HEBRU 11:7 - Khasi CL Bible (BSI)

⁷ Dei ka jingngeit kaba la pynlong ïa u Noah ban shahshkor ïa ki jingmaham U Blei shaphang kiei kiei ki ban sa jia ïa kiba um shym lah ban ïohi. U la kohnguh ïa U Blei bad u la thaw ïa ka ïinglieng ha kaba ma u bad ka longïing jong u ki la ïohlait im. Da kane, la pynrem ïa ka pyrthei, bad u Noah u la ïohpdiang na U Blei ïa ka hok kaba wan da ka jingngeit.

KA BAIBL

⁷ Da ka jingngeit, u Noah haba la maham ïa u da U Blei shaphang kita kiei kiei ïa ki bym pat shym la ïohi, haba la pynkhih ïa u da ka jingtieng riewblei, u la thaw ka ïinglieng ban pynim ïa ka ïing jong u; da kaba u la pynrem ïa ka pyrthei, bad u la jia long u nongïoh pateng ïa kata ka hok kaba katba kum ka jingngeit.

HEBRU 11:7 ပူးပေါင်းရင်းမြစ်များ

JENESIS 19:14

Nangta u Lot u la leit sha ki rangbah kiba la ïatehktien bad ki khun kynthei jong u, bad u ong, “To pynkloi bad mihnoh nangne; naba U Trai un sa pynjot thiaw ïa kane ka jaka.” Hynrei ki pyrkhat ba u shu kren biria.

JENESIS 6:13

U Blei u ong ha u Noah, “Nga la kut jingmut ban pynduh noh ïa ki briew baroh. Ngan pynjot thiaw ïa ki namar ka pyrthei ka la jyllei da ki kam leh jubor jong ki.

JENESIS 6:22

U Noah u la leh ïa kata baroh kat kaba U Blei u la hukum ïa u.

JENESIS 6:9

Kane ka long ka khana shaphang u Noah. U Noah u don lai ngut ki khun shynrang, u Shem, u Ham, bad u Japheth. U Noah um don ka jingthohbria bad u la long tang ma u, u briew uba bha ha ki sngi jong u.

JENESIS 7:23

U Trai u la pynduh khoit ïa ki jingthaw ba-im baroh kiba don ha ka pyrthei — ki briew, ki mrad ki mreng, bad ki sim. Kiba lait im ki long tang u Noah lem bad kito kiba don lem bad u hapoh kata ka lieng.

JENESIS 7:5

Bad u Noah u leh ïa kita baroh kiba U Trai u la hukum.

JENESIS 8:16

“Khie ïamihnoh na kato ka lieng bad la ka tnga, ki khun shynrang jong me lem bad ki tnga jong ki.

2 SYIEM 4:5

Kumta ka kynthei ka la leit sha la ïing lem bad la ki khun shynrang, ka la khang ïa ka jingkhang, ka la shim ïa u khra umphniang Olib uba rit, bad ka la phylliew umphniang ha ki khra kiba ki khun shynrang jong ka ki la wallam.

Ka Kitab U Job 35:8

U dei u parabriew jong me uba shahshitom na ki pop jong me, bad kaba bha kaba me leh ka ïarap ïa u.

PROBERB 22:3

Ki briew kiba sngewthuh ki ïohi ïa ka jingma ba ka wan bad ki kynriah na ka, hynrei u briew u bym pyrkhat un ïaid beit ha ka bad un babe kylla hadien.

PROBERB 27:12

Ki briew kiba shemphang kin ïohi ïa ka jingma ba ka wan bad kin kiar na ka, hynrei ki briew ki bym pyrkhat kin ïaid beit ha ka bad kin babe kylla hadien.

ESEKIEL 14:14

Wat lada kito ki lai ngut ki rangbah, u Noah, u Daniel bad u Job ki don hangta, ka jingbha jong ki kan pynim tang ïa ka jingim jong ki hi.” U Trai Nongsynshar u la kren.

ESEKIEL 14:20

wat lada u Noah, u Daniel, bad u Job ki shong ki sah hangta — kumba shisha ma nga, U Trai Nongsynshar, nga long U Blei uba im — kin ym lah ban pynim wat ïa la ki jong ki khun. Ka jingbha jong ki kan pyllait im tang ïa ka jingim jong ki.”

ESEKIEL 33:5

Ka jingïap jong u ka long na ka jingbakla jong u hi, namar um suidñiew ïa ka jingmaham. Lada u la shahshkor un jin da la lait im.

MATHAÏOS 2:12

Nangta ki la leit phai noh sha la ka ri na kawei pat ka lynti, namar U Blei u la maham ïa ki ha ka jingphohsniew ban ym leit phai pat sha u Herod.

MATHAÏOS 24:15

“Phin ïohi ïa ‘Ka Jingijli Bashyrkhei’ ïa kaba u Daniel u nongïathuh lypa u la kren. Kan ïeng ha ka jaka bakhuid.” (Ka jingkynthoh ïa u nongpule: Da pynthikna ban shemphang aïu kane ka kit jingmut!)

MATHAÏOS 24:25

To shahshkor! nga la ïathuh ha phi ïa kane ha shuwa ba ka por kan poi.

MATHAÏOS 24:38

Ha ki sngi shuwa ka jingshlei um, ki briew ki ïabam bad ïadih, ki shynrang bad ki kynthei ki ïashongkurim, haduh ka sngi hi kaba u Noah u la leit rung shapoh ka ïinglieng;

MATHAÏOS 3:7

Haba u Ïoannis u la ïohi ïa shibun ki Pharisi bad ki Saddusi kiba la wan sha u ban shah pynbaptis, u la ong ha ki, “Phi ki bseiñ — uei uba la ïathuh ha phi ba phi lah ban lait na ka jingpynshitom kaba U Blei un sa phah?

LOUKAS 17:26

Kumba ka la long ha ka por jong u Noah kumta kan long ha ki sngi jong U Khun U Briew.

Ka Shithi U Paul Sha Ki Nong Rom 1:17

Naba ka Gospel ka pynpaw kumno U Blei u pynlong ïa ki briew ban don ka jingïadei kaba beit bad U hi: Ka long lyngba ka jingngeit naduh kaba sdang haduh kaba kut. Kumba ka Jingthoh Bakhuid ka ong, “U briew uba beit bad U Blei da ka jingngeit un im.”

Ka Shithi U Paul Sha Ki Nong Rom 10:6

Hynrei kaei kaba ka Jingthoh Bakhuid ka ong shaphang ka jingïadei bad U Blei lyngba ka jingngeit ka long kane: “Phim dei ban kylli ïa lade, Uei u ban leit sha bneng?” (kata ka long, ban wallam ïa U Khrist sha tbian).

Ka Shithi U Paul Sha Ki Nong Rom 3:22

U Blei u pynlong ka hok bad ki briew lyngba ka jingngeit jong ki ha U Jisu Khrist. U Blei u leh ïa kane ïa baroh kiba ngeit ha U Khrist, namar ym don satia kano kano ka jingïapher:

Ka Shithi U Paul Sha Ki Nong Rom 4:11

Ïa u la otsher hadien, bad ka jingotsher ïa u ka la long ka dak ban pyn-i ba namar ka jingngeit jong u, U Blei u la pdiang ïa u kum uba hok shuwa ban otsher ïa u. Bad kumta u Abraham u long u kpa ba kynja mynsiem jong baroh kiba ngeit ha U Blei bad ïa kiba la pdiang kum kiba hok da u, wat la ïa ki ym shym la otsher.

Ka Shithi U Paul Sha Ki Nong Rom 4:13

Mynba U Blei u la kular ïa u Abraham bad kiba hiarpateng na u ba ka pyrthei kan long ka jong u, u la leh kumta, ym namar ba U Abraham u la kohnguh ïa ka Hukum, hynrei namar u la ngeit bad la ñiew ïa u, uba hok da U Blei.

Ka Shithi U Paul Sha Ki Nong Rom 9:30

Te kumta ngi ong ba ki Jentil, ki bym shym la pyrshang ban ïasuk bad U Blei, la pynïasuk bad u lyngba ka jingngeit;

GALATIA 5:5

Na ka bynta jong ngi pat, ka jingkyrmen jong ngi ka long ba U Blei hi un pynksan ïa ngi bad u, bad kane ka long kaei kaba ngi ap khmih lynti ïa ka bor U Mynsiem U Blei uba trei lyngba ka jingngeit jong ngi.

PHILIPPI 3:9

Na ka bynta jong u, nga la bret noh ïa kiei kiei baroh; nga ñiew ïa ka baroh tang kum ka synrum, khnang ba ngan ïoh ïa U Khrist, bad ba yn pynïasoh pura bad u. Ngam long shuh uba don ka hok ka jong nga hi, ka bynta kaba nga ïoh da kaba kohnguh ïa ka hukum. Nga mynta, nga ïoh ïa ka hok kaba la ai da ka jingngeit ha U Khrist, ka hok kaba wan na U Blei bad kaba pynshong nongrim ha ka jingngeit.

HEBRU 11:1

Ban ngeit ka long ban sngewskhem ïa kiei kiei ïa kiba ngi kyrmen, ban sngewthikna ïa kiei kiei kiba ngim lah ban ïohi.

HEBRU 12:25

Te, to sumar bad wat kyntait ban shahshkor ïa uta uba kren. Kita kiba kyntait ïa uta uba ïathuh ïa ka khubor ba kynja bneng ha pyrthei kim shym lait im. Sa katno tam ma ngi, ngin ïohlait im, te, lada ngi phai noh na uta uba kren na bneng.

HEBRU 5:7

Ha ka jingim jong u ha kane ka pyrthei, U Jisu u la duwai bad khot kyrpad da kaba pyrta jam bad ïam ha khmat U Blei, uba lah ban pyllait ïa u na ka jingïap. Namar ba u long uba sngewrit bad aiti lut, U Blei u la shahshkor ïa u.

HEBRU 8:5

Ka kam kaba ki leh kum ki lyngdoh ka long shisha tang kum ka dur bad ka syrngiew ïa kaei kaba don ha bneng. Ka la long kajuh kumba ka la long bad u Moses. Haba u la dei ban thaw ïa kata ka Ïingjaiñ ka Jutang, U Blei u la ong ha u, “Pynthikna ban thaw ïa kiei kiei baroh kat kum kata ka nongmuna ïa kaba la pyn-i ha me halor uta u lum.”

1 PETROS 3:20

Kine ki la long ki mynsiem jong kito ki bym shym la kohnguh ïa U Blei mynba u la ap da ka jingshahslem ha ki sngi ba u Noah u dang shna ïa ka ïinglieng jong u. Ki briew kiba don tang khyndiat ha ka ïinglieng — phra ngut ha baroh — ki la lait im da ka um,

2 PETROS 1:1

Na u Simon Petros, u shakri bad u Apostol jong U Jisu Khrist — Sha kito ha kiba da ka hok jong U Blei jong ngi bad U Jisu Khrist U Nongpynim la ai ïa ka jingngeit kaba kordor kum ka jong ngi:

2 PETROS 2:5

U Blei um shym la shah jem ïa ka pyrthei mynbarim, hynrei u la wanrah ïa ka jingshlei um ha ka pyrthei jong ki briew bymtip Blei; kita kiba u pyllait im ki long u Noah, uba la ïalap ïa ka hok, bad hynñiew ngut kiwei pat.

2 PETROS 3:6

Ïa ka pyrthei la pynlong na ka um bad da ka um, bad ka la long ruh da ka um; ka um jong ka jingshlei um, ba ïa ka pyrthei barim la pynjot.