrot jong U Blei, uba kit noh ïa ka pop jong ka pyrthei!

ÏOANNIS 12:24

Nga ïathuh ïa phi ïa ka jingshisha: U symboh kew u ïaisah hi tang shi symboh lymda la pynhap ïa u ha ka khyndew bad u ïap. Lada u da ïap, te u sei shibun ki sohkew.

ÏOANNIS 12:32

Ynda la kyntiew ïa nga na ka pyrthei, ngan khring ïa ki briew baroh sha nga.”

ÏOANNIS 13:3

U Jisu u la tip ba U Kpa u la ai ha u ïa ka bor baroh; u la tip ba u la wan na U Blei bad ba un sa leit sha U Blei.

ÏOANNIS 6:40

Naba kaei kaba U Kpa jong nga u kwah, ka long ba baroh kiba ïohi ïa U Khun bad ngeit ha u, ki dei ban ïoh ïa ka jingim bymjukut. Bad ngan pynmihpat ïa ki ha ka sngi kaba khatduh.”

ÏOANNIS 8:56

U Abraham uba long u kpa jong phi u la shadkmen ba u la ïohi ïa ka por jong ka jingwan jong nga; u la ïohi ïa ka bad u la kmen.”

KI KAM 2:36

“Baroh ki paid Israel, te, ki dei ban tip da kaba thikna ba une U Jisu, uba phi la sahnarphna, u dei uta uba U Blei u la pynlong U Trai bad U Messaïah!”

KI KAM 3:15

Phi la pynïap ïa uta uba ïalam sha ka jingim, hynrei U Blei u la pynmihpat ïa u na ka jingïap — bad ngi long ki sakhi ïa kane.

KI KAM 5:31

U Blei u la kyntiew ïa u sha ka liang kamon jong u kum u Nongïalam bad u Nongpynim, ban ai ha ki paid Israel ka kabu ban kylla-kaba-mut bad ban ïoh ka jingmap ïa ki pop jong ki.

KI KAM 5:41

Katba ki apostol ki mihnoh na ka Dorbar, ki la kmen, namar U Blei u la ñiew ïa ki, kiba bit ban shah ïa ka jahburom na ka bynta U Jisu.

1 KORINTH 1:18

Naba ka khubor shaphang ka jingïap U Khrist halor ka diengphna ka long ka jingibieit ha kito kiba jot noh; hynrei ïa ngi kiba la pynim, ka long ka bor U Blei.

1 KORINTH 1:23

Katba ma ngi, ngi pynbna ïa U Khrist ba la sahnarphna, ka khubor kaba long ka jingpynwit ha ki Jiw bad kaba ibieit ha ki Jentil; hynrei ha kito ïa kiba U Blei u la khot, ki Jiw bad ki Grik ruh, kane ka khubor ka long U Khrist, uba long ka bor U Blei bad ka jingstad U Blei.

EPHESOS 2:16

Da ka jingïap jong u halor ka diengphna, U Khrist u la pynduh thiaw ïa ka jingïashun jong ki; da ka lynti jong ka diengphna u la pynïasoh lang ar ki jaitbynriew ha kawei ka met, bad u la wallam pat ïa ki sha U Blei.

EPHESOS 5:2

Ïa ka jingim jong phi dei ban synshar da ka jingieit, kumba U Khrist u la ieit ïa ngi bad u la aiti ïa la ka jingim na ka bynta jong ngi kum ka jingainguh ba-iwbih bad ka jingkñia ba pynsngewbha ïa U Blei.

PHILIPPI 1:6

Bad kumta nga sngewskhem ba U Blei, uba la sdang ïa kane ka kam babha ha phi, un ïai trei ha phi haduh ba yn da pyndep ïa ka ha kata ka Sngi jong U Khrist Jisu.

PHILIPPI 3:20

Ma ngi pynban, ngi long ki traishnong jong ka bneng, bad ngi ïa-ap hir hir ïa U Nongpynim, U Jisu Khrist uba U Trai ban wan na bneng.

2 TIMOTHI 4:8

Bad mynta kaba ap ïa nga ka long ka bainong jong ka jingjop ïa kaba la buh beit da U Blei uba U Trai, u nongbishar bahok, u ban ai ha nga ha kata ka Sngi — ym tang ïa nga, hynrei ïa kito baroh kiba ap ïa u da ka jingieit ba un wanpaw.

HEBRU 1:13

U Blei um ju ong ha uno uno na ki angel jong u: “Shong hangne ha ka liang kamon jong nga haduh ba ngan da pynlong ïa ki nongshun jong me ba kin long kum ka jingïuhkjat hapoh ki kjat jong me.”

HEBRU 1:3

U pynpaw ïa ka jingtyngshaiñ ka burom U Blei bad u ïasyriem thik bad ka dur U Blei hi, uba kyrshan ïa ka pyrthei da ka ktien badonbor jong u. Hadien ba u la ïohpdiang ka jingmap ïa ki pop u khunbynriew, u la shong ha bneng ha ka liang kamon jong U Blei, U Bakhrawbor Tam.

HEBRU 10:14

Te da kawei ka jingkñia, u la pynjanai ha la ka rta ïa kito kiba la pynkhuid na ka pop.

HEBRU 10:33

Hateng hateng phi la shah krenbeiñ bad shah lehbeiñ ha kaba paw, bad ha kiwei pat ki por phi long la kloi ban don bynta bad kito kiba la shah leh ha kane kajuh ka rukom.

HEBRU 11:36

Ïa ki katto katne la rkhiebeiñ bad sympat, bad ïa kiwei pat la teh ha ki kynjri bad la set phatok ïa ki.

HEBRU 12:3

To da pyrkhat ïa kaei kaba u la ïaid lyngba, kumno u la buh ïa lade ban shah isih ha ki nongpop! Kumta wat ai ba phin noh mynsiem bad kynran dien.

HEBRU 13:13

Te, to ngin leit sha u shabar ka jaka shong dara ban ïoh bynta lang ha ka jingshah lehrain jong u.

HEBRU 5:9

Haba la pynlong janai ïa u, u la jia long ka tynrai jong ka jingim bymjukut na ka bynta kito baroh kiba kohnguh ïa u,

HEBRU 7:19

Naba ka Hukum u Moses kam lah ban pynlong janai ïa kano kano. Bad mynta la ai ïa ka jingkyrmen kaba kham bha da kaba ngi lah ban wan sha jan U Blei.

HEBRU 8:1

Ka bynta kaba kongsan na kine kiei kiei ïa kiba ngi kren ka long ba ngi don kum uta U Rangbah Lyngdoh, uba shong ha ka liang kamon jong ka khet ba kynja blei kaba ha bneng.

HEBRU 9:28

Ha kajuh ka rukom, U Khrist ruh u la kñia ainguh tang shisien ban bah noh ïa ki pop jong kiba bun. Un sa paw ha ka sien kaba ar, ym ban weng noh ïa ka pop, hynrei ban pynim ïa kita kiba ap khmih lynti ïa u.

JAKOB 2:1

Ko parabangeit jong nga, kum kiba ngeit ha U Jisu Khrist uba U Trai jong ngi, U Trai ka burom, phim dei ban ñiew ïa ki parabriew da ki rukom kiba pher na kaei kaba ïohi ïa ki na shabar.

1 PETROS 1:11

Ki pyrshang ban shem lano ka por kan long bad kumno kan wan. Kane ka la long ka por sha kaba U Mynsiem U Khrist uba don ha ki u kdew, ha kaba ïathuhlypa ïa ki jingshah shitom kiba U Khrist un hap ban shah bad ïa ka burom ka ban sa bud.

1 PETROS 3:18

Naba U Khrist u la ïap na ka bynta ki pop tang shisien bad na ka bynta ki por baroh, u briew uba bha na ka bynta ki nongpop, ba un ïoh ïalam ïa phi sha U Blei. La pynïap ïa u ha ka doh, hynrei la pynim pat ïa u ha ka mynsiem,

1 PETROS 3:22

uba la leit noh sha bneng bad u don ha ka kti kamon U Blei, da kaba synshar halor ki angel baroh bad ki nongsynshar bad ki bor ba kynja bneng.

JUDAH 1:21

bad to ri ïa lade ha ka jingieit U Blei, da kaba ap khmih ïa U Jisu Khrist uba U Trai jong ngi ha ka jingisynei jong u ban ai ha phi ïa ka jingim bymjukut.

JINGPYNPAW 1:11

Ka la ong, “Thoh ïa kaei kaba me ïohi, bad phah ïa ka kitab sha ki balang ha kine ki hynñiew tylli ki nongbah: ka Ephesos, ka Smyrna, ka Pergamum, ka Thiatira, ka Sardis, ka Philadelphia, bad ka Laodikaïa.”

JINGPYNPAW 1:17

Haba nga la ïohi ïa u, nga la dem khrup ha ki kjat jong u kum u briew ba la ïap. U la buh ïa ka kti kamon jong u halor jong nga bad u la ong, “Wat sheptieng! Nga long uba nyngkong bad uba khatduh.

JINGPYNPAW 1:8

“Nga long u Alpha bad u Omega,” ong U Trai U Blei Badonbor Baroh, uba long, uba la long bad u ban sa wan.

JINGPYNPAW 2:8

“Thoh sha u angel jong ka balang ha Smyrna: “Kane ka long ka khubor na uta uba long, uba nyngkong bad uba khatduh, uba la ïap bad uba la im pat.